عشق: گاعدة بغرفتـي على جربايتي وبحضني ماعون فواكه وآكل وأحجـي ويا صديقتي .. دخلت بت خالتي
مّـروة : تعاي شوشة گاعدين بالصالة وباب السطح مفتوح والهوا يجّنن وأختج فرغت الثلاجة بــ صينية وجابتها يمنة وتجنن الگعدة يـلا بساع ..
عشق: صبريلي شـَوية وجاية ولاتدلعيني هِـيچ خليني على اسمي هـذآ ولا تكُليلي شوشة !؟
مّـروة : هوّ مو صوچـچ صوچ الـي يدّلـعج ..
عشق: اي طَـبعـاً صوجج أنــي شعلية
مّروة : يابة تجين لَـو لا خلصينا تَــرة حتى بقلاوة اكو
عشق : جذابة بَـس أجي تضّلن تحشَن بالعالم
مّـروة : هسة هَـاي متفقين عليها ، بَـس بكيفج راح اروح اذا مجيتي مو باچـر تصيحين وين البقلاوة
عشق : جاية جاية .. بَـس تحب تمد لسانها شطولة ..
مّـروة : فوگاها ؟ فوك ماذكرناج ؟
عشق : بابا شِـنو راح تعيريني مِـن هسة ذكرتوني عمي الله اكبر على راسج شِـنو مِـن لسان ماتتعبين أِنتـي ؟
عفتها ومشيت ماسمعت شِـنو گالت ..
طلعت مِـن غرفتي رحت للصالة صدُك الگعدة حلوة ..
عشق : ها ولچن ليش متگعدن بالسطح احسن
فرح : احترميني ولچ شِـنو تصيحين ولچن اكبر مِـنج أنــي
عشق : اوهو عاد هسة تخبصنا ، فرح ماتتوبين أِنتـي كلما تشوفيني ..احترميني واحترميني تَــرة حالچ حالي أِنتـي بَـت خالتي
فرح : ولچ ابني فرق كم سنة عنچ
عشق : بكيفج تردين اكلج خالة ؟ اكبرچ بالعُمر اكثر ؟ هو أِنتـي عمرج ٣٢ سنة
فرح : هاا
عشق : اي والله شبيج بعدچ شابة شتحبين بكلمة " خالة "
فرح : شوف شوف شون تفكَر .. خوش يابة صيحيلي بــ اسمي
عشق : ضحكت ودرت وجهي ..
آمنة : شصار وياچ بذاك الموضوع ..
عشق : ياموضوع شبيج
آمنة : موضوع محمد يعني اكو اهم مِـن هـذآ الموضوع شو گلتي احجيلج بعدين وغلستي ؟
عشق : عفتة طَـبعـاً ممجبورة أنــي .
آمنة : ها يعني بَـس دريتي انو هوّ فقير عفتي مو ؟
عشق : أِنتـي عود اختي ومتفهميني ؟ لعد شون ترديني آخذ رأيي البنات واحجي ؟ شو دروحي عني
آمنة : عشق شبيج أِنتـي ماتحجين بشكل مُفصل تحجين هِـيچ بَـس البدايات ، زين أنــي شيفهمني هِـيچ ؟
عشق : صفنت .. ماموجودة بَـس مروة بت خالتي واختها فرح وآمنة اُختـي شو خلي اسولفلهن واخلص ..
