براء
احيانا نحب الحياة لان تعيشنا تجارب
تخلينا نستفاد منها بالمستقبل نعرف شنو خيرها
وشنو شرها واحيانا نكرها لان تاخذ منا اكثر الاشخاص اللي نحبهم منعرف شوكت وليش بس المهم نعرف اخذتهم منا💔
بعد ماطلعت سدن رحنا اني وشمس نكمل الشغل
وب بالي فكرة يمكن هيه حل لكل مشاكلي كلتلها....شمس
ردت عليه بابتسامة.....ها حبي
توترت حيل شلون اكوللها بعدين تنهدت وكلتلها بسرعة......شمس اني قررت اسافر بلكي شوية انسه من اللي كاعد يصيرلي
ابتسمت وحضنت وجهي بكفوفها الحنينه وكالت.....ليش تسأليني روحي بدون متكوليلي ثنينه نعرف شنو وجع الحب
كلتلها بتساؤل.....يعني مراح تزعلين مني او تشيلين بكلبج عليه
ضربت خدودي باطراف اصابعها اندارت تكمل شغلها وكالت.....عوبة من شوكت ازعل عليج اني
ابتسمت بمرح وكلتلها.....يمعوده هسه تلكين الحب مالتي ورا اسبوع ابنه يمشي بصفه
خزرتني عقدت حواجبها وكالت.....استحي شوية عيب
كلتلها باستهزاء.....اووي عيني ماعرفناج تستحين لعد البطنج منين اجه من زرف الحايط
سمعت ضحكه وراي متت بدمي انداريت واشوفلك غيث هو وامير وصديقة واكفين اريد احجي انربط الساني ومثل البيب بيب طرت للمخزن
اجتي شمس كلتلها....ماسمعوني مو فدوا كولي مسمعوني
كالت باستهزاء.....لامسمعوج بس سمعوا البطنج منين من زرف الحايط
ضربت كصتي.....ثول ثولني غير انتبه عمى حتى عمى اي خل الم غراضي واطفر
ضحكت وطلعت لميت غراضي وكملت كل شي رحت خابرت عالبيت سألت على احمد كالولي طالع خرب وكتك بدلت ملابسي ولبست شالي وطلعت للمطبخ صار بوجهي امير وبصفه غيث
كلت بكلبي.....هذا متواعد وياي وين مااروح يطلعلي
سلمت على شمس ووصيتها على نفسها وطلعت وكفت عالشارع داأجر تكسي اجه امير بسيارته وكال...صعدي اوصلج
استحيت افشلة وصعدت بس شو كاب نار هذا قطع السكوت بسؤاله.....ليش رح تروحين
كلتله.....هواي اسباب مااكدر اكولها
ضحك باستهزاء وكال.....مثل حبيبج مو متكدرين تعوفيه وتحبين غيره وعادي هوه يروح يتزوج ويغثج
يمكن بكل حياتي محد غثني وقهرني بكد كلامه لامير حيل جرحني
جاوبته بعصبية وانهيار.....اللي تحجي عنه طول عمره جان يدور سعادتي وسعادة اللي يحبهم اللي تحجي عنه حياته ادمرت صار عقيم بذنب غير اللي تحجي عنه بعد نفسه عن كل اللي يحبهم في سبيل يحميهم بعمره مااهتم النفسه اللي يحبهم جانوا مرتبة الاولى بحياته واخر مرتبة يجي هوه ماراد يتزوجني لخاطر ليدمر حياتي تقبلته وكلتله ....اني اتزوجك لو امراض الدنيا كلها بيك بس مارضى هذا الشخص لاول مرة يحب ومن حب فعلا انطعن بوسط كلبه كولي هذا الانسان مايستحق الحب؟؟
أنت تقرأ
فصليتي ولكن الظروف.....
Roman d'amourالمشهد .....غيث الله يخليك اخوية مو مجرم مستحيل يكتل ابوك غيييييييث مااحس اله صفكني راجدي اذني كامت تصوفر اخر شي اجو ولد عمه اخذوا امير بالكوه هو وغيث من ليث بس قبل لاياخذوه ضربوا ضربة الحايط انفطر براسه ل ليث نوب جرني حيل ودفعني بالغرفة وقفل الباب...
