ذنوب ليست لنا ..
جدول المحتويات

    أنت تقرأ

    ذنوب ليست لنا ..

    ChickLit

    رواية عراقية حقيقية من قلب " البصرة الفيحاء " تحمل الكثير من الفرح والحزن والندم والحيرة والآلم ... كل هذا في رواية " ذنوب ليست لنا .. " بقلمي park_hiu_je قراءة ممتعة 💜 ..

    #بصراوية #بغدادية #حزينة #عراقية

    البارت 3

    44 7 1 
                                        
    
                                              
    #ذنوب ليست لنا ..
    #بقلمي park_hiu_je 
    #البارت الثالث 
    ....
    احب ذاك اليميزني ويرسمـني حلم
    وانوب ... يتـعبلي ويحقـقني
    احب ذاك ... اليـقدسـني 
    لأني .. أَستحق كل هذا 
    ....
    
                          
    الشيخ حمزة : انه الشيخ حمزة اسد حمزة استلمت
    المشيخة عن جدي لنه كبر وتعب بس تبقى
    بعض الطلايب هو يحلها ولأن ماكو احد يورثه عنه
    بس انه  ..
    عمري 29 وظيفتي هية نقيب بالجيش العراقي 
    طبيعتي عصبي وحقنة ومعقد على كولة حِمَيد
    ونادراً ما ابتسم .. السبب
    الأول بحكم عملي لازم اكون هيج
    والثاني بسبب الماضي الخلاني اكبر قبل آواني
    وخلاني معقد طـول عمري واكره جنس حواء
    واعتبرهن كلهن خونة (بنات بدون انتقاد) ..
    
                          
    نرجع بالزمن 20 سنة .. 
    
                          
    :- قبل 20 جان ابوي اسد مسافر لبغداد
    جان عمري بذاك الوكت 9 تقريباً وزهراء 4 
    وغيداء وبيداء 5 اشهر ..
    كاعد بالكراج وانتظر ابوي لأن مشتاگلة
    واني متعلق بيه كولش وصار شهر من مسافر..
    
                          
    وجانن عدنة بنات عم ابوي خولة و كوثر
    هنه جانن عساس مسمايات من جانن صغار
    وحدة لأبوي والثانية لعمي فهد .. 
    بس ابوية وعمي رفضنهن وراحوا تزوجوا
    من بنات الولاية (بغداد) ..
    
                          
    صار بذاك الوكت مشاكل وطلايب شلون
    يرفضون الگريبة ويروحون للغريبة ويكسرون
    بخاطر بنات عمهن بس بعدين انحلت واتفقوا
    ولد عم ابوية ياخذنهن ..
    
                          
    نرجع لموضوع ..
    اجن كوثر وخولة: وين امك ولك؟
    
                          
    حمزة : ولك شنهو موو عيب
    
                          
    خولة : اوووي لاا تدوخني اروحن انه
    ادورن عنها احسن يله كوثر ..
    
                          
    كوثر: ولج خويلة ليش ما تعوفين هالسالفة
    لاا تهجمين بيت عمج وولده هسة احنة
    اتزوجنه وعدنة جهال وراح الموضوع وانسى .. 
    
                          
    خولة: لاا والله اذا انتي نسيتي انه ما انسى
    ليش شناقصني ويعوفني ويروح لبت الولاية
    سنين واني انـام واكعد واحلم بيه ..
    وتالي طنننن راحت كل احلامي وزوجني
    لعلاء الأثول ميجي بإصبع اسد وانتي اخو
    جاسم الأعوج طول فهد يسواه مية مرة ..
    
                          
    واني كتلج لووو مية سنة هم اهجم بيتهن
    لهذني شذى وعلياء ( ام الشيخ حمزة ) 
    الحربيات لعبن بعقول الزلم وخبلوهن ..
    
                          
    علياء : هلاا بيجن ليش واكفين هنا تعالن طبن
    
                          
    خولة: هلاا عيني شلونج شخبارج
    والله مشتاگيلج لو احنة نجي لو ما نشوف
    هالوجه الحلو
    
                          
    علياء: ههه فدوة اروح لج شكد كلامج حلوو
    شلونج كوثر
    
                          
    كوثر: الله يسلمج عيني
    
                          
    خولة : يي شو بدشداشة البيت مو كالوا
    ابو حمزة بالطريق غير مشتاگلج هيج تتلگي
    
                          
    علياء: ههه شسوي هسة خلصت تنظيف وغسل
    مواعين لأن سودة عليه شذى متعبها حملها
    ونريد هالمرة يوكف ببطنها صار مرتين تطرح
    ..
    ذنوب ليست لنا ..حيث تعيش القصص. اكتشف الآن