تشرق اشعة الشمس الذهبيه مبتدأه يوم جديد من الحب والحنان وها هى أشعة الشمس تداعب صاحبة الشعر البنى الطويل والرموش الكثيفه... أخذت ترفرف رموشها كأنها تستعيد قوتها لفتح عيونها وأخذت تنظر إلى مكان الضوء فوجدت أمها تفتح نوافذ الغرفه. فإعتدلت جالسه على الفراش وهى تفرك عينيها بنعاس
عشق بتثاوب : صباح الخير يا ست الكل .
الحاجه إيمان بحب : صباح الخير يا شوشو . قومى يلا يا حبيبتى أنا حضرلتلك الفطار عشان تفطرى قبل ما تروحى الجامعه
تذكرت عشق كلام الطبيب الذى يتابع حالة أمها عن خطر الحركه الزائده عليها والمجهود بسبب مرضها
عشق عتاب وحزن : ليه كده يا ماما تتعبى نفسك مصحتنيش ليه وأنا كنت عملت .
الحاجه إيمان : منا كويسه اهو هو حصل ايه يعنى .
قامت عشق من فوق الفراش وإتجهت ناحيتها وضمتها إلى صدرها
عشق وهى تقبل وجنتها ببعض المرح : ربنا يخليكى ليا يا ست الكل وميحرمنيش منك أبداً
الحاجه إيمان : ويخليكى ليا يا حبيبتى ... يلا ادخلى خدى شاور على محضر الفطار .
عشق : حاضر
تنهدت عشق بأسى على مرض والدتها وذهبت إلى المرحاض ..وخرجت بعد قليل أدت فريضتها وقامت بإرتداء ملابسها وهى عباره عن دريس من اللون الاسود الذى يضيق من على الصدر ويوجد حزام رفيع بالمنتصف باللون الجملى وحجاب من اللون الأبيض مشجر فى جملى وحذاء جملى .
أثناء تحضير الحاجه إيمان الطعام سمعت رن الجرس ذهب لكى تفتح فوجدت ساره وكريستينا أصدقاء عشق المقربون..
ساره بمرح وهى تغلق الباب خلفها : ازيك يا أجمل طنط فى الدنيا ايه الحلاوه دى إنتى بتكبرى ولا بتصغرى بس عرفينى .
الحاجه إيمان : ازيك يا سارسوره مش هتبطلى بكش بقى يا بت .
رفعت ساره يديها لأعلى وأردفت بطريقه مسرحيه
: أنا والله ما حصل.
كريستينا وهى تنظر للطعام الموضوع على السفره
: الله بيض بالبسطرمه بحبه اوى .
ساره وهى تنظر هى الأخرى : الله مربى بالفراوله بعشقها .
ثم جلسوا على السفره وشرعوا فى تناول طعام وكانت عشق تضحك عليهم .
ساره بمرح : تعالى يا عشق متتكسفيش ده زي بيتك برضوا .
عشق بمرح : لأ مهو واضح .
ثم جلسوا يتناولون الفطار سوياً
الحاجه إيمان : هروح يا ولاد أعملكوا عصير تشربوه يطرى على قلبكم .
كريستينا بمرح : ياريت يكون عصير فراوله يا طنط .
ساره بمرح هى الأخرى : لأ شكراً يا طنط والله منا عاوزه صدقينى والله أنا فطره قبل ما آجى ...ان مكونتيش تحلفى بس... خلاص يا ستى خليها عصير مانجه .
أنت تقرأ
فى براثن قسوته
Romance#مركز أول #عنف بتاريخ ٦/١٠ /٢٠٢٢ هى فتاه جميله مرحه للغايه من عائله بسيطه ارتكبت ذنب ولكن كان من أجل الدفاع عن نفسها يأتى هو بسلطته وقسوته يجبرها على الدخول إلى عالمه من أجل أن ينتقم منها على ذنبها هذا فهى بصغر سنها لم تقدر التعايش مع عمله ولكنها...
