🌾الحلقـــ35ــة "القســ1ـــم " 🌾
🍀❇🍀
خذى رشفة طويلة من فنجان قهوتو السخون وعينو مرشوقة في ريما ايلي تخزرلو وفمها راسم تبسيمة غامضة ، حك دڨنونتو وسألها" لوقتاش شتقعد ساكتة ؟!..طلبت نخرجو وهانا خرجنا ...فاش تستنى باش تدخل في الموضوع "
ضحكت " علاش ها الزربة ...سي احمد..مافيها باس تقعد شوية مع خطيبتك "
عوج فمو على جنب موش عاجبو" ريما...يا احكي يا خنروحو"
شاورت بكفوفها " صفا...صفاااا...فهمت...انت مايهمك كان تولين والحكايات ايلي تخص تولين....بااهي " خذات نفس طويل قبل ما تكمل " قلي أحمد...شنوة تعرف على خديمتكم ....جناة "
عقد حواجبو موش فاهم " شدخل جناة؟!"
نفخت بقلق " جاوبني قبل "
هز اكتافو " مانعرف عليها شي ...غير انها خديمة تاثق فيها امي...وعندها مدة ملي هجت "
عقدت ذراعاتها لصدرها "عايلتها ؟؛! تعرفها؟!"
مط شفايفو " مقطوعة من شجرة ..هذا ايلي نعرفو "
ضحكت " وتولين..في بالك ايلي هي متبنية؟! "
صفر بصوت واطي" في بالي...ياخا هذا ايلي كنت تحب تحكيهولي ؟!"
كملت حديثها من غير ماتجاوبو على سؤالو " وبرايك...شكون امها وبوها"
نفخ "يا ريماااا....بربي علاه هذا الكل ...قول اش باش تقول بوضوح وصراحة علاه ها اادورة هاذي "
ضحكت بتزعبين"ماو خايفة عليك من الصدمة ..."مالت ناحيتو " مرة سمعت طراطش حديث بين بوك و بابا...ونجمت نخرج بحويجات صدموني ...اولهم...شكون تولين"
كملت وقت لقاتو يتبع فيها بتركيز "تولين ...ماهيش بنت نزهة ...وحد مايعرف عليها شي ...جناة ...كيف كيف ...لكن فمة حويجة مهمة في الوسط هي جناة ونزهة ...ها الزوز من معارف بوك وبابا القدم ...انا دوب ماسمعت ها الحكاية و بديت نلوج ونبتبت ووصلت لحاجات تصدم ...تحب نقلك عليها ..."
باقي يخزرلها ويستنى فيها تكمل وهي ماسكتتش " اولا وصلت انو جناة كانت معرسة في اول التسعينات وطلقت بعد خمسة شهور و بعدها جات تخدم عندكم ...وبعد الطلاق هاكي بتسعة شهور ...طلقت نزهة ..."
نفخ بقلة صبر "اش يهمني انا في طلاقهم ..."
دوحت براسهت "ربي ماعطاكش الصبر ...بعد الطلاق نزهة كانت عندها بنية ...الناس الكل تسخايلها بنتها ...اما في الحقيقة هي ...بنت ...جناة "
حل فمو ماردو "شنوة !؟؟؟...بنت جناة ...تحب تقول ...تولين بنت الخديمة متاعنا "
ضحكت ريما وهي تشوف فيه مصدوم" مع الاسف يا ...سي احمد... الجري ايلي جريتو الكل وراء تولين ...كان ع الفاضي ...وطلعت بنت خديمة ...وزيد جابتلك طفلة في الحرام...بون ...مانيش متأكدة اذا بنتك والا لا ...بالاخير ايلي عملتو معاك تنجم تعملو مع غيرك ...ومانتصورش وصلت لاركان بسهولة ...الراجل مزيان ومضخم و بفلوسو ...و زيد....ظهر مالك ناز....ياخا عقلك ما ينجمش يخمم في شي وقت تسمع هذا الكل ؟!"
رمشت جفونو في جرة بعضها وحاول يفسر " يعني ...تولين ...من الاول لعبت معايا لعبة الحب طمع في ناز وللمنصب ايلي وصلتلو تو ...وبعد كيف عرفت اركان وعرفت انو عندو نسبة اسهم كبيرة حتى اكثر مني ...بعثتني انا نزمر ومشاتلو "
وضحتلو نقطة " واللعبة هاذي ...ملعوبة ...ومخططة من عند جناة ...وهاو الاثبات ..."ورتو ايكرون التاليفون وكانت تظهر تصويرة جناة و تولين " التصويرة هاذي ماعندهاش نصيف ساعة ملي وصلتني ...الام ...وبنتها ...ضدك انت وعايلتك....باش ياخذو منكم ناز ..."
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Short Story★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
