اسكرابات بقلم الكاتبه /مي فتحي ..

اول قصه ❤

بتحكي و تقول اتجوزته جواز صالونات او الاصح "مصونات " الحكايه بدأت لما باباه سآل ع عروسه والكل شاور عليا اصل انا الا عليا الدور ف عائلتي اصل عندنا الا متتجوزش ع 19 تبقا عانس و القطر فاتها انما بقا علي 21 كدا يبقا خلاص مده الصالحيه قيد النفاذ عادات و تقاليد جهل ف جهل مش هحكي كتير ف المنطقه دي عشان مضيعش وقت المهم قعدت معاه وحقيقي ارتحتله رغم انه مش الاستيل بتاعي اقصد يعني مش فرفوش ولا بيهزر مش من النوع الا بينغشك دا عشان تتكلموا و تحكوا كنت  خايفه  بس الحمدلله عدت فتره الخطوبه ع خير كان اهتماماته بيا متتحكيش لدرجه ان صحابي و قرايبي كانوا بيتعمدوا يظهروا الا خطابهم بيعملوه و بيجيبوه  معاهم عشان يغيظوني او  اني اغير و ف وحده جت كدا قالتهالي بكل حقد " الا بيحب حد بيهتم بيه اخباره بيطمن ع اصغر التفاصيل الا ف يومه بس بصراحه ي مي شكل خالد مغصوب عليكي انتي طول فتره الخطوبه عمره مرن عليكي ولو رن ف مش بتعدوا التلات دقايق وانتوا بتتكلموا الله يكون في عونك صبرتي و حافظتي و صونتي قلبك وفي الاخر وقعني ف انسان بارد دا بيعمل كدا قبل الجواز هيعمل اي بعده ههههه "  و البنات كلهم ضحكوا انا منستش الكلمتين دول دول كسروا بخاطري و حسسوني بالضعف يمكن لان كلامها صحيح وان هو مش بيحبني انا مسكتش انا رديت عليها و قولتلها خالد راجل و عارف حدوده و الاصول حتي مع خطيبته كفايه عليا اووي انه بيبدا مكلمته بسؤاله عن صلاتي و بينهيها ب لا اله الا الله و انا بحمد ربنا ع نصيبي و هرضا ب عيوبه قبل مميزاته و العبره بالنهايه قولتلها الكلمتين دول وانا مسكا دموعي بالعافيه وسبتهم متجمعين عند بنت عمي و خرجت
وقفت ف البلكونه باخد نفسي و كلامها بيتردد ف وداني استغفرت ربنا و كان بعدها ب اسبوع كتب الكتاب كنت خايفه اووي و بدعي ربنا و بقول يارب انا صبرت يارب يكون هو عوضي يارب انا راضيه بكل قضاءك يارب ف عوضني و اجعله قره عين ليا ياااربي انت اعلم اني مش حمل كسر قلب يارب لو انا عملت ذنب متعقبنيش فيه يارب وكلتك امري يارب دعيت ربنا بكل يقين وانت متاكده انه هيجبرني  . جه المآذون وخلاص قال
" بارك الله لكما وبارك عليكما وجمع بينكم ف خيره "
كنت وقفا و حسا ان وشي بيطلع نار و كنت محتاجه حد يطمني صحباتي الا عيروني بيه وقفين بيحسدوني ع جماله اصله كان قمر سيكا
اقصد سيكات اول مره اشوفه حلو اوي كده ولا عشان انا بقيت زوجته المصون بقا ولا اي لقيته قام سجد و عنيه فيها دموع فرحه قلبي دق بسرعه رهيبه واستغربت تصرفه دا جدا  دا ولا حتي بيحبني بقاله سنين !
وحسيت انه العوض فعلا قام بعد مخلص الساجده الا سجدها ولقيته قرب مني و ف ابتسامه رهيبه كدهو خرجه من وشه الا نور بصيتله وابتسمت ابتسامه متوتره اصلي كنت قلقانه اوي لقيته قرب من ودني و قالي " دعيت ربنا كتير يحفظك ليا ويجعلك من نصيبي  و يقدرني اني معصيهوش فيكي ي خليله الفؤاد وقام باصص ف عنيا الا دورها بس انها تنزل دموع وقام حضني ولفف بيا قدامهم بعيد عن اني كنت هموت من االكسوف الا ان قلبي ي جماعه بيرفرف حسه ان الدنيا مش سيعاني شعور حلو اوي انك تدعي ربنا وكلك يقين و حسن ظن ف انه هيستجيب و يعوضك و يحصل دا فعلا بصيتله وانا بضحك و ف نفس الوقت عنيا بتعيط قولتله انت خالد بجد ولا انا بحلم قالي قلب خالد من جوا صليتي و دعيتي قبل متيجي و تبقي مرات بشمهندس خالد ؟!  ضحكت..
قالي بطريقه كوميديه والكل بيبص علينا  تمنيت ان  تبتسمي لي وان تكوني زوجتي  وقره عيني ف طلبتكي من الله عز وجل ان تكوني لي ام و زوجه واخت و صديقه احكي لها اسراري ف كرمني الله بحسن الاستجابه وها انتيي كا القمر تبتسمين لي
الكل سقف وانا الفرحه مش سيعانيي  و خرجت انا وهو ف بلكونتنا وانا طيره من الفرحه حسه اني ف حلم حلو و خايفه اصحا منه لقيته مسك ايدي و قالي فرحانه ي مي ؟! 
اي دا ي جماعه اسمي حلو اووي بصتله و قولتله فرحانه اووي
- انتي قمر اوي كده ليه النهارده ثم إنتي حلوة بشكل خلاني
كل أما أشوفِك بنبهر تاني
ابتسمت ب هدوء هو معاه حق بصراحه انا كنت لبسه فستان ابيض وفيه لمعه فضي و كان واسع من تحت شبه فساتين الاميرات كان هو بعتهولي قبل كتب الكتاب وكنت حطا ميكب حفيف لاني مش بحبه وكنت لفا خماري بطريقه جميلة اوي ويمكن كمان الفرحه كانت محوطا قلبي عشان كده انعكست ع مظهري ضحكت و قولتله انا ع طول قمر ع فكره بس البعيد اي كان جبله !! 
- ضحك و ضحكته دي خطفت قلبي
مش جبله والله ولا حاجه بس كنت خايف اعصي ربناا فيكي ف يحرمني منك ي مي انا
انت اي ؟ 
- انا بقول الجو برد يلا ندخل جوه
بصتله بغيظ و قولتله انا بقول كفايه عليك كدا و اتفضل روح عن اذنك
-مسك ايدي استني بس مالك  قفوشه اوي كددا ليه نا بحب انغشك
بصتله وانا لسه عامله زعلانه
- جبتلك حاجه كدا يارب تعجبك
بصتله بتعجب وقولتله حاجه اي
قام مصفر صفاره عاليه جه ابن اخويا واقف بطريقة مضحكه وقايل
- عصافير الحب الحلووين اتمني تكون بالكونتنا جوها خفيف عليكو البشمهندس خالد جايب حاجه بسيطه كدا
و وقف ع جنب ودخل اخويا ب قالب كيك ع السفره وكانت مراته حبيبتي وبير اسراري جايه معاه و بتغمزلي انا مش فاهمه حاجه وكان ف بلالين كتير و شمع و جنبهم بوكيه ورد احمر من الا نفسي فيه و كنت بتمني يبقا عندي ورده منه و كان جنبهم ف بوكس كبير مقفول حطوهم قدمنا و قربوا مني هما الاتنين وانا لسه تحت تاثير الصدمه و الفرحه ف نفس الوقت حبيبتي الف مليون مبروك وربنا يتمم بخير يارب و يسعدك ويفرح قلبك دايما انتي اختي و دلوعه بيتنا وبعدين بص لخالد و قاله خد بالك منها ي خالد اختي امانه معاك بصله وبعدين بصلي بنظره كنت اول مره اشوفها ف عينه نظره محدش هيفهمها قدي نظره حب و شوق و نظره فرحه مش سيعاه وقاله هتأمني ع الا مني ازاي بس اختك روحي وعيني الا مبشوفش من غيرها وبعدين بصله وقاله هويناا بقا
ضحكت و اخويا ضحك و قاله لا بقولك اي التزام حدودك انت هنا ف بيت طاهر وهيفضل طول عمره طاهر ههه
ضحكنا
مرات اخويا  ميوش حبيبتي الف مليون مبروك ربنا يتمم بخير  يارب خالد عملك المفجأه دي عشان يخلي الجو رومانسي يلا لو عايزين اي حاجه اندهو عليااا هجيلكم حمامه جه خالد قالها اهم حاجه خدي الكائن الا هياكل الجاتوه دا معاكي ضحكنا  و خرجوا و فضلت انا وهو بصلي وقالي كل سنه وانتي ف حياتي و منورها عارفه ي مي انا لما اتقدمتلك كنت شايفك من حوالي سنتين كنت خارج من المول وانتي كنتي داخلا و بتتكلمي ف الفون وانتي متعصبه اوي و وشك كان احمر معرفش لما شفتك قلبي دق دقه غريبه عمري مجربتها  حسيت بانك تخصيني كنت عايز الوقت يقف وقت ما خبطي فيا غصب عنك و كان معاكي كتب وقعوا منك بصتيلي بعصبيه وقولتي مش تاخد بالك ي استاذ هو انا ناقصه ..
اعمي حضرتك ولا حاجه
ع ما خلصتي كنت انا لميتهم و ادتهوملك وانا بعتذر لقيتك اتنهدتي وقولتي انا اسفه لحضرتك ع طريقتي واخدتي الكتب و دخلتي و كنتي وقتها ف ورقه وقعت منك وانا اخدتها
مي بحرج مش معقول هوو انت ي خالد
-ايوا انا عارفه الورقه كان مكتوب فيها اي ؟
ميمي بعدم تذكر مش فاكرهه
- كنتي كتبا ‏والرّوحُ محتاجَة لرُوح تردّ  فيها الرّوح🖤
حسيت وقتها انك من حقي انا و حقي ان اردلك روحك  كلها بهجه وفرح وحب لون عينيكي آسر فؤادي ي روح الفؤاد
- عيطتت ايوا عيطتت مانا عيوطه اووي وبالذات لما اوصل لقمه الفرحه لقيته بصلي بخوف وقال
- مي مالك بتعيطي ليه؟!  انا  اسف مالك طيب !!
انا بجد فرحانه حسيت اني عايزه احضنه اتمنيت احس ب طيفه محوطني بخفه و دقت قلبه اسمعها و احس بالامان بين ايديه حسيت اني ف غربه وحضنه وطني....
بصيتله وكانه قرأ ال في عنيا خدني بين ايديه وحضني وكان العالم كله وقف وقتها حسيت بأمان حسيت بحبه وقتها وعيطت كنت فالحظه تهور هخسر انسان زي الجنه بس الحمدلله هو دلوقتي جنبي و سمعا دقات قلبه بعدت عنه و قولتله 
قلبك ده جميل واللهِ يا واد ♥.
ضحك وقالي - ‏أيا ملاذي والذّال كاف♥️🎧.
ضحكت وقتها بكل فرحه خلصت ضحك ولقيته باصصلي و متنح
- هو انا ضحكتي قمر اوي كده باين انك واقع ع فكره
ضحكتك دي بتخطف قلبي كل مره بشوفها فيها ربنا يحفظك ليا وميحرمنيش منك ابدا
بصيت ف الارض و بصيت بعدها للبوكس الا ع السفره و بصيتله
- افتحيه
هااا
- ولا اقولك تعالي ناكل الجاتوه الاول انا عارف انك بتحبيه بالشكولاته
ايوا بحبه اوي
خلصنا اكل و قالي افتحي بقا البوكس
مسكت الورده الحمراء الا جنب البوكس الاول و استنشقت عطرها انا بحب الورد اوي ودا نوعي المفضل مسكتها و مشيتها ع وشي بحس ب لمستها الناعمه ع بشرتي و ريحتها الا سحرتني وانا مغمضه
فتحت عنيا وبصيت للبصصلي و ابتسامه جميله مرسومه ع وشه وقالي
- عارف انك بتحبي الورد الاحمر البلدي
وعرفت ازاي بقا
-مي انا بقالي سنتين بعشقك عرفت كل حاجه عنك
يعني مثلا بتحبي اكتر اكله الكفته و المحشي و بتكرهي الحمام و الممبار بتعشقي عصير المانجا و بتكرهي عصير القصب بتحبي اللون الاحمر و الازرق والبنفسجي و بتكرهي اللون الكحلي
وكمان زملكاويه متعصبه و اقرب صديقه ليكي اسمها علا و بتعشقي الروايات كانت امنيتك تتجوزي ظابط وكنتي كاتبا ف جميع حساباتك اللهم ظابط وحياتي عندك لتمسحيها ولتكتبي الحمدلله بشمهندس كمان بعد وفاه والدك الله يرحمه مامتك اقرب حد ليكي خسرتي صدقات كتير و قرايب اكتر
بتحبي تنامي للضهر و مش بتفطري بتحبي ترسمي احيانا
تطورتي بعد قراءه الروايات و بقيتي تكتبي روايات واسم روايتك عشق المالك و ااا..
سكت لما لقاني فتحا بقي و عنيا و مش مصدقه الا بيقوله
- في اي ي بنتي هيغمي عليكي ولا اي دا انا لسه محكيتش انك اكتر ممثل  عربي بتحبيه هو عادل امام و
- انت مش معقول ازاي عرفت كل دا انت بتشتغل مع المخابرات
لا والله ابدا انا بس بحبك اوي
-هاااا
لا بقولك اي مش وقت تهتهاا
-طيب انا بقول نفتح البوكس اي رايك
ماشي هعديها بمزاجي ي فرولتي
فتحت البوكس كان مليان شكولاته من الا انا بحبهااا و فوقها كان فيه مصحف و سبحه شكلهم شرح صدري من جمالهم بصيتله و عنيا باين فيها الفرحه و كان موجود علبه كدا زرقه زي بتاعت الخطوبه فيها خاتم فضه شكله يجنن كنت منزلها عندي ع الانستا وكتبا لو هبيع ربع كبدي هشتريك ضحكت لما افتكرت البوست الله يجنن بجد جميل اووي جبته ازاي دا غالي اوووي
-لو طلبتي  عنيا مش كتير عليكي لكن قلبي ....
معاكي من زمان
خالد بجد فرحتي لا توصف انت عوضتني والله عوض ربنا جميل اووي  انا كنت  خايفاك تخذلني و قلبك يطلع جافي عليا  بس والله مافي  احن  منه
كنا عايشين اجمل احظات بتمر علينا انا وهو وقلبنا الا بقا واحد  الا لقا شريكه وونسه 
دخلت قريبتي الا كانت بتعيرني ببروده و قله اهتمامه و حطت عصير و بركت لينا معرفش ليه بس كانت بتبصلي بغل و غيظ ملوش اي مبرر دي حتي فتحت البوكس بدون متستأذن و قالت والله طلعت مكلف ي سي خالد واحنا الا فكرنا مي هتسيبك وقت الخطوبه لما لحظنا قله اهتمامك بيها اي كنت خايف تتحسد
بصلها وبعدين بص فيا وانا وقتها خفت لان طريقتها كانت غريبه اووي وكانها جايا تبوظ لحظتنا الا صبرت طول عمري عشان ربنا يعوضني و احسها ف الحلال بس هو فجأني لما مسك ايدي بكل حب و باسها وقالها انا عارف اني كنت مقصر ف مشاعري معاها وقت الخطوبه بس دا الصح عشان اعووضها لما تبقا زوجتي المصون جوهره قلبي و ان شاءالله ام لاولادي و قره عين ليااا.
بصتلنا بغيظ وحقد وقالت  طيب انا ماشيا بقا ي مي عايزه حاجه
- لا شكرا
خرجت وانا بصيتله وبعدين قعدنا عشان نشرب العصير شربنا و هو استاذن عشان يروح وقالي
" مشتاق بقا اشوفك لابسه الابيض وبجمالك تخطفيني ونرقص سوا واغنيلك ي ضئ عيني "
خرج وانا دخلت اوضتي بطنطط من الفرحه طلعت ع السرير وفضلت اطنطط و اضحك بصوت عالي من الفرحه لدرجه ان ماما واخويا و مراته دخلوا و فضلوا متنحين فيا فكروني اتجننت ههههههه مهو ان كميه البهجه والفرحه دي تدخل قلبي بسرعه كدا دا شئ مش طبيعي عدا الوقت بسرعه واتجوزت خالد كان اجمل يوم ف عمري وهو جنبي و محوطني بحبه و خوفه ليحصلي حاجه
النهارده انا ربنا رزقني الحمدلله بزين حبيب مامي استحملني فتره الحمل كلها و عمره مزعلني منساش ابدا يوم ما كنت تعبانه وروحت كشفت والدكتور قالي مبرووك ي مدام حضرتك حامل فضل يتنطط و يقول اللهم لك الحمد وقام شالني لف بيا وانا فرحانه و مصدومه من ردت فعله ههههه ولا لما كنت بطلع عليه هرمونات الحمل و اصحيه الساعه 3 الفجر اقوله هاتلي رنجاا و اصحيه بصوت صريخي ف ودنه ب يااااا خاااين ي بتاع البناااات يقوم ي روحي مخضوض
- ف اي مينن  !!!
بتخوني ي حقير
- ب اي ي روح خالتك هو انتي تبقي نايمه ف حضني ف امان الله تقومي تقطعي خلفي ب ياا خاااين ي مي حرام عليكي
فضلت اعيط واقوله زهقت مني طلقني طلقني طلقني
- تعالي ف حضني عايز انام ي روح خالد يرضيكي اقوم الصبح اروح الشركه واسوق وانا نايم واعمل حدثه
بعيد  الشر عنك
خالد كان هيتجنن ونا ف اوضه العمليات انا طبعا شوفت الفيديو الا علا غفلتهوله وهو رايح جاي و هو بيصلي ويدعيلي ولا لما خرج الدكتور وقال اني بفضل الله ولدت و حالتي الصحيه تمام والبيبي كمان زي الفل
فضل يحضن ف الدكتور ويقوله ي وش السعد
هههههه والله الواد اتجنن هههه
اه اللهم لك الحمد كل مادا حبه فقلبي بيذيد و عشقي  ف قلبه بيتخطا الحدود مسبنيش لحظه وانا تعبانه وفضل يهتم بيا حتي رفض يروح الشركه غير لما اطمن عليااا بيرفض حتي لما بقيت كويسه اني اعمل اكل كان يدخل يدمرلي المطبخ و هو بيعمل بيض بس كان بيعمله بمنتهي الحب و الاهتمام  انا بصلي و دموعي مغرقه وشي لان ربنا عوضني عوض  صبري خير  اصبر وهتشوف قد ايه عوض ربنا اللي بعد الصبر عظيم، وقد ايه جزاء الصبر هيكون دموع الفرح، وقد ايه في النهاية هتحمده وتنزل ساجد بتعيط على كرمه وتعويضه لك عن كل لحظة هم وكرب وصبر وتحمل عدت عليك ♥️

أتى وكأنه شيئًا يعرفني منذ مدَّة، أتى وألقى في قلبي كل هذه الطمأنينة.❤
# حكاوي مي
#للكاتبه مي فتحي
#عاشقه الروايات
شير كتير ورايكم يهمني ي حلوووين 💙💙💙💙💙💙💙💙💙💙💙
وحشتووني اووي