يوسف: كنت أتمنى تكون عيلتي موجوده هنا بس هما سفرو قبلي
صباح : مفيش مشكله يابني
ادم: ياعم احنا ضمنينك متخفش
يوسف:طيب طالما انتو ضمنيني ... انا بقول الفرح يبقى بكره
صباح: بكره ازاي يعني مينفعش!
داليا وهي تنظر إليه بصدمه: بكره!
ادم بضحك: والله كنت عارف انك هتعمل كدا
نيره: مهو صحبك بئا لازم يبئا مجنون زيك
صباح: بكره ده بدري أوي ده حتى مش هنلحق نعمل حاجه
يوسف: انا مش عايزكو تتعبو نفسكو خالص الشقه اللي هنا في مصر انا مجهزه بكل حاجه وكده كده بعد الفرح علطول هنطلع على المطار ونسافر فرنسا.. حتى هدومها انا مش عايزها كل حاجه جهزه هناك
صباح: ايوا يابني بس برده..
يوسف بمقاطعه: كدا مفيش حاجه نقصه ياطنط الفستان والميكب ارتس هيكونو هنا بكره الصبح
نظرت صباح لداليا : رأيك ايه يا داليا
داليا :.....
نيره بضحك: سيبيها ياماما هي مصدومه بس انا كنت في نفس الصدمه ده قريب
يوسف: والصدمه ده معناها موافقه ولا لا
نيره: ياعم سيبك منها هي موافقه
ثم نظرت نيره لدليا
نيره: صح يا داليا
داليا:....
نيره: اهو شوفت السكوت علامه الرضا
ادم: يابنتي اهدي كدا نشوف رأي داليا الأول
ادم: ها ياداليا
داليا بخجل: احم موافقه
نيره بفرحه: لووووووووووولي... مش قولتلك هتوافق ده صحبتي وانا عارفاها
يوسف بفرحه: مبروك عليا انتي ياقمر.
ادم: احم متتقل كدا ياعم شويه
يوسف: ملكشي دعوه انت
صباح: مبروك يا دودو
داليا : الله يبارك فيكي يا طنط
ادم: اتصل على معتز خليه يجي بكره بئا
يوسف: اوكي
نيره: جالك مجنون اكتر من المجنون بتاعي اهو يا دودو
ادم: ومالهم المجانين ياختي
نيره: قمر
ادم: اه بحسب
صباح: صباح عارفه انك رجعتو انهارده؟
ادم: اه كلمتها واحنا جايين هنروحلها بكره بئا
صباح: ماشي يا ابني
......
وبعد مرور عده ساعات وانتهى هذا اليوم بسعاده وغادر يوسف
نيره بنعاس: تصبحو على خير ياجماعه.. يلا يا آدم عشان عايزه انام خالص
ادم: ماشي يلا
نيره: انتي طبعا هتباتي هنا انهارده وانا هجيلك الصبح
داليا: اه تمام
صباح: يلا سلام تصبحو على خير
ادم: وانتي من اهله
غادر آدم ونيره أيضا
صباح: ادخلي نامي بئا يا دودو عشان تعرفي تصحى بدري.
داليا: اوكي ياطنط تصبحي على خير
صباح : وانتي من اهله ياحبيبتي
......
في منزل معتز
معتز: جيهان ياحبيبتي
جيهان بنعاس: ايوا يا معتز
معتز: بكره ان شاء الله هنروح فرح يوسف وداليا
جيهان: بكره! مش كانت الخطوبه انهارده
معتز: اه ياستي
جيهان : صحابك دول مجانين
معتز: شوفتي انا العاقل اللي فيهم
جيهان: باين كدا وانا اللي كنت بقول عليك مجنون
معتز : شوفتي طلعتي ظلماني
جيهان : ايوا صح اطلع بره بئا واطفي النور
معتز: ايه ده انتي هتنامي
جيهان: ايوا هنام انا تعبانه مش قادره
معتز: ماشي ياختي ناامي.. نوم الظالم عباده
جيهان: بئا كده مااااشي افوقلك بكره بس
معتز: تصبحي على خير يا حبيبتي
جيهان: وانت من اهله
......
وانااااا جااااء يوم العرس
استيقظت نيره باكرا
نيره: آدم.. آدم قوم يلا عشان هروح لداليا
ادم بنعاس: طب هناك شويه بس
نيره: يابني يلا بلاش كسل
ادم: يوووه... لسه بدري
نيره: لا مش بدري يلا
قام آدم من السرير بكسل فهو يعلم أن نيره لم تتركه
ادم: قومت أهو يا زنانه
نيره: ايوا كده شاطر ... ادخل خد شاور اكون انا حضرت الفطار
ادم: لا مش لازم هنجيب سندوتشات واحنا مشيين وكمان احنا هنعدي على ماما عشان هتيجي معاكي وانا هوصلكو واروح ليوسف
نيره: اوكي ماشي يلا انا داخله البس
وبعد نص ساعه كانت نيره وأدم أمام منزل والدته
اتصل آدم على شيماء
ادم: يلا ياماما احنا تحت
شيماء: ماشي ياحبيبي انا نازله
نزلت شيماء بعد ثواني
نيره: ازيك ياماما
شيماء: الحمد لله.. انتي عامله ايه ياحبيبتي
نيره: الحمد لله
ادم: ازيك ياماما وحشاني خالص
شيماء : الحمد لله يا حبيبي والله انتو كمان وحشتوني جدا
نيره: يلا يا آدم عشان منتأخرش
ادم: انتي هتروحي اصلا هتلاقيهم نايمين لسه
نيره: برضه يلا ملكشي دعوه
شيماء بضحك: هنبدأ بئا خناق
ادم: لا ياماما ده نيرو ده حبيبتي... صح يانيرو
نيره: صح يا عمري
شيماء: مجانين والله
وصل آدم لمنزل صباح
ادم: يلا ان لو وانا هروح ليوسف
نيره: اوكي ياحبيبي سلام
شيماء: ماشي يا آدم سلام
نزلت نيره من السياره
نيره: يلا ياطنط عشان دودو حبيبتي
شيماء: ده انتي لو العروسه مش هتبقى مستعجله كدا
نيره بضحك: عندك حق والله
صعدت نيره وشيماء لمنزل صباح
رنت نيره الجرس بتوالي حتى فتحت صباح
صباح: ايييييه صحتيني مفزوعه
نيره: انتو لسه نايمين! قومو يلا ورانا فرح يا جدعاااااان
شيماء: ازيك ياصباح عامله ايه
صباح: الحمد لله يا شيماء انتي عامله ايه
شيماء: الحمدلله
نيره: انا داخله اصحى العروسه الكسوله ده
دخلت نيره عند داليا وقفظت على السرير
نيره بصوت عالي: عااااااااااااا انتي لسه نايمه
داليا بفزع: ايه في ايه؟
نيره: قومي يلا ياعروسه
داليا : غبيه خضتيني
نيره: معلشي يلا قومي ياختي
داليا: سيبيني ساعه بس
نيره: بئا كدا مااااشي
سكبت نيره كوب من الماء على وجه داليا لتقوم داليا مفزوعه وتجري خلفها
داليا: انتي غبيه... طيب وريني مين هيلحقك مني
جرت نيره إلى الخارج وهي تضحك
نيره بضحك: ياماما ياماما
صباح: ايه في ايه؟
وقفت نيره خلف صباح
نيره: داليا عايزه تضربني
وقفت داليا أمام صباح وهي تحاول الإمساك بنيره
داليا: شوفتي ياطنط كبت عليا ميه سقعه اوي
صباح بغضب: انتي غبيه يا نيره
نيره: ياماما مهي كسوله كانت عايزه تنام
شيماء بضحك: تعالى يا نيره هنا
اتجهت نيره لشيماء
نيره: ايوا انتي ماما حبيبتي اومال اللي هناك ده مرات ابويا مش امي
صباح: انا مرات ابوكي!
شيماء بضحك: والله انتي مجنونه انا ابني متجوزه مجنونه عشان كدا اتهبل
نيره: واحلا مجنونه
اقتربت داليا منها ببطئ ولم تلاحظها نيره ثم امسكتها من يديها
داليا: مسكتاااااااك
نيره بخضه: عااااااااااااا.. ابعدي يا بت انتي
لفت داليا يد نيره
داليا: لا مش هسيبك
نيره بوجع بسيط: اااه يا جزمه انتي وسعى ايدي بتوجعني
داليا: مش هسيبك الا لما تعتذري
نيره: لا مش هعتذر
داليا: لا هتعتذري
قطع كلامهم جرس الباب
صباح: اكيد ده الميكب ارتس
فتحت شيماء الباب وتركت داليا نيره فجرت نيره اتجاه الباب
الميكب ارتس: انا الميكب ارتس اللي بعتها يوسف بيه
شيماء: اتفضلي يابنتي
نظرت نيره للفستان الذي بيد الميكب ارتس
نيره بفرحه: ده الفستان بتاع العروسه؟
الميكب ارتس بابتسامه: اها هو
نيره : هاتي هحطه جوا
الميكب ارتس: اوكي....
نظرت نيره لداليا
نيره بمزاح: العروسه اهي... روقيها بئا
نظرت الميكب ارتس لداليا بابتسامة
الميكب ارتس: والله هي جميله من غير مكياج
داليا بابتسامه: ميرسي
نيره: ايوا طبعا انا صحبي قمر
صباح: يلا ندخل جوه عشان منتأخرش
شيماء:ايوا يلا وكفاية قر
سحبت نيره داليا من يديها
نيره: يلا ياعروسه
داليا بهمس : أحمدي ربنا ان اللي جت هي اللي حشتك مني
نيره بمزاح: طول عمرك قلبك طيب
بدأت تحضيرات الفتيات
.....
وصل آدم لبيت يوسف ورن جرس الباب
فتح يوسف الباب بنعاس : انت جاي بدري كدا ليه
ادم: مراتي ياسيدي عايزه تروح لداليا من الصبح
يوسف بضحك: طب ادخل ادخل... بس تعرف
ادم : ايه؟
يوسف: باين ان كلمتك هي اللي بتمشي في البيت
ادم بضحك : هنشوفك ياعريس هتعمل ايه
يوسف: احم.. طبعا انا همشي كلمتي
ادم: طبعا طبعا
يوسف: معتز مجاش معاك ليه
ادم: معتز هيجي على الفرح علطول عشان جيهان الحمل تعبها وكدا
يوسف: اها... اوكي
ادم: يلا ياعريس عشان تجهز
يوسف: ياعم اقعد.. لسه بدري
ادم: اول مره اشوف عريس مش مستعجل كدا
يوسف بضحك: لا مين قال كدا ده انا على نار
ادم: ايوا كدا يلا
....
بعد ساعات
وضعت الميكب ارتس حجاب الفستان الذي يتزين بتاج جميل ورقيق
ميكب ارتس بابتسامه: انا كده خلصت
نيره باعجاب: ما شا الله قمر يادودو
صباح باعجاب: بنتي طول عمرها قمر اصلا
شيماء: ماشاء الله ياعروسه قمر
داليا: ميرسي
(كان فستان داليا جميل للغايه ابيض منفوش عليه نقوش بسيطه وحجاب ابيض جميل ويزينه تاج رقيق ووضعت مكياج رقيق أيضا فكانت تشبه الاميرات)
نيره: انا هتصل على آدم دلوقتي احنا كدا كلنا خلصنا
شيماء: ايوا يلا زمنهم هما كمان خلصو
اتصلت نيره على ادم
نيره: ايوا ياحبيبي احنا خلصنا
ادم: ماشي ياحبيبتي احنا جايين اهو
نيره: اوكي باي
ادم: باي
نظر آدم ليوسف
ادم: يلا ياعريس ننزل هما خلصو
يوسف بفرحه : ماشي يلا
وبعد دقائق وصل آدم ومعتز
اتصل آدم على نيره
ادم: يلا انزلو احنا وصلنا
نيره: اوكي
....
نزلت شيماء اولا ونظرت ليوسف
شيماء: ماشاء الله عروستك زي القمر ياجوو
يوسف: هي فين بئا
صباح من خلف شيماء: نازله اهي
ادم: اومال فين مراتي
صباح: متخفشي مكلنهاش يعني هي نازله اهي
ادم بضحك: ماشي.. انا مش خايف ده هي تاكل بلد
شيماء بضحك: على رأيك
نزلت نيره ثم اتجهت ليوسف وأدم
نيره: دودو نازله اهي
يوسف: ها يامسهل
نزلت داليا بأحراج شديد.. نظر لها يوسف بحب وإعجاب شديد.. ما هذا انتي جميله اكثر ما اتوقع.. جميلتي (هذا الذي كان يدور في بال يوسف)
وصلت داليا عند يوسف ورفعت نظرها لتذوب في تلك العيون الجميله.. تلك العيون التي اوقعتها لأول مره نظره لها.. تلك العيون التي تذوب بها كالثلج.. ماهذا الوسيم... أيعقل انه حبيبي.. لا بل عاشقي...كم انا محظوظه بزوجي هذا (هذا الذي كان يدور في عقل داليا)
(كان يوسف يرتدي بدله من اللون الكحلي الأنيق وبنطلون نفس اللون مع قميص ابيض وشوز كحلي)
امسك يوسف يد داليا بحب
يوسف : بحبك
داليا بخجل: وانا كمان بحبك
يوسف: طب يلا نروح القاعه ولينا بيت يلمنا
داليا بخجل: يلا
ركب يوسف وداليا سياره العرس
