لبوة ثائر

بارت السادس

رواية لبوة ثائر
للكاتبةM.A.M
البارت السادس

لا تسألني عن حالي!!!
فأنت السؤال وانت الجواب!!!
وأنت الحب وأنت العتاب!!!
وأنت حروف كلماتي!!!
فوق أوراق العذاب!!!
فكيف أعيش بدونك..
وكيف أنير في عمري الظلام؟؟؟
ونور عيونك صبح ينير حياتي!!!
أحبك وحبك يسكن قلبي!!
وأطير في حبك مع السحاب!!
و لا يكفي أن أكتب!!
أحبك!!
وألف ألف أحبك!!
في ألف كتاب!!

༺ثائر༻

اخذت موبايل و مفاتيح السيارة و طلعت رحت لبيت اصدقاء واحد واحد مجان موجود يمهم عرفت بي رايح لابو طلعت من البصره وتوجهت للنجف بطريق اتصل عليه ابوية

فتحت الخط كال ـ ثائر وين رحت غيث ماكو تدري وينه

جاوبته وانه راسي احسه راح يطك ـ محلوله بويه محلوله لا يظل بالكم انه هسه رايح اله

ضاري ـ ليش وينه هو

ـ اكيد بالنجف وين يروح

ـ من توصل انطيني خبر خيتك راح تتخبل علي

ـ ان شاءالله

الساعه ١٢ بليل وصلت للنجف كملت طريق لوادي سلام. اخ هذا وادي اشكد اخذ منه اعزاز نزلت من سيارة وشغلت فلاش موبايل وبديت امشي لحد موصلت لمكان قبور دورت على مقبرة العشيرة من وصلت يم قبر عمار شفت واحد حاضنه و نايم علي و يمه كتب عرفته هو مشيت يمه و مسكت كتفه هزيته شوية

ـ غيث غيث اكعد

هو بسرعة فتح عيونه بخوف من شافني تنهد وكعد لم كتبه بدون ميحجي

كتله ـ كوم خل نرجع
رد بتعب ـ لا خالو راح ابقى هنا
ـ شنو تبقى هنا شوف الدنيا برد لا تتمرض كوم
ـ حبقى عند ابوية ليوم امتحانات اريده يشوفني و يفتخر بيه
ـ اشوكت امتحاناتك
ـ الاحد جاي
ـ يعني بقت ٤ تيام حبقى وياك هنا وسبت نرجع زين
ـ ان شاءالله

كلت ابقي هنا بلكت يرتاح و يتحسن نفسيته كعدت يمه خله راسه بحضني و بجه حسيت بكسرته صعبه على انسان يفقد عزيز گلبه

ـ قوي نفسك غيث
ـ انكسر ظهري بموته

༺هبة الله ༻

من كال اخوية محمد هيج بدت عمتي تلطم وتبجي ضربوها ابره نامت شوية بليل كلنا كاعدين و هيه تبجي اجاء احمد وكال

ـ شيخه ثائر اتصل و يكول غيث يمه
شيخه غزاله ـ ليش وينهم
ـ بالنجف
ريحانه ـ عززززه يمه بس لا بي شيء
ـ عمه شنو هذا تره غيث مو صغير شاب طول بعرض ويعرف شنو جاي يسوي
شيخه غزاله ـ شوكت يرجعون
ـ يوم سبت ان شاءالله

كال هيج و صعد راح لغرفته عمتي ارتاحت شوية رضعت بتها و نيمتها و نامت هيه هم و عمه فاطمه اخذت بناتها و راحت لبيتهم و ماما راحت لغرفتها و بيبي و شيخه و بيبي ام عمار بقوا كاعدين ينتظرون الشيخ و زلم انه هم كمت توضيت و صعدت لغرفتي صليت صلاة لليل و نمت