မောင်ထူးနဲ့ပေါင်းပြီး ကျွန်တော်ပါထူးသွားတယ် ( Completed)

P_24 (Uni)🚨

ထူးအောင်သီချင်းဆုံးတော့ ကိုဇော်ဇော့်ကို ဆက်ဆိုခိုင်းကြတယ်။ နှုတ်ဆက်တဲ့အနေနဲ့ သီချင်းတစ်ပုဒ်လောက်ဆိုပြပါပေါ့။ ကိုဇော်ဇော်က ကဘောတူတဲ့အနေနဲ့ ထူးအောင်ထဲက ဂီတာကို လက်လွှဲယူလိုက်ပြီး စတင်တီးခတ်လိုက်တယ်။

🎶🎶နင်စေလိုရာနေခဲ့ပေ...
နင်ပျော်ဖို့သက်သက်ပဲငါ ဖြည့်ဆည်းနေ...
ဂုဏ်ဒြပ်တို့တော့မပါဘူးဟေ့ မငြိုငြင်ပါနဲ့လေ...
ကြင်နာစရာတွေ ဖန်တီးနေ...
ဒီရင်ထဲမင်းလေးအတွက်ဆို အဆင်သင့်လေ...
နင်ပြုံးဖို့အတွက် ဖြေသိမ့်လိုက်မယ် ငါမငိုပါဘူးလေ...
မင်းအတွက်ဆို ဒီလူသား...
အရာရာစတေးဖို့အသင့်ပါကွာ...
မင်းလေးတစ်ယောက်သာ ရင်ထဲမှာ...
အမှတ်တရအဖြစ်နဲ့ အမြဲတမ်းရှိမှာ...
အဆင်ပြေမနေပါဘူးအချစ်ရေ...
မင်းလေးပြုံးဖို့အတွက်လေ...
ဝေးဝေးကနေဂရုစိုက်ပေးမယ်...
လိမ္မာအောင်နေ ကလေးရေ...
အဆင်ပြေမနေပါဘူး အချစ်ရေ...
မင်းဘဝလှပဖို့လေ...
တစ်ခြားတစ်ယောက်လက်မှာ ပုံအပ်ခဲ့တာ...
မင်းကောင်းစားဖို့ တစ်ခုတည်းအတွက်သာ....🎶🎶

သီချင်းထဲမှာတောင်နစ်မျောသွားတယ်။ ကိုဇော်ဇော်ဆိုတာ တကယ်နားထောင်လို့ကောင်းတယ်။ ခံစားချက်အပြည့်နဲ့။ ခုနက ကျွန်တော့်အထူးလေး ဆိုတာလည်းကောင်းပါတယ်။ ကိုဇော်ဇော်ကတော့ ပိုကောင်းတာပေါ့။ ထူးအောင်ကိုကျွန်တော်ကြည့်လိုက်တော့ ထူးအောင်က ကိုဇော်ဇော့်ကို စိုက်ကြည့်နေတယ်။ သူ့ထက်ကောင်းလို့ မနာလိုနေတာလားမသိဘူး။

နောက်တော့ စားရင်းသောက်ရင်း စကားဆက်ပြောဖြစ်ကြတယ်။ ကျွန်တော်တို့တစ်အိမ်လုံးက ကိုဇော်ဇော်အလုပ်ထွက်မှာကို စိတ်မကောင်းဖြစ်နေကြတာ။ မထွက်ဖို့တားပေမယ့် မရပါဘူး။ ထိုင်းနိုင်ငံမှာရှိတဲ့ သူ့အကိုဆီကိုသွားဖို့ အားလုံးပြင်ဆင်ပြီးပြီတဲ့။ တားမရတဲ့အဆုံးတော့ အိမ်ကလူတွေလည်း လက်လျှော့လိုက်ရတယ်။

အဖေက ကျွန်တော်နဲ့ထူးအောင်ကို မေးတယ်။ ကျောင်းပြီးရင် ဘာအလုပ်လုပ်ချင်ကြလဲတဲ့။ ကျွန်တော်ကတော့ အဖေတို့ရုံးမှာပဲ အလုပ်ဝင်မယ်လို့ပြောလိုက်တယ်။ ထူးအောင်ကတော့ ဘာမှမစဉ်းစားရသေးဘူးတဲ့။ စားလိုက်၊ သောက်လိုက်၊ စကားတွေပြောလိုက်နဲ့ ည (၁၁)နာရီလောက်မှ အခန်းကိုပြန်ရောက်တယ်။ ဒီနှစ်တွေအတွင်း ထူးအောင်က မူးယစ်စေတဲ့အရည်တွေမသောက်ပေမယ့် ဒီနေ့တော့ ဝိုင်တွေအတော်သောက်ထားတယ်။ ကျွန်တော်တို့အခန်းပြန်ရောက်တော့ သူအတော်လေးမူးနေပြီ။ စကားတော့မပြောဘူး ငြိမ်နေတယ်။