🥰عشكته واخذني فصليه🥰

البارت الاول 😍

#تعريف الشخصيات
تعريف البطله

هلو اعرفكم عن نفسي اني اسمي ..ليان.. عمري 17 سنه مبطله دراسه واني مرحه واحب اضحك هواي مواصفاتي اني بيضه كطن وعيوني رصاصيات وخشمي اصغيرون وعدي اخدود وشعري طويل لونه اشكرمتوسط طولي 157وزني 56 جسمي يخبل موالم ويه طولي واني عنوديه واذا احط شي براسي اسويه يعني اسويه

اهلي عدي بابا الله يخليلياه اسمه محمد عمره 45وامي الله يخليلياه اسمه هجران عمره 35 واخواني عدي اخويه على حدي اسمه مصطفي عمره 13سنه وكولش وكح ويوميه مشكله من وراه عطول بابا يحبسه ويكتله بس ابد مايفيد بيه 3مرات سوه حادث ومثل الجني ب7ارواح مايموت واخويه الصغيره اسمه يمام عمره 6سنوات كولش حلو يشبهني واختي اخر العنكود اسمه دينا عمره 4سنوات حلوه عيونه سود بسواد اليل
وبعد بلبارتات الجايه تتعرفون اكثر عليه وعلى عائلتي

تعريف البطل
هلو اعرفكم عن نفسي اني اسمي عبدالله عمري 23سنه ادرس محاماه سنه اخيره مواصفاتي حنطاوي عيوني عسليات لحيتي حلوه مرسومه رسم طولي 186ومعضل جسمي حلو رياضي وشخصيتي عنودي وعصبي ولبراسي اسويه

اهلي عدي ابويه الله يحفضه عمره 53 اسمه ثائر وامي الله يحفضه الي عمره 49اسمه حنان كلبه كولش طيب وحنونه وعدي اخواني اكبر مني بكر عمره 25يدرس دكتوراه ولعلى حده كرم عمره 24يدرس واخويه الصغير ياسر عمره 17وخواتي اثنين وحده عمره 22 اسمه سحر متزوجه والاخرى اسمه نور عمره 18تدرس
وبعد بلبارتات الجايه تتعرفون اكثر علي وعلى اهلي

..ام ليان.. ليان ليونه يمه كومي كافي نوم شنو تنبل مال نوم ماتشبعين يله كومي
..ليان.. امممم
..ام ليان.. ولج كومي اليوم اروح على عمامج كومي نضفي وخلصي بوكت يله
..ليان.. امممم كمت يله هياتني. انوب كمت مفتح عين ومغمض عين وشعراتي منفوشات وملعوب بخلقتي طوبه كمت غسلت وجهي
.. ليان.. صباح الخير
..الكل.. صباح النور
..ام ليان.. تعاي يمه تريكي ونضفي
..ليان.. لا ماما ماريد رح اروح انضف حتا اخلص بوكت
..ام ليان.. بكيفج
..ليان.. انوب نضفت البيت وعطرته وبخرته واخذت ملابس وفتت سبحت لبست دشداشه حمره ضيقه ومخصره عليه ومرسوم عليه دب فردت شعري وكمت اخذ صوري لئن بس من اطلع من الحمام صودك اصير حلوه 😁عاد شسورت شعري وسويته كبوبه
صليت وكعدت عتلفون اقره نكت كلهن بايخات بس ارد اضحك اشويه 😅
عاد شبعت ضحك
وطلعت كعدت بالحديقه الجو حلو  دكت عليه صديقتي
..ليان.. الو
..سناء.. الو ها حبي شلونج شخبارج
..ليان.. هله حبي انتي شلونج شخبارج
..سناء.. تمام الحمدلله
..ليان.. وله الدايحه وله الوصخه شو ماكو
..سناء.. انجبي يلقذره يجربه غير مشغوله
..ليان.. عابتلج اليسمعج يكول متزوجه وملتهيه بالتوم
..سناء.. هههههه يجي يجي
..ليان.. اي بعده علفرس 😂
..سناء.. لا حولي
..ليان.. 😅😅بعير احسن
..سناء.. هههههه عابت
..ليان.. يله حبي بليل نتخابر سلمينه
..سناء.. الله يسلمج كلبي انتي هم سلمينه
..ليان.. سديت الخط وفتت جوه عاد حضرت ملابسي وبدلت لئن عمامي مسوين عزيمه وعزمونه المهم كملت لبست بنطرون اسود وبدي ازرك وشال اسود ومكياج خفيف
رحت لكيت امي مكمله عاد بابا وصلنه لبيت عمي ومخبوصه خبص فتت سلمت على خالاتي وعماتي وبنات عمي
وكمت ساعدتهن بلغده جان يفوت .........
.
.
.
.
.
ياترى منو فات للمطبخ وليش ليان انزعجت من وجوده وشنو السبب
.
.
.
اسفه اعرف البارت قصير بس المهم عرفت على الشخصيات
وانتضروني بارت جديد وحلو لاتنسون التصويت بليز حبايبي
احبكممممم 🥰🥰🥰🥰🥰

كوله كوله 😘😘😘😘