أسيرة المارد

بدايه الجحيم ١

.[8/‏1 11:46] Zeynep ♥️🌊: روايه اسيره المارد✨♥️
في داخل قلب كل شخص ثغره ونقطه اذا لمسها قلب احد او اقترب منها قلبت كيان الشخص حتي ولو كان اشدهم قسوه وعدم الرحمه وقعت بطلت روايتنا اسيره في يد من لايرحم اختطفت من يد من لا يرحم وذهبت لمن لا يرحمها ايضا دا الي هتعرفه فقصتنا♥️
زينب:طاللبه فاخر سنه طب اتربت وسط بيئه كلها مافيا واعمال غير قانونيه الا انها كانت مختلفه عنهم مامتها ماتت من زمان وباباها مات من سنتين وعايشه مع اخوها سليم.. عمر ما سليم حبها طول عمره بيكرها لان باباه كان بيحبها وبيحبه كمان بس هو مكانش بيحب حد يشاركه فاي حاجه حتي حب ابوه ليه وخصوصا انهم من امهات مختلفه طول عمر زينب ومامتها بيعاملو سليم حلو ومامتها عمرها ما حسست سليم انه مش ابنها بس هو كان بيقابلهم بالرفض السبب الوحيد لوجود زينب معاه ان ليها جزء فالميراث والبيت الي عايشين فيه سليم طول عمره بيتمني لاخته انها تموت او يخلص منها بأي شكل كان ...زينب كانت بتحاول تصلح اخوها وتغيره وتبعده عن سكه الاعمال الغير قانونيه بأنها تبوظ شغله ودا الي وقعها في الحفره الي مش هتعرف تطلع منها.. سوري طولت عليكم بس حببت اوضح حياتها عامله ازاي😂♥️
عيونها خضراء اللون الاخضر الزتوني الغامق ورموشها طويله وشعرها بني ومحجبه بشرتها بيضه وعندها خدود وغمازتين بيحلو شكلها لما تضحك
نروح للبطل بتاعنا مارد
اسمه الحقيقي مالك عنده ماضي صعب جدا هنعرفه بعدين محدش يعرف اسم مالك دا نهائي لانه قرر يومها انه يموت جواه مالك ويطلع الجن مارد لانه مبيرحمش بيقتل ويختفي ومحدش يعرفله اثر عينه نفس لون عيون زينب شعره بني ودقن متوسطه وملامحه قاسيه جدا مبيترددش لحظه انه يقتل او يذبح او اي حاجه قسوه قلبه دي محدش قدر يكسرها الا هي... هي بطله قصتنا
سليم :اخ زينب الكبير ماسك باقي شغل باباه من مخدرات وسلاح وما الي ذلك من اعمال غير قانونيه كلها مبيهمهوش غير نفسه وبس ورروحه ودا هيبان معانا
*zeynep Tarek♥️✨*
[8/‏1 11:48] Zeynep ♥️🌊: أسيره المارد part 1🔥♥️
زينب صحت الفجر واتوضت وصلت الفجر كانت هي النور الوحيد فالبيت دا وسط الضلمه كانت الحسنه الوحيدة وسط سيئات كتيره ماليه البيت دا من فلوس حرام ومخدرات وخمره وكل حاجه وحشه
خلصت زينب صلاه الفجر وعدت علي اخوها لقيته صاحي وقاعد فالمكتب
زينب:مش هتصلي يا سليم
سليم :ملكيش دعوه انتي صلي وابعدي عني وسيبيني وغوري من وشي الساعه دي مش فاضيلك
زينب:ماشي اللهم بلغت
دخلت زينب وبدأت تزاكر قبل الامتحان الي عليها لانه كان اخر امتحان وتتخرج نهائيا من كليه الطب وتشتغل
زينب:الحمد لله خلصت توكلت عليك يا رب العالمين يارب الامتحان يطلع سهل
وراحت الكليه وحلت امتحانها وخلصت وطلعت تشوف صحابها عملو اي
نور:اي يا زوز عملتي اي
زينب:الحمد لله كان حلو اوي ان شاء الله هقفله
مريم:ايوا بقا علي اوائل الدفعه الدكاتره😂♥️
زينب:يا رب يا مريوم يسمع من بقك ربنا
احمد:اي يا زينب عملتي اي
زينب:الحمد لله كان سهل وعديته يا دكتور
احمد:الحمد لله
احمد الدكتور بتاع زينب فالكليه زينب واخداه قدوه ليه فنجاحاته وتفقوه وهي نفسها تكون زيه وهو بيساعدها لانه شايف فيها دا
زينب:دكتور ممكن طلب
احمد:طبعا يا زينب
زينب :محتاجه الموتوسيكل بتاع حضرتك ضروري
احمد:خديه يبنتي فأي وقت عادي ورجعيه وقت ما تحبي كأنه بتاعك انتي
زينب:بجد شكرا جدا يا دكتور مش عارفه اشكرك ازاي بجد اوعد حضرتك بكرا يكون عندك
احمد:علي مهلك براحتك انشالله تاخديه اسبوع عادي
زينب :بجد شكرا جدا
أحمد : عفوا يا دكتوره اه صح في تدريب بكرا ونا داخل العمليه وماسكها تيجي
زينب:طبعا
احمد:تمم ماشي اعملي حسابك عمليه جراحه صعبه انا عارف انك الي هتعمليها وقدها فحطيت اسمك
زينب:شكرا يا دكتور بجد
احمد:يلا عشان متتأخريش وادي مفتاح الموتوسيكل اهو
زينب:شكرا يا دكتور عن اذنك
احمد:اتفضلي
زينب:تبقي وريني يا سليم هتعمل اي فالبضاعه بتاعتك الي هتتحرق دي
Flash back
زينب كانت عاوزه تعرف مكان البضاعه بتاعت التسليم الجاي فدخلت المكتب فغياب سليم كأنها بتنضفه كالعاده وحطت كاميرا المراقبة فمكان ميتوقعوش ولا يشوفه
اخوها لما رجع دخل عادي المكتب
زينب :قهوتك اتفضل
سليم مسك القهوه وشرب منها بق وبعدين رماها عالارض
سليم :مش حلوه معجبتنيش 😒ووقع الفنجان واكسر
سليم:لميه ونضفي المكان مبحبش المكتب يكون وسخ يلا
زينب :حاضر
زينب كانت مستحمله كل دا لسببين الاول ان دا اخوها الكبير وليه احترامه مهما عمل
ثانيا ان هي عندها امل انه يتوب ويتغير فكانت مستحمله كل اذيته وكلامه الجارح واهانته
وفعلا نضفت المكان ودخلت اوضتها وبدأت تسمع مكالمته
سلليم:البضاعه هتستلمها بعد يومين فالمخزن الي ف**** اه تمم سلام
زينب:جميل عرفت المكان وكل حاجه انا هأدبك يا سليم بطريقتي
Now ♥️
زينب راحت المكان الي فيه مكان المخدرات وكان فيه حراسه
فطلعت سطح المبني الي جنبه ونطت ولحسن حظها لقت سلم بينزل علهناك علطول ودخلت واحده واحده بعد ما اتأكدت انه مفيش حد جوا
زينب:جميل نبدأ وراحت مطلعه ازايز الكحول من الشنطه ورشتها عالبضاعه كلهت وولعت الكبريت وحرقتها وطلعت واختفت فلمح البصر ومحدش شافها لانها كانت فالشارع الي وراهم
واحد من الحراسه :الحق البضاعه بتتحرق بسرعه
= هنخش ازاي دي خلاص بتولع كلم بسرعه سليم بيه
=الو يا سليم بيه الحق البضاعه بتتحرق
سليم :اي بتقول اي اقفل انا جاي بسرعه
فالوقت الي هو بيخرج فيه هي دخلت البيت بعد ما ركنت الموتوسيكل بعيد زينب:مالك بتجري كدا ليه
سليم:غوري من وشي الساعه دي مش فاضيلك اوعي كدا وزقها وجري
زينب:ودي لسه البدايه يا سليم
يا تري نهايه الي زينب عملته دا هيكون ازاي؟
*zeynep Tarek*♥️🔥
[8/‏1 11:49] Zeynep ♥️🌊: Part 2♥️🔥
تاني يوم زينب اخدت الموتوسيكل وراحت بيه عالمستشفي الي هتدرب فيها
أحمد :صباح الخير يا دكتوره
زينب : صباح الخير يا دكتور اتفضل المفتاح والموتوسيكل تحت
احمد:تسلم ايدك يلا بينا عالعمليه
زينب:يلا يا دكتور
في جهه تاني مع ظهور بطل قصتنا ذو الملامح القاسيه والغضب الي كان واضح عليه من المكالمه الي جاتله
مارد: انا هعرفك تلعب معايا ازاي يا سليم وتضحك عليا وتاخد فلوسي
واحد من رجالته:هو عنده اخت علي فكرا ممكن نهدده بيها
مارد :تخطفوها وتجيبوهالي علي العنوان الي هبعته
=تمم
مارد:لما نشوف هتعمل اي لما اخطف اختك
فالناحيه التانيه عند سليم كان علي اخره من الي حصل مش عارف ازاي دا حصل وامتا مارد مش هيسكت اكيد.. انتو تعرفولي الحريق حصل ازاي ومين السبب بسرعه يلا
في ناحيه تانيه كانت زينب مبسوطه بالشغل لأنها تخش عمليه زي دي ومتحمسه جدا
احمد:لا بجد ابهرتيني بشغلك يا زينب وسرعتك وخفه ايدك احسنتي
زينب:كله من شرح حضرتك واجتهادك معايا ومساعدتك كل دا بجد مش عارفه اشكرك ازاي
أحمد :انتي متفوقه وشاطره وليمي مستقبل وكان لازم اساعدك
زينب:شكرا يا دكتور... معلش سؤال
احمد:طبعا تفضلي
زينب:حضرتك مسألتنيش ليه اخدت الموتوسيكل ولا اي حاجه حضرتك تضايقت اني اخدته؟
احمد:ابدا والله لي بس بتقولي كدا غير كدا انتي اكيد محتاجاه وليكي سبب فمش هسألك عليه براحتك يعني ولو احتاجتيه فأي وقت اعتبريه بتاعك انتي تلميذتي الشاطره وبثق فيكي جدا واكيد استخدمتيه فخير
زينب:هو فعلا في خير عشان حد يهتدي ويتوب
احمد:ودا الي انا واثق فيه زينب: انا هروح انا بقا
احمد:تمم بكرا برضو قي تدريب تعالي
زينب:طبعا هاجي
احمد:تمم تعالي اوصلك
زينب:لا خليك انا مستعجله وكدا
أحمد :نا خلاص خلصت يلا
وبمجرد خروجهم من المستشفي زينب كانت قدام واحمد كان وراها بيكلم مع الدكتور وبمجرد خروجها من المستشفي جت عربيه سودا وفلمح البصر اخدت زينب تحت انظار احمد الي جرا وركب وراح وراهم علي امل انه ينقذ زينب
زينب بمجرد ما دخلت العربيه خدروها وغابت عن الوعي ومحستش بأي حاجه
احمد:استحملي يا زينب انا جاي
بس للأسف ضربو علي موتوسيكله نار والعجله فست وانحدر عن الطريق ووقع
احمد بعد ما فاق راح علطول عللقسم يبلغ عن عمليه اختطاف
الضابط:يعني انت شفتهم
احمد:كانو لابسين اسود ومغطيين وشهم بس معايا رقم عربيتهم اتفضل
الضابط :تمم اول ما نوصل لحاجه هنوصلك علطول
أحمد :شكرا... ربنا ينجيكي يا زينب
في ناحيه تانيه زينب وصلت للببيت الكبير دا كان مهجور تماما مفيهوش صوت ولا نفس مليان ذكريات وحشه ومميته بالنسبه لمالك بيكره المكان دا فبيجيب فيه ضحاياه قبل ما يقتلهم ويستجوبهم ليكون المكان كله شاهد علي جرائمه الي قتل وذبح فيها بلا رحمه فهو فالاخر قاتل وتاجر مخدرات
حطو زينب فأوضه ضلمه وداخلها حبه ضوء صغيرين من الشباك الحجاب كان مغطي وشها ومكانتش ملامحها باينه وقف مالك مستنيها تصحي
مالك:البتاعه دي هتصحي امتا
=بعد. ساعه
مالك:صحوها دلوقتي ءاتلي اي حاجه اصحيها بيها
= حاضر
وجابله مايه
مارد:كلكم برا ومحدش يخش خالص الا لما اناديكم
=حاضر
وخرجو كلهم لانهم ميقدروش يرفضو امر منه
بمجرد ما مالك رمي عليها دلو المايه فاقت وبانت ملامحها وسط صدمه من مالك من ملامحها واليوم دا كله عدي عليه.. شبها جدا كأنها هي نفس عيونها نفس النظره نفس كل حاجه!!
مارد فنفسه: مستحيل
يا تري اي سر مارد ومين دي الي زينب شبهها والمواجهه الي بيتهم هتكون ازاي وقسوه مارد هتكون أزاي علي زينب ؟
*zeynep Tarek✨♥️
[8/‏1 11:50] Zeynep ♥️🌊: Part 3🔥♥️
زينب:اه دماغي انا فين
مارد:اخيرا فقتي
زينب:انت مين
مارد: مش لازم تعرفي انا مين بس هو سؤال واحد تجاوبي عليه عملتي انتي واخوكي اي فلبضاعه
زينب:بضاعه اي مش فاهمه انت بتتكلم عن اي
مارد قام وشدها من طرحتها
مارد:بت بقولك اي مبحبش الهبل والاستعباط نتي وسليم عملتو اي فالبضاعه
زينب:حرام عليك انا معرفش حاجه سيب الطرحه
مارد :هتنطقي ولا انطقك بنفسي
زينب:والله معرفش حاجه اسأل سليم مشكلتك معاه انا مالي
مارد: هكلمه وهعرف
ورماها ومن شده الخبطه نظرا لقوه جسمه وعضلاته وهي صغيره جدا بالنسباله خبطت فالحيطه ووقعت عالارض
زينب:يارب اعمل اي انا ذنبي اي.. اعمل اي اعمل اي هقوم اصلي ربنا يستجيب دعايا... اوفف دا انا نمت
وفضلت تدور فانحاء الاوضه لحد ما لقت الحمام دخلت واتوضت وكانت بتستعد للصلاه
فالاثناء دي مارد خرج وطلع برا عشان يكلم سليم ويساومه علي زينب
مارد:خمن مين معايا يا سليم
سليم:هيكون مين
مارد:اختك لو مرجعتش البضاعه او الفلوس اختك هترجعلك جثه
سليم:موتها دا انت عملت فيا معروف كدا... مش انا الي يتهدد بحته بت ملهاش لازمه يا ماارد.. انا مبتساومش ولا بتهدد سلام
وقفل السكه فوشه
مارد:بقا كدا يبقا انتو الي جبتوه لنفسكم.. اخوات بيحبو بعض جدا 🙄ما شاء الله الحب باين
ورجع تاني لزينت لقاها بتصلي وكانت بتختم صلاتها
مارد:هو الي زيك يتقبل منه صلاه اصلا انتي بتشتغلي فالمخدرات !!
زينب :اولا انا عمر ما ايدي لمست القرف دا ولا هتلمسه ثانيا انا غير سليم انا اكتر واحده بتحارب القرف الي انتو شغالين فيه ونفسي سليم يرجع عن الطريق دا
مارد:مسرحيه حلوه اوي.. سليم الي انتي فرحانه بيه دا بااعك عشان الفلوس قلتله اختك ولا الفلوس قالي اقتلها
زيتب : مش جديده عليه
مارد: قبل ما اقتلك اعرف اسمك بقا عيب يعني لما ابقا أقتلك ومعرفش اسمك كمان
زينب: زينب
الكلمه دي نزلت علي مارد زي الصاعقه رصاصه ضربت فقلبه
مارد:ز ..زينب لا مستحيل لا لا صاحبه الاسم دا لا يمكن تكون كدا لا صاحبه الاسم دا لازم تكون شخص كويس وكله طيبه صاحبه الاسم دا مبتكدبش ولا تخدع لا انتي متستحقيش للاسم دا خالص نهائي
مارد كان مجنون فاللحظه دي وشدها جامد من طرحتها من كتر شده اتقطعت وبان منه شعرها البني الحرير الي كانت عاملاه ضفيره وسلسله مكتوب عليها زينب
زينب:انت مجنون ازاي تعمل كدا انت مجنون
مارد اول ما شاف السلسله اجنن اكتر وشدها منها
زينب:انت بتعمل اي انت مجنون
زينب قلعت السكارف بسرعه وغطت بيه شعرها
مارد:انت مستحقيش اي حاجه من دول خالص لا انتي مين عاوزه مني اي حرام عليكم انا السبب انا الي قتلته بتعملو لي كدا عملت كدا عشان احميها منه بس ليه
مارد كان بيزعق بصوت هز البيت كله حتي زينب اترعبت منه كانت عينه حمرا من كتر الغضب
مارد طلع سلاحه ووجهه ناحيتها ورفع صمام الامان
مارد:كلمه اخيره قبل ما تموتي
زينب:انت فاكر اني خايفه من الموت... تؤ بيقولو علطول بعد الشر وان الموت شر بس عمره ما كان شر دا امر ربنا وامر ربنا كله خير لعباده خصوصا ليا دا خير كبير جدا ليا معروف بتقدمهولي متتردتش يلا وبدأت تقرب منه خطوه خطوه ومع كل خطوه كانت شبها كانت بتحرق قلب المارد اكتر ما هو محروق
مارد كان مستعجب من كلامها وردت فعلها معقوله مش خايفه اموتها
زينب قربت لحد ما لزقت فوهه المسدس فراسها وسحبت الزناد فكان جاهز للضرب
زينب:يلا ..اشهد ان لا اله الا الله واشهد ان محمد عبده ورسوله
خرجت الرصاصه وسمعت صدي صوتها البيت كله
تفتكرو فعلا مارد قتل زينب ؟
*zeynep Tarek✨♥️*