اصبحنا واصبح الملك لله .. فاتت ليلة طويلة .. على مروة ولا على سفيان الى اغتصب بنت صغيرة فالعمر فقط لحتى يرضي الغرور تاعو .. وتفاجئ بدم عذريتها .. هذاك الدم الى هو الشرف الوحيد فالمجتمعات الشرقية واذا مكانش دم يعني الطفلة هاذي عاهرة ولازمها ترجم حتى الموت
في دار سفيان .. حلت مروة عينيها فالشومبرا هاذيك .. شافت فالبلافون . هاذي ماهيش دارها حطت يدها على راسها تحس بوجع كبير على غير العادة .. جسمها زرق ومدقدقة .. اخ تفكرت البارطي تاع البوكس الى صرى البارح ..
جات تتحرك حتى شافت تحتها .معمرة دم مش فاهمة الي صراا ماشي فاهمة حتى حاجة ماشي هي مكسرة من قبل ياربي واش الي راه صاري .ماقدرت تمنع روحها انو ترجع لليوم هذاك .. .تفكرت اليوم اي خالد داهاا للدار الي كان عايش فيهاا وعمل عملتو ... يوم يبقى فالذاكرة ..عمرها لارح تنساه
** فلاش باك **
كيف اي بنت .. كانت تحلم وتعلى .. ووقت خبرها انو يحب يديها لدارهم لحتى امو تشوف كنتها ماصدقتش روحها .. ووافقت وبدون تردد ولانو ماعندها حد يحكيلها ولا هي غلقت وذنيها على صوت العقل والحكمة وانو الطفلة المقرصة راهي ماتروح مع حد لاي مكان
روحت معاه وهي فرحانة .. قعد يبنيلها في احلام وقصور ..حلم الفارس بالحصان الابيض ناسية توصية امها انو الحياة مش راجل مش زواج . الحياة احلام .. صح سنة الحياة هي انك ترتبطي في اخر المطاف ام مع الشخص الصح الى يجي من الباب مش واحد كيف خالد الى قعد يرسم عليها بصح هي ماكنت غير فخ ليطحهاا برك .. وصلو للدار الي كان معول في ذلك الحال تولي عش الزوجية
خالد (فتح الباب )ادخلي عمري جبتك باه نوريلك دارنا الي رح نعيشو فيهااا
مروة (بقات تشوف فالبلاصة) بصح هاذي هي دارنااا محلاهااا ..وين راهي ماماك
خالد ( تبسم كيف الثعلب ) راهي عند اختي .. ساعة تاع ززمن وترجع اصبري نجيب لعمري حاجة باردة
مروة ( دخلت للصالون وحطت الصاك ادو تاعها ) اوكي ماطولش برك
.دخلت مروة للدار وخالد جابلهاا عصير شرباتو فالوقت هذاك صارت تشوف الدنيا فلو .. والدوخة لعبت عليها داخت وماحستش بشء الا بعد الي صار لقات روحهاا عريانة وحالتهاا حالة .. كانت الضربة القاضية .. الى خلاتها تعيش حالة نكران كبير
نهاية الفلاش باك **
رجعت للحاضر وتكمشت في بلاصتها مدهوشة من الي صار صارت تحاول تستر لحمها . اما الجلاد نتعها كان مزال تما ماحبش يمشي حب يفهم شعل سيجار وقرب منها سفيان مافهمش واش كاين كان داير في بالو بلي هي من النوع الي *** خرجت حاجة خلاف مكانش يتصور يصير هكاكا
سفيان (نسف الدخان الفوق ) اذا ماكيش ق** وماتعطيش واش الي داك ترقصي ووتق** تما ...
مروة بقات ساكتة ...
ا سفيان (وشدها من فكهااا) كي نحكي معاك جاوبيني ...
مروة ( توجعت من القبضة نتاعو )خلاص اطلقني ...غلطت مع واحد كنت نحبو وخرجت من الدار ...خلاص ريحت ..
أنت تقرأ
راقصة في عهدة ظابط / الكاتبة منال منولة
Любовные романыعندما تلقيك الحياة بقوة .. فترتطم على الأرض وفي تلك اللحظة لن تجد الا الذئاب التى لن تقصر في نهش لحمك دون رحمة اما هي كانت صغيرة للغاية عندما حدث ما حدث كانت مراهقة حلمها قطرة حب كانت لا تعرف اي شء وعندما وقعت في الخطيئة خافت وركضت ولكنها أضاعت طري...
