ﺍﻓﻬﻤﻨﻲ ﺃﺗﺮﺟﺎﻙ ﻛﺎﻓﻲ ﻋﺎﺩ ﺃﺭﺟﻮﻙ
ﻣﻮﺣﺘﻪ ﺍﻟﻌﻴﻮﻥ ﺣﻠﻔﺖ ﻣﺎ ﻏﻔﺖ ﺑﻌﺪﻙ
ﺩﺳﺖ ﺟﺮﻭﺡ ﻛﻠﺒﻲ ﻭﻛﺘﻠﻪ ﺃﻧﺴﺎﻩ
ﺟﺎﻭﺑﻨﻲ ﻛﻠﻲ ﻣﻮ ﻛﻴﻔﻚ ﺃﺷﺤﺪﻙ
ﻟﻤﺎﺫﺍ ﻟﻤﺎﺫﺍ ﻃﺮﻳﻘﻨﺎ ﻃﻮﻳﻞ ﻣﻠﻲﺀ ﺑﺎﻷﺷﻮﺍﻙ
ﻟﻤﺎﺫﺍ ﺑﻴﻦ ﻳﺪﻱ ﻭﻳﺪﻳﻚ ﺳﺮﺏ ﻣﻦ ﺍﻷﺳﻼﻙ
ﻟﻤﺎﺫﺍ ﺣﻴﻦ ﺃﻛﻮﻥ ﺃﻧﺎ ﻫﻨﺎ ﺗﻜﻮﻥ ﺇﻧﺖ ﻫﻨﺎﻙ
abbas haji
رقيه،،، لا تسلم ميحتاج
جاسب،،، هاي صدك متباوع عليه اكو بنيه متريدني صدك جذب هاي شون وياها
علاء،،، شبيك بيش تفكر كلك اخذني للبيت مو ترجعني للكراج
جاسب،،، اي نسيت وصلت علاء للبيت ورحت للكراج
الحجي،،، لا طبب سياره يله نروح
جاسب،،، وين حجي
الحجي،،، للبيت
جاسب ،،،ماشي طلعنه بسيارة للبيت طببت سيارة بلكراج مال البيت نزل راح للبيت طب جاب مفاتيح انطانياه كال هاي مفاتيح مال باب الحوش ويه غرفتك زين اخاف بليل تطلع ماريد منك تعوف الباب مفتوح دائما اتسده وفتحنه البيت سوى طبيت لكيته بيت مؤثث همينه بي بغرفة نوم سرير نوم وتلفزيون بلهول وثلاجه وطباخ صغير وتخم قنفات
المهم مرتب كلش زين مال نفر واحد بس اني تعجبت من الفلاح اذا عنده جهال وين منومهم مثلا بطرمه المهم الحجي كال مابي اي نقص وطباخ بس تسوي عليه جاي تحمي شي عليه الاكل اجيبلك من بيتنه والبيت لا تهتم نضفناها اني والمره يعني ميحتاج تنضيف بس انته هم لا تصير وصخ وتوصخ الدنيه خليك نضيف لان منو ينضفلك البيت واذا كلش اتوصخ اكو مره جيرانه ننطيها افلوس تجي تنضفلك مو كل يوم تجي تنضف ها بعد ما اكلك شغل الكيزر وشغل الثلاجه يله اني راح اعوفك ترتاح طلع الحجي وبقيت وحدي صدك احسن من الفنادق بمليون مره بيت حلو مرتب طلعت من البيت كلت الكه محل اجيب مي مقطر جبن شي نساتل فواكه حته الثلاجه ترد روحه المهم طلعت مسواك ورتبتهن بثلاجه من تعب غفيت على القنفه محسيت اله ساعه بل 8 يدكون الباب كمت فتحت الباب لكيت الحجي شايل صينيه كال شنو مبين عليك نايم كتله اي والله نايم كلي كوم اتعشى وراها خلي نروح يم الحلاق كتله ليش يم الحلاق كال نرتب وجهك يمعود شوف لحيتك نرتبها الك غير باجر انته غير شيخ يصير شيخ مبهذل كملت العشى ورحنه يم الحلاق رتبلي لحيتي وعدل شعري مقبلت يكصه هوه هم خله سكسوكه ورجعنه للبيت سبحت وكبل طبيت للفراش انام اصبح لكيت الحجي يدك الباب
حجي،،،، ما تكوم شنو قصتك يله استعجل بدل ملابسك
جاسب،،،كمت بدلت باوعت بل مرايه خرب انه شيخ صاك طلعنه والولد جانو ينتظرونه يم الكراج سيارتين جكساره واكفه باب الكراج اني صعدت ويه صباح والحجي صعد ويه علاء وطلعنه لدائره وكفنه بلباب حد ما الولد يطبكون سيارات حجي انطاني هويتي طبينه لدائره هلا بشيوخ كناله غرفه مدير وين كال فوك ودز واحد ويانه صعدنه لغرفه المدير
