.... آسرآر آلُعيَۆن .....
من لما نولدت والناس نصدمت فيا حتى من امي وبوي جيت كل من عين بلون اليمنى بنية واليسرى عسليه وهدا خلق ربي سبحانه و رضيت بالشيء هدا مع ان كرهت اسئلة الناس ليا يلي كانت هادي عدسه ضعف نظر لاصقه أو مدايرة عملية ومركبه عين اصطناعيه و تعقدت فترة صغري هلبا من الكلام هدا وبعد خشيت اولى جامعه كانت زي كل سنة جديدة عني في مكان جديد دراسي والأنظار عليا وكلامهم عني و مواصفاتي حلوه طويله و ضعيفه شوي و شعري نهاية ظهري بني و بشرتي بيضه وكان لفت الانتباه اكتر عيوني ....
نبدأ بداية مشواري من اهني اني اسمي ميس و عندي اخت اكبر مني مودة متجوزة و امي و بوي عايشين و ساكنين بجنب حوش جدي فيه جدي مريض بالقلب وجداي متوفيه و بجنبهم حوش عمي يلي حقدهم لينا العدو مايتمناه ليك وحوش عمي عنده بنت وحده سمر و ولد واحد سامي ...
•
•
اليوم فراق السوء بعد وفاة جدي والخيمة مليانة والأصوات كلها عياط وتخبيط و من بعد العشي الناس قعدت تروح وقعدوا اصحاب العيله والعيلة الصغيره يلي جايين من برا المدينة ...
هنية (مرت عمي): نوضي شوفي الخدامات شن يبوا من مساعده برا بدل ما شاده التلفون
ميس: وعلاش اني انوض اهو بنتك مقعمزه زيني وشاده التلفون امشي نوضي للاقرب ليك ونوضي بنتك 😒
هنية: ريت هالقليلة الأدب نوضي قتلك
صفاء( عمتي الصغيره ) : هنية خيرك مع البنت معاها حق وأهو بنتك مقعمزه طولها طول عصاتها
هنيه: تنرفزت وطلعت ولحقتها بنتها
صفاء: حيييي نسيت مادخلتش حوايج بنتي .. سلم ميوسه جيبيلي حوايج رنا
ميس: من عيوني هيا لتوا ماناضدتش الغزال🥺
صفاء: ايه مسكينه من العياط مارقدتش
ميس: حرام صغيره عمرها سته شهور مفروض ماتسمعش عياط في عمرها 💔
صفاء: تجمعوا دموعها ونزلتهم..الله غالب شن بندير هي💔
ميس:طبطبت ع كتفها ..الله يرحمه خلاص ماتبكيش وجهك شاحب هلبا توا نمشي نجيب الحوايج ونجيبلك شيء تاكليه💔
صفاء: ابتسمتلها..تمام صحيتي😔♥️
ميس: لقت العيلة كلهم في صالة مقعمزين فمشت لجنان لبست برنوص توبها وطلعت تنزل في الحوايج لين تسمع في صوت توشويش في فم الباب الخارجي فقدمت شويه وقعدت نسمع في طراطيش كلام لان كان واطي هلبا ( خلاص يقلبي ...في الحوش....مرتي نلهيها..سكري ....مش توا بعدين) هدا يلي قدرت نسمعه وماعرفتش نعرف من هوا هدا فحسيت بيه بيخش رجعت بسرعه الداخل وسكرت الباب وجيت لروشن المربوعه بنشوفه مني ولقيته......😨
______________________
في مكان تاني في صالة افراح ...
مريم : يعمري انتي خلاص مايستحقش الخوف هدا كله أرخي روحك المعازيم يشوفوا فيك
فدوه:تحاول تشد دموعها ع شوي وبتطربق ..امي تربحي مانبيش نتجوز
مريم : شن لعب صغار احني ولا كيف عرس وصار خلاص اسكتي 😡
فدوه:مش حاسين بيها ان في شيء يراجي فيها القدام بسبب رسايل قبل العرس من خطيبها( راجلها ) و وافقوا ع العريس من غير رأيها لان عيلة صعبه وماعندهمش بنت تاخد قرار!
المنشطه: المتحجبة تلبس العريس بيخش
احمد:خش ووصل في العروسه يلي كانت بكامل زينتها بس عيونها معبيات دموع وناس تحسابها فرحانه ومايندروش بالغصه وهوا ضحكلها ع جنب وغمز.....اهلين بعروستي الغاليه شني نروحوا حبيبتي😈
فدوه: بنظرات ترجي ان مايديرش شيء وهوا يضحك ولا عنده ذرة شعور...ءءاا بس..
احمد:بنضرة شر... اسسس يعمري ماتبكيش نعرف انك بتستاحشي اماليك هلبا
مريم :تبخر فيهم ...تبارك الرحمن عليكم ربي يهنيكم لووووووللللليييييي♥️
وطلعت فدوه مع احمد ومافيش ولا سياره لحقتهم وطول الطريق فات أغاني اجنبيه امتاع سكّارين ضجة عالية ويغني معاهم واني غارقه في دموعي و وصلنا الحوش بعد ساعه وكان بعيد هلبا..
احمد: نزل من سيارة ...شني يا حلووو مش نازله ولا بايتة في سياره
فدوه: تبكي من غير صوت وفتحت بابها ونزلت وهيا تكر في الفيلو بروحها وهوا يتفرج عليها ويضحك
احمد:علاش متعبه روحك بهدا كله يعمري ...فتح الباب
فدوه:خشيت وكان الحوش دممممماررررر نصدمتتت هدا مش حوش عرسان بكل صنت سّكِير و عفن كأن ميت فيه حد وقعدت مصدومه في مكاني
احمد: اني جيعان بدلي وديريلي ما ناكل
فدوه:شبحتله مسبوهه
احمد:بعصبيه...نكلم فيك اني ديري ما ناكل بسرعه جيعان
فدوه: خشيت دار النوم وقعدت نبكي واني نرمي في الفيلو ونفك في تسريحه قدام المرايا حرام وحده زيني يصير فيها هكي بظلم !
احمد: يخبط في باب الدار قريب بيكسره...خير دين....مسكر الباب افتحيه
فدوه :جت فتحاته بسرعه عن يكسره...كنت نبدل💔
احمد:قرب منها هلبا...معقوله تبدلي تسكري الدار ومعاك راجلك وحلال عليا نشوف
فدوه:ترجف مع بعضها...احمد بالله عليك خليني في حالي
احمد:دفها في سرير ...ديري في علمك ان مازال ماشفتي شيء ره وطلع
فدوه ناضدت تلم في باقي حاجاتها بسرعه وخشت الكوجينة لقت ......💔
__________________________
يوسف: شنو يا معتز امتى مروحين النم كرهت الغربه
معتز: يقرض في البصل ...خلي نشوف بوي يا راجل يبعتلنا فلوس
يوسف: ت عندنا فلوس علاش تأخذ منه 😕
معتز : ياكل في طرف خياره...والله صرفتهم ع حبيبتي
يوسف:استغرب و قعمز ب انتباه...عاود شن قلت حبيبت مني وشن تخرف😕
معتز: والله بجديات حبيت كريستن جارتنا♥️
يوسف : به شن دخل فلوسنا ال......تصرفهم عليها وين عقلك😡
معتز:الحب خلاني قريب بنبيع كلاويا🤤
(نحكيلكم ع الحلوين هادم شويه 😂)يوسف و معتز روح في الروح ويوسف توفوا امه وبوه من عمره 7 سنين وقعد يتيم فخدوه بو وام معتز تبنوه ربوه ويحسبوا فيه زي ولدهم بزبط ويحبوه فيعني بندكر ان هادم امه وبوه وعيلتهم حالتهم كويسه هلبا ومن عمرهم 18 سنه سافروا ل كندا و قروا جامعتهم غادي وزادوا حتى سنه تانيه لتغيير الجو وتوا ملوا ووقت مرواحهم....
ع التلفون....
مجدي ( بو معتز و يوسف)
معتز:غير اسمعني يا بوي
مجدي:شن انت عيل بيش تريح فلوسك
معتز:غير ابعتلنا توا وبعدين نديروا يلي تبيه
مجدي:فكر بينه وبين نفسه هوا رابح...به خلاص غدوا يوصلوكم وتروح يا فرخ انت وياه ياسر صياعه غادي
معتز:يضحك.....منور يا صقر العيلة😂♥️
مجدي:سكر الخط ..بيهبلني ولدك بيرفعلي ضغطي
منى: تضحك عليه....ايه راك معادش قعدت شبوب زي زمان بالله ايام الحسره
مجدي:ايه حلوه الايام تذكري في ثانوية وقت نجيك وعايشين شبابنا وانتي تدلعي عليا 😂🥺♥️
منى: ولا وقت جبتلي باقة ورد خضره والبنات مصدومين هههههههههههه😂
يسرى:تأكل في تفاحه وواقفه وراهم ع دروج وتشبح فيهم وحسن ان في جو رومانسية...احمممممممم امتى خوتي مروحين يا شيابين 😂♥️
منى:كأن الفتره هادي طاول لسانك يا بنت😠
مجدي:خليها في حالها بنتي دلوعة بوها ايواه
يسرى:هههههههه ايه ايه اني مش صغيره ره...وصلها مسح ع تلفونها من حبيب قلبها♥️ وركبت دارها وفتحت المسج
وتغير لون وجها وكانت الرسالة .....
________________
وخشت الكوجينة لقت شكائر صغار زي امتاع المخدرات و دخان قعدت واقفه تتفرج ع حاجات هادي ولقت حبوب في رف الدولاب لقاته مهدئ فخش عليها...
احمد:معصب....ت خير ......لتوا مادرتيش حاجه وقلب الطاوله كل شيء فوقها معفن طاح
فدوه:تبكي ومسكره فمها بيدها وترعش💔😭
احمد:عندك عشرة دقايق وتلقى الصفره قدامي وطلع
فدوه :ادور في شيء اطيبه وهيا ترعش ولقت دحي وشويه معلبات حطتله الصفره وهوا يتفرج وجت بتمشي لدار
احمد:وين ماشيه اني يلي بنرقد في دار النوم ليا وانتي شوفي روحك
فدوه: بتوتر...وا اا اني وين بنرقد💔
احمد:الحمام يناسبك؟
فدوه:نصدمتتت بكلمته....نرقد في الصاله
احمد:امورك...كمل عشاه وناض حدف مخدتها وبطانيه برا دار وسكرها
فدوه:قعمزت ع صاله تبكي لين خداها النوم وناضت ع حد يضرب فيها!💔
احمد:نوضي يا بنت الكلب نوضي ضمي الحوش يا كلبة قاعد هكي راقده لظهر 😡
فدوه :ااااااااايييي حول معادش تضربني ...وهوا يزيد يجلد فيها وبعدين طلع وسكر الباب وهيا حاولت توقف بس داخت...💔
_____________________
يتبع.....
#ᎡᏫᎠᎽ
YOU ARE READING
آسرار العيون
Romance^^^^^ اعـلان عـن رِوايــة * آسرآر آلُعيَۆن * ^^^^^ •ميس صعبت عنها الحياة في صغرها من عيونها لون بلون وبسبب الناس وكلامهم ومع ان هدا شيء يجذب الانتباه هلبا لكن رضت بيلي عطاهولها ربي و بعد كبرت معادش اثر عليها كلام الناس بس مش الكل يعرف بعيونها ...♥...
