احببتها منذ الصغر

البارت 12

اباوعله نصدم من شافني ، گال..

عدنان: نور رايدة شي
نور: لا ، يله تعال ندخل جوه
عدنان: اوك

دخلنه جوه واني دمي فاير لان سمعته يحجي ويه بنيه بس ما بينت اله
شوي و طلع هو و عمي و عمار و هيثم للشركة ، واني صعدت لغرفتي و افكر منو البنت الي اتصلت عليه وليش كلها نور ما راح تعرف بالموضوع
ضلت هاي الافكار ادور بعقلي واني افكر اراقبه واشوف الساعة ٤ وين يروح لو لا

بعد ساعتين تقريبا چنت يم خلود ودخلت زينب كانت لازمه ظرف بأيدها وگالت..

زينب: نور هذا الظرف الج
نور: من منو
زينب: جنت بيت عمي ومن رجعت للبيت ولد اجه ونطاني الظرف وگال انطيه لنور
نور: هاا اوك

اخذت الظرف منها وطلعت من غرفة خلود ودخلت لغرفتي ،فتحت الظرف و نصدمت
،بيه صور لعدنان ويه صديقتي مريم ،اباوع للصور واني مصدومه ، صورة حاضنين بعض بيها وصورة وهو بايسها براسها ، و چانت اكو ورقة ويه الظرف ، فتحتها وقريتها ، كان مكتوب..

الرسالة📃

نور ابتعدي عن عدنان لان اني وياه نحب بعض من زمان قبل لا يتعرف عليج اني وياه كنه نحب بعض و هو صح اعترفلج هو يحبج بس هذا مو حب هو راد يزوجج حتى ينساني بس من شافني وياج بالكلية رجع حبه الي مثل قبل وهو ازوجج حتى ما يجرحج وهاي الصور الشفتيهن توضح اني و عدنان نحب بعض ، واذا تردين بعد دليل تعاي الساعة ٤ لبيتي وشوفي زوجج حبيبج وياي..

قريت الرسالة واني مقررة اروح واشوف اذا كلامها صح ، رحت غيرت ملابسي و طلعت واني متجهه البيت مريم

****************

خلصت اجتماع و دخلت لمكتبي واتصلت مريم ،رديت عليها وگلت..

عدنان: هاا مريم
مريم: عدنان شوكت تجي
عدنان: بعد نص ساعة
مريم: اني اسفة اذا زعجتك بس..
عدنان: لا مريم اني اسف ، اني الي منتبهت هذاك اليوم وصار حادث وانتي تأذيتي
مريم: لا عدنان اني الي چنت امشي بالشارع وانت و صدفه انت اجيت بسيارتك وصار الحادث
عدنان: اوك هسه راح اجي واخذج للمستشفى حتى اشوف حالتج اذا تحسنت او لا
مريم: اوك

فصلت المكالمة وطلعت من الشركة وصعدت بسيارتي واتجهت لبيت مريم

بعد فترة وصلت ، بقيت بسيارتي واتصلت عليها وگالت..

عدنان: مريم اني يم بيتج طلعي حتى اخذج للمستشفى
مريم: عدنان مداكدر اگوم جسمي كله يأذيني من الحادث
عدنان: خلي الخدامة تساعدج
مريم: اي هاي الخدامة يمي بس مداتگدر تساعدني تعال انت
عدنان:اوك

نزلت من السيارة ودگيت باب بيتها طلعت خدامتها

دخلت للبيت و دخلت لغرفتها وساعدتها حتى تگوم وگلت..

عدنان:مريم اني راح انتضرج بالاستقبال على ما تجهزين نفسج
مريم: اوك

طلعت من غرفتها وگعدت بالاستقبال ، اجتي الخدامة وقدمتلي عصير ، اني اخذته وشربت بعدين حسيت بدوخه ما گمت اركز بأي شي ، اجتي مريم لزمتني من ايدي
ودخلتني غرفتها وبعدين ما حسيت بأي شي