بقلم ام زينب .....
وين اني فتحت الباب ناس غريبة منو هذولة اخ ياربي راسي يوجعني زين اني شسوي هنا مااحس غير طفل اجة صفن وعلية وكام يصيح بابا كعدت تعال ماما تعالو ضليت صافنة منو هاي الناس..
اجة جال متوسط ومرة وياة حلوة ونازكة
اجتني وكامت تحجي وياي تعرفين منو اني وهذا الرجال منو
امل... ها لا منو انتو ووين اني
ابو علي... بنتي اسمي ابو علي واني اصير خالج وهاي زوجتي هبة وابني علي
امل... منو يكول انت كرايبي واشلون جبتني لهنا
ابو علي..... بنتي الشرطة اجت بلغتنة بوفاة والدج وبيبيتج الحمد لله كدرو ينقذوهة بس دخلت بغيبوبة
وانشالله ترجع لوعيهة
هبة... بنتي انتي راح تعيشين ويانة منا لمن بيبيتج تكوم بالسلامة
وهذا علاوي يمج يونسج
امل.... زين اريد اروح لبابا
ابو علي.... زين بنتي بس لازم نحجي بالاول كلشي حتى تعرفين كلشي
وبدة ابو علي يسولفلي اشلون وكعنة بالنهر واشلون ابوي غرك بالسيارة بس بيبي كادرين يطلعوهة واني هم.. بيبي صاعد السكر عدهة وداخلة غيبوبة
واني فاقدة من الصدمة وماخذيني لبيتهم بعد ماالشرطة مبلغتهم لان همة اقرب اشخاص للاهلي
وهمة صايرين الوصي علية لحد ماتصحى بيبي
ابو علي.. وهسة بنتي راح اخليج يم هبة اكو شغلات لازم تعرفيهة يلا حبيبة اروح للدوام
هبة... الله وياك حبيبي
هبة... يلا امولة تعاي نسولف ونتريك
امل.. حاضر
هبة... امل حبيبة اني مرات يجي اخوي لهنا مااريدج تطلعين من يجي لمصلحتج ماشي.
امل... حاضر خالة
هبة.. تسلمين حبيبة الله حلوة كلمة خالة
امل..... ضليت شهرين عدهم بيبي ماتحسنت حالتهة واخو خالتي من يجي اكعد بالغرفة مااطلع جانت جياتة قليلة بعدين كثرت جياتة وماكنت او فكرت ليش لحد مايوم طلعت خالتي للسوك وضليت بس اني وعلاوي اني اقرة وعلاوي يلعب مااحس غير واحد كال علاوي خالو هاك روح اشتري وجيبلي عصير وتعال
من سمعت صوتة ركضت للغرفة وردت اسد الباب مااشوف غير واحد دفعة ودخل طويل وضخم وضل يحجي ويتغزل واني ارجع لورة وهوة يتقدم علية
لحد مالزكني بالحايط وضل يجرجر بية كمت ابجي واصيح
هبة.... ولك حقير ماعفت البيت غير ساعة تجي تتحرش بالامانة اطلع كلب وبيتي مادوسة ولااني اختك ولااعرفك
ابو علي..... اشبيج هبة شنو هاي صوتج طالع واخوج
شكلة كاتل واحد شعدج ماتفهميني
هبة.... وهي تبجي ماصنت الامانة اخوي راد يعتدي على الامانة
ابو علي.... ياربي شنو هاي البلية ياربي اشلون هبة كليلي سوالهة شي احجي...
هبة.... ماادري ماادري وهي تبجي ماتحجي
ابو علي... افهمي منهة واني رايح اعلم هذا السرسري
حرمة البيت واله اكعدة عشاير لو مو اخوج
هبة.... ليش منو كالك لاتروح روح اني حكانية واخوي داس بيتي وحقي وحق هاي اليتيمة بركبتك تاخذة
ابو علي.... اصيلة ومعدلة ام علي دومج
هبة اروح اشوف امل واعرف منة واذا مسوي شي تهدر دمة لو مو اخوي
امل... ابجي وخايفة ومااعرف شنو اسوي
هبة. امل حبيبة كليلي سوالج شي احجي الي شنو سوالج صدكي لو مو اخوي اذبحة اذا مسويلج شي فدوة احجي
امل.... وسولفتلهة على الصار لحد مااجت
هبة... يمة الحمد لله ماتعدة عليج والامانة لسة محفوضة
امل..... خالة يعني مابية شي
هبة.... اي يمة مابيج شي لاتخافين وخالج راح ياخذ حكج لاتخافين تعاي انيمج يمي بنيتي
ضليت حاطة راسي بحضنهة واناشغ لمن غفيت
صحيت على صوت خالو وهو يكول باجر نكعد وياهم واخذ حكهة
هبة.... نام هسة وارتاح باجر وراك طريق واني وامل انروح للمستشفى الدكتور يكول اكو تحسن بحالة
الحجية
ابو علي.... الحمد الله اكو خبر زين بعد كل هاي الاخبار الموزينة
امل.... فرحت من سمعت بيبي صارت زينة واخير راح ترجعلي شهرين عايشة عدهم واخاف بيوم يملون مني لو مرت خالو تحقد عليةبسبب اخوهة.
صح عشت وياهم ولا يوم غثوني بس الانسان يصير ثكيل اذا ضل هواي
.....
للحكايا بقية 😘
ام زينب..........
أنت تقرأ
بعد العذاب..... أمل
Romanceكل الطريق امشي ودموعي مانشفت ليش بس اني بهاي الدنيا هيج حضي حتى الاحبهم يرحون عني..!. .. اسمي امل من الديوانية وحدية امي وابوي قصتي بدت وياكم اليوم امي بعد ولاتي بسنتين توفت وضل ابوي حاير بية واشلون يربيني بس بيبي كانت سند الي وتعلمني على كلشي ك...
