أيـاهُ حـباً.

1/1

" ‏كُل عام والقلبُ لا يميلُ الَّا اليك "

...

متوسط الاريكة داخل الصالة و كدامه كان اكو مدفئه بسبب جو الشتا البارد خاصةً بالشمال ..

تنهيدات طفيفه كانت تهرب من بين شفايفه بسبب التوتر يلي كان يحس بي ..

" تيسير فكرتك غبيه ! قلت لك مراح يجي .. "
نطق نورمان بقهر و ما حصل اجابه من تيسير يلي تأفأف
" اذا يحبك مثل ما يكول راح يجي لو كان بجهه الثانيه من الكوكب .. "

عبس نورمان من كلامه و غلق الخط بدون لا يجاوب او يسمع شي ثاني ..

قام نورمان من مكانه و دخل للمطبخ بـ غاية يجهز العشا الرومانسي مثل ما قال تيسير ..

ساعه وره ساعه و لحد الان ماكو اي أثر لـ علي يلي وعده بـ مجيئه ..

فقد نورمان اخر ذرة أمل عنده من شاف الشمس بدأت تغيب و الجو يصير أبرد ..

لعن حظه مليون مره ونطق بهمس
" هم خسارة فلوس و هم ضياع وقت ، بيت بنص الجبل و جبته بس علي منين اجيبه ، بعدين شلوضع ! المفروض هو يسوي لي هيج مو اني ! خرا بدماغك تيسير اذا عندك واحد .. "

حس بالبرد فجأة من شاف نار المدفئ بدأ ينخمد لهذا سحب الحطب يلي كان موضوع بسلة حديديه قربها و رماها داخلها ..

قام ع حيله و بدأ يفتر للمره المليون داخل البيت بس فز ع صوت الباب و ركض ناحيته و فتحه بلهفه متوقع انه علي بس كان رجل يوزع حطب ع البيوت يلي قريبه على بيته ..

" اسف جنت متوقع شخص ثاني ؟ "
نطق الرجل و اومئ له نورمان بخيبه وهو ياخذ الحطب من عنده
" انصحك تنسى لان بعد شويه الثلج راح يبدي يهطل و مستحيل يكدر يوصل هنا ، و غير عن هذا الحيوانات راح تنتشر ويه الثلج لهذا اطلب من الشخص لا يجي لان مراح يوصلك الا جثه .. "

بلع نورمان ريقه بخوف
" و شنو انواع هذني الحيوانات؟ ارانب؟ "
ضحك الرجل و نطق
" لا حبيبي ذئاب ثعالب كلاب بريه و هسه اعذرني تأخرت "
غلق نورمان الباب بسرعه و اخذ موبايله يلي كان بالصالة و اتصال بـ علي ..