🌾الحلقــ35ــة " القســ3ــم "🌾
🍀❇❇🍀
شرودو طال واعصابو تعبت ومخو تحرق من التخمام...اركان لهب فيه نار وسكت... خلاه يتقلى بين افكارو و ذكرياتو والبلاصة ايلي قاعد فيها على رغم وسعها عمال تضيق بيه وتنزل على صدرو تخنقو ...الحل انو يبعد من فم حتى لين يهدى ويسيطر على حالتو وينجم يرجع لطبيعتو ، ربت على كتف اركان وهو ياقف " عندي قضية عاجلة ...تو نرجعلك العشية ..."
قوس اركان حواجبو و تكى راسو على جوانب كروستو " كيف ماتحب ...خوذ راحتك "
شافو يزرب في خطواتو يستنى وقتاش يخرج من فم ، عبارة هارب من حد يجري وراه ...من الاكيد ايلي قالو خلاه في هاك الصينة ...موش عارف كيفاش فلتت من لسانو هاك الكلمات ...للصراحة ... موش عارف اذا زلقت بالحق وماكانش حاب يقولها ...والا قصد ينطق بهاك الجملة و يسمعهالو ....لعل اختارها مفتاح لصندوق الاسرار ايلي مخبيه بين ضلوعو ...
فبرا تاليفونو بين يديه وايلي طالبو كان حد استناه اركان من الصباح ، هاكي علاه ماضيعش الوقت وهز فيسع " وي"
جاه الصوت واطي و موزون " سي اركان...مدام تولين كملت مع جناة وتوا مع سي فريد يحكاو ..."
نفخ اركان "هذا علاش طالبني ؟! "
وضحلو " ...لا ...حبيت نقلك انو ...فمة كرهبة ڨري اتبع في جناة ملي خرجت من القهوة ...شنوة تحبنا نعملو !؟ "
ضيق اركان عينيه وكبس صوابعو ببونية ضرب بيها اجناب الكروسة " ابعث شكون في جرة جناة ...وعينك ماتغفلش على تولين ...حل عينك عليها قد ماتنجم "
علق عليه و رجع راسو لتالي ... ضرب التاليفون على جبينو ضربات خفاف وهو يدور في مخو في الحكاية ...تولين قاعدة تلعب بالنار ...غاطسة في لعبة اكبر منها وماعندهاش جهد كافي ليها ...موش عارفة اللفعة ايلي تحب تخرجها من حفرتها شنوة تنجم تعمل فيها وفي الناس ايلي قرابلها ...موش عارفة قوة سمها والعلة ايلي تنجم تسببهالها اذا عضتها ...
خزر لساقيه بنقمة ...بقهرة ..وبمرارة ...علاش ماعجزت كان في الوقت ايلي لازم يكون فيه واقف عليها وجنب لجنب مع تولين في هاك الحرب ...علاش يقعد مطيش كيف قطعة الموبيلية القديمة بلا منفعة ...كمش صوابعو على الغطاء المثقل اكتافو و ضرب بيه ساقيه ...مرة واثنين وتلاثة ...من غير مايروف ومن غير ما يحس بيهم ...صر سنونو و ضرب بمرافقو اجناب الكروسة ...مافاق من حالتو كان على عينين سيلين ايلي تخزرلو بخوف ...تهز صدرو وتحط بلهيث قوي ...غمض عينو وكبس كفوفو على راسو ...فمة طفلة صغيرة اتبع فيه وخايفة منو ...وهو مالازمش يبين ضعفو و غشو قدامها ...هز راسو وتبسم تبسيمة صفراء فوق من قلبو ...شاورلها باش تقرب منو ...وهي جاتو تجري وتنط بفرحة تقول موش هي ايلي كانت خايفة من لحظات ...تعنكشت فيه وباستو من رقبتو
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Short Story★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
