اصبحنا واصبح الملك لله .. نهار طلع .. اشعة الشمس طلعت من جديد داعب وجهه مروة المتعب من كثر هموم الدنيا .. ولكن هاي مافاقتش ماقدرتش ببساطة .. كانت حاسة بتعب مش طبيعي مش من السكر ولامن اي حتى حاجة اخرى لا مكانتش تقدر تواجه وطاقتها بدات تخلص
حلت عينيها على 3 تاع العشية .. راسها كان كيف الكسكاس .. وخرت الغطا وناضت حاسة بكرة على راسها وددوخة .. شافت بلاصة صوفيا كانت فارغة عرفتها مشات من بكري تمشات لقات فوق الطابلة مكتوب حلاتو وحاولت تقراه " وصلي الدراهم لماما .. راني روحت للخدمة "
مسحت على وجها ودخلت ديراكت للدوش .. فتحت الماء على روحها وماعرفتش شعال قعدت تما .. حبت تقعد فما طول العمر ولكن خصها ترجع لخدمتها من جديد ..خرجت لافة المنشفة على روحها ودور .. لبست دوبياس وبقات تشيح في شعرها .. اول ماكملت حطت الجلابة على اللحم وخرجت
فالوقت الى خرجت فيه .. كانت الطريق معمرة طموبيلات تاع كورتاج .. تزغرت وفرحانين تبسمت بوجيعة ...ياريتههااا هي تاني عاشت النهاية السعيدة .بدنها كلو قشعر تمنات امنية صعيبة تتحقق ..امنية مستحيلة ....ولكن ه تقلقت وطاحت في سوسة سوستلهاا العظم وكلش كون صبرت كون بلاك مزالهاا في دراهم ومع خاوتها مش تتمرمد هناا مع هاذو الراشيين
فاتت سمانة هكاك .. وكان الكونجي تاع سفيان وشوقي رح يخلص على هذا .. حبو يعملو توديعة ويرجعو لخدمتهم .. وطبعا بعد زن كبير من شوقي .. مشاو لبار الزمردة يسهرو .. اول مادخلو من الباب لقاو الترحيب المعتاد الى موالف يلقاوه قعدو في منطقة الشخصيات المهمة وطلبو لمشروب كيف العادة
فالوقت هذاك كانت الوصلة تاع مروة .. واقفة مع الديجي يحكو على الغنية .. اصلا الايام الاخيرة صار المورال نتعها فال00 .. وصارت تتحسس من كل حاجة . وهي واقفة هكاك جاها كيكي يزفلها الخبر على سفيان وصاحبو
كيكي ( حضنها ملور ) عسلامة الرقاصة نتعنا
مروة ( نسفت كيف التنين ) وش بيك يالرهج تقلق فيا اذا ماشي مروان انت على صبح ربي
كيكي ( دار وعمللها بيدو ) شفتي اهذيك الجماعة نتاع البارح الي عرفك مروان عليهم جاو تاني اليوم
مروة ( ملامح وجها تبدلو لامبالات ولكن في قلبها كان شئ اخر فرحت معناتهااا رح تشوفو مرة اخرى ...شعال حكمها الفضول باه تعادو نشوفو ونشوف ذوك العينين .. شوية وفاقت مع روحهااا "تفكري واش دار فيك العشق") خطينا منهم وخليني نروح نبدل
كيكي ( عمللها براسو هيه ) اوكي بب
.دخلت تجري للشموبراا الي تبدل فيهااا وغلقت الباب .. كانت محرحرة من هدرتو وياريتها قدرت تنتقم منو .. لبست كيف العادة ولكن هاذي المرة زادت الجرعة شوي لبست هذا المرة jupe tube وميني ونالفوق توب بورتال مفتوح عند الصدر وبوت في الاكحل وحطت شعر في الاصفر ... وحطت بيري . وخرجت اليوم راهي معولة عليه
أنت تقرأ
راقصة في عهدة ظابط / الكاتبة منال منولة
Romanceعندما تلقيك الحياة بقوة .. فترتطم على الأرض وفي تلك اللحظة لن تجد الا الذئاب التى لن تقصر في نهش لحمك دون رحمة اما هي كانت صغيرة للغاية عندما حدث ما حدث كانت مراهقة حلمها قطرة حب كانت لا تعرف اي شء وعندما وقعت في الخطيئة خافت وركضت ولكنها أضاعت طري...
