ارغمت عليه😢😢

بقلم ايلاف😸😸
-٢-

صباح اليوم الثاني:

صحيت واستحميت ولبست وكنت طالعة وم كنت عارفة امشي وين بس عايزة اقعد مع نفسي شوية

لقيت ابوي سلمت عليه
حامد:ماشة وين؟
رؤى :طالعة مع صحباتي
حامد:اقعدي عايز اتكلم معاك
رؤى :اها
حامد:اول شي يا بتي انا ما داير شي غير مصلحتك وانتي قلتي في واحد دايرك وانا اديتك فرصة عشان م أظلمك ساي وهو م جا دا انا افهمو شنو غير انو م دايرك؟
رؤى :م عارفة يا ابوي بكون عندو ظروف
حامد:هو قال ليك كدا؟
رؤى :لا
حامد :بقى دا م عندو شي بس م مستعد للزواج وانا بفهم الزي ديل م عايزين غير يلعبو بي بنات الناس وانا بثق فيك وفي اختيارك عشان كدا اديتك فرصة انو يجي يتقدم ليك ونعرفه بس م جا وبي كدا انتي ح توافقي على وليد لاني بعرفو وهو حيكون مناسب ليك بس اديه فرصة
رؤى :لكن يا ابوي
حامد :مافي لكن انا اديتك فرصة وقلت ليك اذا م جا ح توافقي على وليد
رؤى :تمام ممكن امشي؟
حامد :امشي

انا حبست دموعي بس وطلعت

مشيت قعدت في كافي وحاولت اتصل على احمد م رد علي وقلقت عليه شديد
اتصلت على ريم عشان اراضيها
ريم :يا مزة
رؤى :ريمون م تكوني زعلتي عشان اتزهجت فيك امس
ريم:يابت انتي غبية؟ علاقتنا اكبر من اني ازعل في سبب تافه زي دا♥️♥️
رؤى :قلبي انا😘

كنت قاعدة في الكافي شفت أحمد داخل ومعاه بت😨
بس بقيت بقول دي منو وقلت امشي عليه بس قلت لا كدي اشوف اخرتهم
دسيت وشي بي المنيو عشان م يشوفني
قعدو وكانو بتونسو وخاتين جنبهم لابتوب
المهم الشمار حرقني وقلت الا امشي واسألوا دي منو

رؤى :دي السبب في انك امس م جيت وكمان م بترد علي؟
احمد :رؤى 😨
رؤى :لي انصدمت؟
احمد :حبيبتي م انصدمت ولا شي بس مشتاق ليك وكنت عايز اجيك الليله بس كان عندي ظرف سامحيني
رؤى :لا والله؟وظرفك شنو القاعد معاها دي ولا منو؟
احمد :ممكن تقعدي افهمك الحاصل
رؤى :م عايزة افهم شي
وكنت ماشة مسكتني البت من يدي
:لو سمحتي ممكن تقعدي افهمك لانو انتي كدا بتظلمي استاذ احمد
رؤى :انتي منو اصلا؟
:انا اسمي لميس سكرتيرة احمد كنا بنعمل مشروع في اللابتوب وامس كان عندنا مشكلة كبيرة في الشركة لدرجة انو احمد نام في الشركة لانو هو المدير وكان لازم يحل المشكلة دي
احمد:اي والله يا رؤى انا مع المشكلة نسيت انو انا مفروض اجيكم في البيت اسف حقك علي
رؤى :طيب لي م اتصلت على عشان تطمني؟
احمد:انا هسه مسكت تلفوني كان ضايع من امس
رؤى:تمام دي اخر مرة يا احمد اوعك تاني تعمل فيني كدا انا خفت يكون حصل ليك شي
احمد :حبيبي البيخاف علي😍
رؤى :🙈🙈
لميس(السكرتيرة) :انا امشي بعد كدا😁
احمد:خلاص كملي الشغل الاديتك ليه
لميس :اوكي باي
رؤى :باي

بعد هي طلعت احمد مسك يدي
م كنا منتبهين للبت البتصور فينا 😨ياها زاتها السكرتيرة ولا الشي دي لكن م شفناها
رؤى :احمد ياخ قلت ليك م بحب الحركات دي
احمد :اسف حبي خلاص اي شي ولا زعلك 😘
رؤى :انا راجعة البيت اتأخرت
احمد :ارح اوصلك
رؤى :تمام يلا

احمد وصلني البيت ومشا وانا كنت داخلة على البيت اشوف ابوي جاي على وظاهر في عيونو الغضب انا خلاص سحت عديل
رؤى :في شنو ياابوي
م حسيت الا بالكف الجاني طاير 👋
رؤى :في شنو يا ابوي انا عملت شنو عشان تضربني😭
جراني من يددي ودخلني وجاب تلفونو
حامد :عملتي شنو؟ هو انتي الما عملتيه شنو؟ دا آخر ثقتي فيك؟ شوفي الصور دي😠
الصور كانت صورنا انا واحمد لمن مسك يدي بس الرسلها ليه منووووو؟؟
رؤى :اا ا ا ابوي ا ا استنى افهمك😭
حامد :تفهميني شنو؟ تفهميني انو مسك يدك بالغلط ولا الصور دي كزب مثلا؟؟ ااا؟؟ 😠😠
انا ساكتة بس لانو لو اتكلمت ح يقتلني و م عارفة ابرر موقفي كيف
حامد :دي اخر ثقتي فيك ولا عشان خليتك على راحتك😠😠😠 انا الغلطان والله وهسه ح أصلح غلطي دا😠عندك اسبوع بس وح أعقد ليك على وليد اذا شئتي او ابيتي والتلفون دا زاتو تاني مافي ليك عشان نشوف حتتكلمي معاه كيف😠😠😠يلا طيري من وشي قبل م ارتكب فيك جريمة😠

جريت الغرفة جري وقفلت الباب على وقعدت ابكي وم عارفة اتصرف كيف😭😭😭😭😭😭😭حتى صحباتي م بقدر اكلمهم عشان يشوفو لي الحل لانو ابوي شال التلفون وم عارفة اتصرف كيف خلاص فقدت الأمل في اني اكون حلال احمد خلاص 😭😭😭😭😭😭😭😭😭
نمت وانا ببكي وم صحيت الا المغرب مشيت اكلت وقعدت شوية في التلفزيون عشان احاول انسى
امي جات تتكلم معاي
منال:يابتي نحن دايرين مصلحتك بس
رؤى :مصلحتي؟ وين مصلحتي في انكم تجبروني على زول م عايزاه وين مصلحتي هنا؟؟
منال :ابوك اتصرف كدا لانو انتي غلطتي وهو م جبرك في البداية خلاك ع راحتك بس انتي الغلطانة
رؤى :طيب تمام ان شاء الله اموت زاتو عشان ترتاحوا مني ومن اغلاطي
ومشيت الغرفة وتاني قعدت ابكي لحدي م نمت

(طبعا كل م ابكي بنوم عشان م تتخلعو وتقولو دي عاضاها زبابة التسى تسي ولا شنو 🐸🔫)