រឿង ទណ្ឌកម្មស្នេហ៍

រឿង ភរិយាត្រឹមនាម

Trailer....

មីនស៊ូហ្កា យូព្រីតុន ជាកូនប្រុសតែម្នាក់គត់របស់ទាយាទ យូព្រីតុន គេក៏ជាម្ចាស់ផលិតនិងនាំចូលយានយន្តទំនើបៗនិងល្បីៗផងដែរ ក៏ជាម្ចាស់សណ្ឋាគា The Blue Sky ដែលជាសណ្ឋាគាដ៏ល្អប្រណិតមួយផងដែរ អ្នកមកស្នាក់នៅសណ្ឋាគានេះភាគច្រើនជាអ្នកដែលមានមុខជំនួញធំៗ ឬក៏ជាអ្នកអភិជនតែប៉ុណ្ណោះ មិនតែប៉ុណ្ណោះគេក៏ជាម្ចាស់ផ្សារទំនើបដ៏ធំមួយ ផ្សារទំនើបរបស់គេគឺជាផ្សារទំនើបដែលធំជាងគេក្នុងទីក្រុងសេអ៊ូល ព័ត៌មានជាច្រើនបានចុះផ្សាយបង្ហាញពីរូបគេ ព្រោះតែភាពជោគជ័យក្នុងការងារមុខជំនួញមិនធម្មតារបស់គេ គេក៏ជាបុរសដែលមនុស្សស្រីជាច្រើនប៉ងប្រាថ្នា រូបរាងសង្ហារមានមន្តស្នេហ៍ កែវភ្នែកមានអំណាច ផ្ទៃមុខសរលោងគ្មានស្លាកស្នាម សប្បុរសស្លេក ពិតជាសាកសមនឹងតួរខ្លួន គេពិតជាសង្ហារខ្លាំងណាស់ មនុស្សស្រីជាច្រើនតែងតែធ្លាក់ក្នុងអន្លង់ស្នេហ៍គេ ទោះដឹងថាគេជាបុរសទឹកកកយ៉ាងណាក្ដី ចរិតរបស់គេដូចជាមនុស្សទឹកកកយ៉ាងអញ្ចឹងមុខស្មើរមិនដែលញញឹម សម្ដីមួយម៉ាត់ៗត្រជាក់ដូចទឹកកក សួរមិនស្រួលបួលក្អួតឈាមឥឡូវហើយ ចម្លើយរបស់នាយធម្មតាៗ ប៉ុន្តែន័យចុកៗសាហាវ ។

លី ឈូស៊ី ជាកូនស្រីរបស់អ្នកជំនួញដ៏ល្បីម្នាក់គឺលោក លី សុងមីន នាងត្រូវបានលោកប៉ានាងថ្នាក់ថ្នមដូចជាកែវចរណៃយ៉ាងអញ្ចឹង អ្វីក៏មិនឲ្យនាងធ្វើដែរ ប៉ុន្តែនាងសុទ្ធតែចេះធ្វើទាំងអស់ ( ក៏ព្រោះតែនាងចង់ចេះចង់រៀនធ្វើ ហើយនាងគិតថាវាសុទ្ធតែជាការងារដែលនាងត្រូវរៀន ព្រោះនាងពេលអនាគតគឺជាប្រពន្ធគេមិនអាចអ្វីក៏មិនចេះធ្វើនោះទេបាក់មុខគ្រួសារស្លាប់ហើយ ។ ) នាងមិនដែលធ្វើឲ្យលោកប៉ានាងខកបំណងលើនាងនោះទេ នាងពិតជាស្អាតឆ្លាតហើយគួរឲ្យស្រឡាញ់ណាស់ កែវភ្នែកតូចឆ្មា បបូរមាត់ស៊ីជម្ពូរ ថ្ពាល់ប៉ោងៗ រោមភ្នែកក្រៅឃ្មឹក ទម្រង់មុខអក្សរវី បូករួមជាមួយនិងការចេះដឹងគួរសមនិងអត្តចរិតរបស់នាងទៀតពិតជាល្អឥតទាស់តែម្ដង ។ នាងមានចរិតរួសរាយរាក់ទាក់ ចិត្តល្អ ក៏ប៉ុន្តែនាមជាមនុស្សម្នាក់ដែលម៉ឺងម៉ាត់ក្នុងម៉ោងធ្វើការណាស់ ទោះនាងរាងតឹងរ៉ឹងម៉ឺងម៉ាត់ចំពោះការងារក៏ពិតមែន ប៉ុន្តែលទ្ធផលចេញមកសុទ្ធសឹងតែល្អជាទីគាប់ចិត្តតែម្ដង ចរិតនាងមិនស្លូតមិនកាច ។
___________________________________