💕أنت قلبي٢💕

الحلقة ٩٤

#انت_قلبي٢
#بوسي_مصطفى
_______________
الحلقة ٩٤

في فيلا مراد...
أمل : وصلت مع شادي لـ ايه؟
هشام : اللي عايزة يعمله يا أمل.
أمل : هشام أنا شايفه إن الغلط من الناحيتين.
هشام : مين اللي بدأ يا أمل؟!
مش شادي؟
أمل : لأ يا هشام هو في الأول قال إن أسلوب ليلى جاف معاه.
هشام : ايوه يقوم يروح يقول ل البنت اللي بيكلمها دي
ثم يعني ايه أسلوبها جاف؟!
هو حضرته  عايزها تقعد تهزر و تضحك معاه و لا ايه؟
امل : هشام أنت مش واخد بالك انك عصبي اوي و طريقة كلامك معايا فيها حده شوية.
هشام : ايه اسلوبي جاف أنا كمان؟؟
هو فيه ايه مالكم؟
امل : انت اللي مالك فيه ايه مش مفروض بنتكلم علشان نحل المشكلة اللي حاصله دي
انت بقي عايز تعمل معايا مشكلة كمان؟!
هشام : أنتِ عايزة تجنيني حضرته كان بيتمني بس إنها توافق دلوقت خلاص مش عجباه؟!
شوفي مين اللي كلت عقل ابنك.
أمل : هشام مبحبش طريقتك دي
ايه ابنك و ابني احنا هنقسم العيال بينا و لا ايه؟!
هشام : من الآخر كده يا أمل عايزة ايه علشان أنام في الليلة دي بقى ؟
أمل : نام يا هشام مش عايزة حاجه.
هشام : احسن برضه.
___________

في شقة والد كريم..
كريم قاعد جنب مامته بعد ما اخدت الدوا.
امال فين فريدة؟
شهد : الظاهر دخلت نامت.
علاء نظر لشهد : يلا علشان ننام.
شهد : حاضر هتحتاجي حاجه يا طنط؟
سميرة : لا يا بنتي كتر خيرك.
شهد : لو احتاجتي حاجه بس ابقي رني عليه.
سميرة : ماشي.. تصبحو على خير.
يُقبل علاء رأس والدته..
علاء : زين هيبات فوق مع الولاد يا كريم علشان بس
متقلقش عليه.
علاء : خليه ينزل ينام هنا يا علاء.
علاء : يا عم سيبه يبات مع الولاد فوق دول مبسوطين اوي انه معاهم.
سميرة : خليه يا ابني زمانه نام اصلا الجو برد ينزل فين دلوقت؟!
علاء : سلام عليكم.
يرددوا : و عليكم السلام.
سميرة : ادخل نام جوه يا ابني
فريدة روقت الأوض محمد نايم في اوضة علاء و هي دخلت اوضتك.
كريم : شوية كده يا ماما.
سميرة : شوية ايه؟ أنت تعبان يا حبيبي تلاقيك من الصبح
و أنت شغال كده متستريحتش دقيقة واحدة ما أنا عارفاك.
كريم ببتسامة : لا أكلت و شربت قهوة في المستشفى مش كله شغل يعني.
فريدة : انت جيت يا كريم؟
سميرة : ياااه صحي النوم يا فريدة.
فريدة : هو أنا نمت كتير و لا ايه؟.
كريم يقوم : الظاهر كده هدخل اغير هدومي يا ماما.
سميرة : ادخل يا حبيبي.

في غرفة كريم..
فريدة : تقصد ايه بالظاهر كده دي؟
كريم : يعني ايه دا مش فاهم؟
فريدة : لما خرجت و سألت إني نمت كتير اوي كده؟
حضرتك قولت الظاهر كده.
كريم : و ايه اللي فيها مش فاهم و لا انتِ عايزة تتخانقي
و خلاص.
فريدة : انا يا كريم و لا طريقتك معايا في المستشفى اللي كانت بتقول انك مكونتش حابب إني اروح هناك.
كريم : اه قصدك مرواحك لـ صاحبتك.. جميل اوي الصداقة
و إننا نعمل الواجب بس صاحبتك مكانتش هتقول حاجه
لو حضرتك اجلتي الزيارة دي لبكره و جيتي تشوفي أمي
و متقوليش ما أنت سيبت مامتك و روحت المستشفى علشان عيب اوي الرد دا لإن كان في واحد سايح في دمه مفروض اروح اشوفه بما إني مدير المستشفى و كان في واحدة تعبانه كان لازم اروح انقذها و اعملها العملية يعني وجودي كان له سبب لكن حضرتك قولتي دروس محمد
قولت اوك مجاتش من ساعتين اخدتي ساعتين كمان علشان تلبسي و تجهزي و تروحي المستشفى و ساعة هناك كمان
عادي جدا و مفيش أي خاطر للبني آدم اللي عايشه معاه
فريدة : أنا مبعملش ليك خاطر يا كريم؟!
كريم : جيت لاقيتك نايمه يا فريدة.
فريدة : هو بلاش انام كمان؟!
أنت عارف إني تعبانه من امبارح و بلاش اتكلم بقى.
كريم : كنت هقدر دا لو قعدتي في بيتك و قولتي مش قادرة انزل لكن بما انك قدرتي تخرجي من البيت يبقى مين أولى
يا فريدة على فكرة انا مبقولش متروحيش لصاحبتك و تطمني على بنتها بس انا أمي تعبانه كنت عايز لما اغيب أنا تبقى انتِ موجودة بدالي حتى لما رجعت لاقيت علاء و مراته اللي قاعدين مع ماما ملقتش اللي مفروض تكون مكاني أنا موجودة بس هقول ايه الحاجات دي مينفعش اصلا تتحكي بس انتِ اللي خرجتيها من جوايا.
فريدة : يااااه دا انت في قلبك كتير بقى على العموم أنا آسفه
بس كل اللي فيها اني قولت هروح المستشفى اشوف مليكة
و اهو اطمن على اخو شهد و أنت هناك هنيجي مع بعض على هنا معرفش إنك هتتأخر كل دا.
كريم : كان في تحقيق في المستشفى و معرفتش اجي و كنت على إتصال مع علاء اعرف منه الدكتور جه لماما و لا لأ
يعني غصب عني مش برضايا لو عليه اقعد تحت رجلين أمي و اخد اجازة من المستشفى و إحتمال دا يحصل بس اشوف التحقيق هينتهي على ايه.
فريدة : طب خلاص علشان خاطري متزعلش مني أنا مكانش قصدي كل دا و معرفش إنك هتزعل كده.
كريم : علشان مببينش و مبقولش يا فريدة علشان الحاجات دي مفروض تتعمل من غير ما أتكلم.
فريدة : أنا من وقت ما جيت و أنا قاعدة مع طنط في اوضتها حتى اسألها كل اللي فيها إني دخلت نمت ساعة علشان تعبانه و أنت عارف كده.
كريم : خلاص يا فريدة حصل خير هغير علشان اشوف ماما قبل ما أنام.
فريدة : طب علشان خاطري متزعلش مني أنت عارف زعلك بيتعبني يا كريم.
كريم : معلش اعصابي بس تعبانه من الضغط اللي أنا فيه.
فريدة : معلش يا حبيبي بكره الأمور تبقى تمام و المشاكل اللي في المستشفى تنتهي و طنط تخف و تبقى كويسه.
كريم : اعمليلي فنجان قهوة.
فريدة : حاضر و لو إن دا هيسهرك و أنت محتاج تستريح
و تنام.
كريم : فنجان القهوة هيظبط دماغي علشان اعرف أنام.
فريدة : حاضر هعملك حاجه خفيفه تاكلها.
كريم : مليش نفس.
فريدة : لا علشان خاطري لازم تاكل شكلك ما أكلتش حاجه من الصبح.
كريم : مليش نفس صدقيني طلبت الأكل و مقدرتش احط حاجه في بُقي كل اللي اخدته فنجان قهوة.
فريدة : يبقى هتاكل معايا انا متعشتش هعمل حاجه خفيفه كده علشان الدايت و تاكل معايا علشان أنا افتح نفسك علشان نفسي أنا اتفتحت هدمر كل اللي عملته هههههههه.
____________