أحببت هكر

فرصة أخيرة

#اسكريبت" مفرق طريق  "
*بص بقا الاكونت ده انا متابع البت دى من مدة
&هات كده اشوف لأ البت زى القمر بس
الاكونت كله حاجات دينية و صورها كلها محترمة ف هنبتزها بأى بقا
* يا ابنى ماهو ده المطلوب
& مش فاهم
* اقولك طالما محترمة يبقى هتخاف ع سمعتها و انا لما اهكر الموبايل و ادور وراها اكيد هلاقى حاجة امسكها عليه ولانها هتخاف اوى ع سمعتها ف هتوافق ع اى مبلغ نطلبه عكس البنات التانية ال مابيهمهاش حد ف بيتعبونا معاهم لحد مانطلع منهم بقرشين
& تمام انا معاك طالما انت واثق كده اننا هنقدر نقلب البت دى
"بعد شهر ..................
& اى يا صاحبى لسه مالقتش حاجة ع البت دى
* لأ مش قادر ألاقى عليها حاجة غلط كل الصور ال على الفون نفسه محترمة و تقريبا هى نفس الصور ال ع الانستا و حتى الواتس بتاعها مفيش اى شات توصلنى لحاجة غلط ليها كل كلامها محترم دى حتى كانت كاتبة شوية كلام جات بيه ع الجرح كأنها بتقوله لنا احنا الاتنين
& لا بقولك اى لو البت هتصحى ضميرك ف خلينا نكنسلها و نشوف واحدة تانية الحالة تعبانة اوى اليومين دول وانا خلاص هفلس
* يا عم انت دايما مفلس وانا مش هسيبها هفضل وراها
& شكلها عجبتك و نسيت حوار المصلحة
* لأ يا عم مش كده بس البنت مختلفة عن البنت ال هكرنا موبايلتهم قبل كده هو لسه فى بنات كده
& بص هو المفروض ان يبقى فيه بس من ال بشوفه ف لأ وبعدين الفون والاكونت كل دى مظاهر ممكن لو قابلتها تغير رايك كله
*ما انا بقول كده لانى فعلا قابلتها
& اى قابلتها ازاى و أى ال حصل احكيلى
* مفيش شوفت شات بتقول فيها لصاحبتها عن ندوة كده هتروح تحضرها ف روحت انا كمان و شوفتها
& والله و بقيت تحضر ندوات يا عمر سيبك طيب من كل ده المهم البت حلوة زى الصور ولا لأ
* احلى كمان قصدى يعنى انها طبيعية وانها بتلبس نفس اللبس ال شوفناه ف صورها مفيش اختلاف و كمان اتكلمت ف الندوة عن موضوع الهكر و الستر و حاجات كده زى ال قولتلك انها بتتكلم عليها ف الجروب
& هى البت دى عارفة ولا ايه
* لا يا عم هتعرف ازاى
& ماتكلمتش معاها ؟!!
*ف الندوة لأ بس امبارح بعتلها رسالة من اكونت فيك و عملتلى بلوك
& شاطر
* و راقبتها و روحت وراها كذا مكان و
& و ايه انجز عملت اى تانى
* شاركت ف الاعمال التطوعية لجمعية رسالة لانها مشاركة فيها
&وقعت يا عمر
* سلام يا عم انا ماشى
& سلام
...........................................................
* اى يا عمر هو انت فعلا وقعت زى ما احمد قال ولا اى مابقاش وراك غيرها كل يوم هتفتح صورها وتقرأ الكلام بتاعها فوق لنفسك البنت محترمة و اكيد  مش هتبص لك
اوووف بقى خلينى اشوف احسن هى بتعمل اى دلوقتى
................
_ وحشتينى يا وعد
+ ده لما افتكرت وعد
_ انا آسف والله بس انتى متعرفيش اى ال حصلى انا اتسرقت هنا ف ايطاليا واتسرقت شوفى مطلعناش احنا بس ال بنقلب السياح
+ ههه المهم انت عملت اى يا مصطفى
_ والله بقا لى ٣ شهور شغال ليل نهار عشان اقدر اشترى موبايل و ارد الفلوس بتاعت السكان لحسام صاحبى وهو اول ما اشتريت موبايل فتحت الاكونت و كلمتك
+ الحمد لله على كل حال احمد ربنا انك بخير وجات ع قد الفلوس والموبايل بس
_ اه ااه الحمد لله انا هروح انام بقى عشان عندى شغل
+ ربنا معاك
....... ...........
* هو اى ده من ال وعد بتكلمه ده وانا ال لسه بقول عليها محترمة احمد طلع عنده حق....................
& مش قولتلك يا عم بس هات كده الفون افتح صفحة الواد ده اصل الصورة دى مش واضحة اوى
* اهو امسك
& ده مصطفى
* انت تعرفه
& اه جيران اهلى و سافر ايطاليا من مدة فعلا يبقى دى خطيبته انا عارف ان ابوه خطب له بنت واحد صاحبه بس حاجة ع الضيق كده لحد مايرجع من السفر ويعملوا خطوبة كبيرة بس ع حسب كلامك ع البت دى ف هى محترمة و الواد مصطفى ده بتاع بنات و بيشرب و واد مش مظبوط
*طيب هى ليه مابتقولش انها مخطوبة يعنى انا مالقتش جاجة ع صفحتها
& ما يمكن هى كانت مستنية لما ينزل و يعملوا خطوبة يعنى هى هتقول اى مش فاهم
*طيب انت بتقول الواد ده مش كويس و هى محترمة و كويسة ف أكيد لو عرفت هتسيبه لازم اعرفها بأى طريقة بدل ما حياتها تتخرب
& وانت مالك بحياتها وبعدين ما يمكن اتغير و احنا كمان مش ملايكة ولا انت ناسى ال احنا بنعمله
*انا ماشى
& مع السلامة
....................................
* انا هعرف اذا كان اتغير ولا لأ
بعد ٣ ساعات
* شوفت يا احمد مش انا قولتلك لازم ألحق وعد اهو الواد سايبها هى هنا وهو هناك ف ايطاليا عايش حياته انا هكرت موبايله وشوفت كل حاجة والموبايل ده كمان عليه حاجات من مدة طويلة يعنى الفون ماتسرقش زى ما كان بيقول لوعد
& يا عم انت مالك بالحوارات دى ماتشغلش دماغى
* لا انا مش هسيبها تتجوز الواد ده انا رايح لها الجمعية هى بتكون هناك انهاردة
...............................
* ازيك حضرتك ي انسة وعد
+ الحمد لله بخير يا استاذ عمر
* ثوانى هساعد حضرتك
+ لا تمام انا خلصت اهو
* ايه ده مبروك ع الخطوبة بس ماعزمتيناش يعنى
+ انا مخطوبة من فترة بس ماكنتش بلبس الدبلة كتير ع العموم الله يبارك فيك عن اذنك
* مابتلبسهاش كتير و وشها ماكنش باين عليه اى فرح و هى بتقول انها مخطوبة يارب تكون مابتحبهوش و حتى لو بتحبه بعد ما هتعرف حقيقته هتسيبه اكيد بس اعرفها ازاى طيب
...........................
+ اى ده اى الصور دى مصطفى بيعمل اى مع البنات دى رد بقا اخلص
_ فى اى يا وعد بعتالى رسايل كتير ليه
+ ايه ده اى الصور دى يا مصطفى
_ اهدى بس عشان افهمك انا والله اتغيرت من بعد ما خطبتك الصور دى قديمة انا من بعد ما عرفتك وانا معرفتش اى بنت بعدك
+ الصور ف ايطاليا وانت سفرت بعد الخطوبة
_ صح فى ايطاليا بس دى كانت ف اول مرة و كنت لسه صغير و طايش بس دلوقتى اتغيرت وعشان اثبتلك انا اصلا هنزل كمان كام يوم اهدى انتى بس و ريحى اعصابك واخزى الشيطان ال دخل ما بينا
.....................................
* غبية يا احمد غبية وطيبة و صدقته بس والله لافضحه خليه بس ينزل مصر و انا هكشف حقيقته
& الله يخربيت وعد ع ده حوار مش هنخلص منه ياعم خلاص سيبك منها وخلينا نشوف ورانا ايه شوف الاكونت ده كده انا كلمت البنت وبعتلها الصور ال كانت ع الفون وهى قالتلى هتدفعلى اى ال انا عايزه بس مافضحاش يعنى البت استوت خلاص وهنطلع من وراها بقرشين كويسين
* يا ابنى حرام عليك خلاص انا هبعد عن الحوار ده خالص
& اى يا شيخ عمر ده انت ال معرفنى ع الحوار ده اصلا انت ال علمتنى ازاى اهكر الموبايلات واستغل البنات عن طريق صورهم او رسايل او اى غلط امسكه عليهم
* كنت بس دلوقتى عايز اتغير ليه مابقاش زى وعد فى اخلاقها ليه افضل مقرف كده
& اتغير انت انا خلاص مابقتش محتاج لك واقدر اخد ال انا عايزه من البنات بمعرفتى
* طيب ع الاقل اعمل حاجة واحدة بس صح ف حياتك او اعملى المصلحة دى ليه انا
& حاضر يا عم بس عايز ايه انت
*الواد مصطفى ده راجع مصر قريب عايزاك تعرفه ع البت سلمى و شوف هيمشى معاها ولا هيرفض
& وانت اكيد نفسك انه يمشى معاها
* هو اكيد هيوافق يمشى معاها وبعد كده وعد تكشفه وتسيبه بقا
& حاضر يا عم اما نشوف اخرتها
بعد أسبوعان...................
انسة وعد خطيبك قاعد مع بنت ف كافية تحويجة  ال عند قسم ثان العاشر فاعل خير
كنت ف الجمعية وقتها و الكافية قريب منى اول ما شوفت الرسالة روحت بسرعة وفعلا لقيته هناك رميت الدبلة ف وشه و مشيت
.............................
بعد ٨ شهور عمر قرب فيهم اوى من وعد
* وعد انا عايز اقابل باباكى
+ ليه
* اااه انا بحبك وعايز اتقدملك
+ ابتسمت ومشيت
...........................
& خطبتها يا عمر اخيرا خلاص بقا مالكش دعوة باللى انا بعمله ما انت ضمنت وظيفة تانية ف مابقتش محتاج للهكر والحاجات ال انت بنفسك معرفنى طريقها بس انا لأ معنديش شغل اقدر اصرف بيه ع نفسى و على اهلى
* صدقنى لما هتبعد عن القرف ده ربنا هيرزفك
& عمر امشى و سيبنى وانا مش هقول لحد عن حاجة من ماضيك ماتخفش
* والله ي ابنى انا خايف عليك انت اكتر
& ماتخفش وسلام بقى روح كلم خطيبتك
* سلام هعدى عليك بكره
قفلت مع احمد و روحت اكلم وعد لقيتها منزلة استورى فقولت افتحها الاول
" انهاردة الذكرى السنوية التانية لموتك كنتى اكتر من اخت ليه اخدتى جزء كبير من قلبى بموتك "
* يا نهار هى تعرف البنت دى منين ...... وعد هى مين البنت دى
+ دى بنت خالتى وانهاردة الذكرى التانية لموتها او الاصح قتلها
* الله يرحمها بس قتلها ازاى هى ال حصلها
+ واحد حيوان معندهوش ضمير ولا اخلاق هكر الموبايل بتاعها واخد شات بينها وبين واحد زميلها وصور لهم مع بعض   من ع الموبايل و ابتزها انها لو مدفعتش الفلوس ال طلبها هيفضحها دفعته نص المبلغ وماقدرناش نتصرف ف باقى المبلغ والحيوان فضحها بالصور ف انتحرت بسبب كلام الناس عليها وعلى اهلها والكلب ال عمل كده نفد من الموضوع كله
..................................
& الله يخربيتك انت وهى عمر انت لازم تسيب البت دى يعنى انت مالقتش واحدة ف مصر كلها غير بنت خالت البنت ال ماتت بسببنا
* وكمان باين ع وعد انها بتحبها اوى وعمرها ماهتسامحنى بعد ماتعرف ال حصل
& انت بتقول اى تعرف مين احنا ماصدقنا ان الحكاية اتلمت ومحدش وصلنا وقتها عايز دلوقتى ترجع تفتح علينا ابواب جهنم
* انا لو ظهرت براءة البنت ال ماتت دى اكيد وعد هتسامحنى بعدها
& وعد هتسامحك وانا هقتلك انا مش هتحبس علشانكم اعقل كده والبت اصلا ماتعرفش حاجة
* اكيد الحقيقة هتظهر وقتها مش هقدر اخليها تسامحنى وكمان انا كده هريح ضميرى مش هقدر اكدب ع وعد اكتر من كده وماتخفش مش هجيب سيرتك
& اعمل ال تعمله بس اسمى لو جه ف الموضوع هقتلك انت وهى
................................
* ارجوكى يا وعد سامحينى
+ ابعد عنى يا عمر ماتلمسنيش
* انا اتغيرت والله العظيم اتغيرت مس محتاج غير فرصة تانية بس
+ وليلى كمان اتغيرت بس انت فضحتها ليلى ماعملتش حاجة غلط بس ماكنتش عايزة حد يعرف موضوع زميلها ده لانهم سابو بعض بس انت فضحتها
* بس انا اتغيرت دلوقتى و بعدت عن كل ده و موت ليلى انا هعترف بيه ف القسم و هرد لها اعتبرها بس سامحينى وعشان اثبت لك  ف انا هطلع دلوقتى ع القسم
................................
بعد ٥ سنين
*وعد هتسمحينى دلوقتى أنا عملت كل ال اقدر عليه عشان اثبت لك انى اتغيرت و اثبت لك انى ندمان ع كل ال عملته ف حياتى قبل ما اعرفك
+ ليلى هتفضل حاجز ما بينى و مابينك مش هقدر ليلى كانت اختى او اكتر مش هقدر اشوف كل يوم الشخص ال قتلها ابعد عنى افضل و شوف حياتك و خلى يوم خروجك من السجن هو مفرق طريقنا
*طب قوليلى انك سامحتينى ماتسبينيش كده
+ سامحتك يا عمر بس مش هكمل معاك
تمت...💔
عمر كان يستاهل فرصة تانية و وعد كانت قاسية ولا هى الصح و قرارها هو ال هيريح الطرفين فعلا
#مفرق_طريق
#رسالة_انستا