ارغمت عليه😢😢

بقلم :ايلاف😸😸😸

انا اسمي رؤى ♥️عمري 24🙈وبقرا ف سادسة جامعة طب صيدلة جامعة الاحفاد💋دي اخر سنة لي😍 قصارية حلبية لكن م شديد وجسمي حلو 🌹💓عندي اخو واحد بس واسمو خالد بحب واحد اسمو احمد ارتبطنا من سنة💕
شلتي :👇
ريم :دي طبعا البت ميكي الفي الشلة لكن ظريفة وعسل وطيبة شديد🌹🌹
روان:دي المسترجلة 😂😂جنها مشاكل بتحب المشاكل دي زي عيونها😂لكن زولة ظريفة وزولة حارة دايما بلقاها واقفة جنبي في اي شي وبتفهمني حتى قبل م اتكلم😍😍😍💛💛
أية :دي المسكينة وانطوائية شديد لكن ونستها ظابطة عديل💚

امي اسمها منال:بتحبني شديد وبحبها وان شاء الله م انحرم منها ابدا❤️❤️❤️❤️
ابوي اسمو حامد: بحبني شديد وبخاف على حتى من النملة بس صعب شديد وتعاملو حاد لمن يعصب😔❤️❤️❤️
اخوي الكبير اسمو خالد:طبعا د اخوي الوحيد عمرو ٢٨ متزوج ومقيم في السعودية💕

احمد :ماي لوف عمرو28 عندو شركات كتيرة طويل جسمو رياضي حلبي ملتحي🌚💞💞💞بحبو شديد لكن دايما اهتمامو بي ناقص بس بحسو ب مشاغلو ف م بسألو وصحباتي بكرهو شديد 😂💗

طيب بي كدا انا اكون قلت ليكم الشخصيات وكل م تظهر شخصية جديدة ح اعرفكم عليها وبتمنى الرواية تنال اعجابكم❤️🌹

#أرغمت عليه😆
بقلم ايلاف
-١-

منال(امي) :يا بت قومي خلاص اصحي ابوك داير يتكلم معاك
نور :ياأمي ياخ خليني انوم شوية تعبانة
منال(امي) :قومي سريع قبل م يجي هو يصحيك
نور:خلاص قايمة 😤
نور:دا شنو ياخ النوم زاتو م بخلوني انومه😤

استحميت وطلعت
رؤى :صباح الخير
حامد (ابوي) :صباح النور اقعدي
حامد: يا بتي انتي كبرتي وخلاص بعدا مفروض تعرسي
رؤى :لكن يا ابوي انا ما دايرة اعرس هسه
حامد:لي ما دايرة هسه أتقدم ليك عريس
رؤى :منو دا
حامد :اسمو وليد قال كم مرة بشوفك وانتي طالعة من الجامعة هو سيد الشركة الجنبكم وعجبتيه هسه هو شغال ووضعه كويس شديد عشان كدا أتقدم ليك وانا زاتي بعرف ابوهو وناس كويسين خالص
رؤى :لكن انا م بعرفو
حامد:ما مشكلة اتعرفي عليه
رؤى :لالا ما عايزة
حامد :مافي حاجة اسمها ما عايزة انا م طلبت رايك انا كلمتك بس😤
رؤى :تمام
ودخلت غرفتي وبكيت

اتصلت على احمد
احمد:اهلا حبي
رؤى :احمد ابوي جاب لي عريس 😭
احمد :كيف يعني هو ما عارف بينا!
رؤى :لا م بقدر اقول ليه والله انت عارفو صعب
احمد :طيب انا اعمل شنو!!!
رؤى :كيف يعني تعمل شنو تعال أتقدم لي😨
احمد :كيف اتقدم ليك انا لسه م جاهز لي عرس
رؤى:ما الا عرس طوالي يا احمد انت تعال على الاقل اثبت ليهم انك دايرني وبعدين كيف يعني م جاهز اهو انت شغال هسه
احمد :خلاص تمام افكر ف الموضوع
رؤى :تمام ي احمد😔
وقفلت الخط
(حتى أحمد م فارق معاه اني اعرس او لا معقولة يكون م بحبني💔! لالا هو قال انو بحبني انا متأكدة انو ح يجي)