🌿الحلقــــ37ـة القســـ2ـم 🌿
💠✴✴💠
خزرلو الطبيب والتبسيمة مالية فمو موش منجم يخبيها ، حط التصويرة قدامو بعد ماكمل ثبت فيها ...ركز ذراعاتو على الطاولة و شبك صوابعو في بعضهم "قتلي عندك مدة ملي بديت تحس بساقك ؟!"
تنهد أركان وسألو " باش انجم ناقف على ساقي من جديد "
قوس الطبيب حاجبو " مازالت عندنا تراتمونات اخرى و المساجات و..."
قص على حديثو بقلة صبر " علاش تتهرب من سؤالي؟؛...بحالتي توا ...وبالتصويرة ايلي قدامك وبالتراتمون ايلي مواضب عليه...باش ناقف على ساقي والا لا..."
حك الطبيب دڨنونتو " سي اركان...الدنيا موش كن فيكون...مشينا خطوة باهية معاك...مازاللنا خطيوات صغيرة ...وبعد ...نتناقشو ...اذا ترجع تاقف و الا لا ..."
ضرب اطراف الكروسة " طالت المدة ...وانا تعبت من ها الكروسة ...وكلامك هذا مايطمنش"
تبسم الطبيب " مافمة شي يجي من غير تعب "
💠✴✴💠
كان متعدي في الكلوار قاصد قاعة الاجتماعات ، دوسي في يدو اليسار ويدو اليمين في مكتوب سروالو...صوت جري وراه وطالون يطقطق خلاه يدور شطر دورة يشوف شكون..ضحكت ريما وهي تاقف قدامو وتشاورلو بماصو كبير مارون" ماكش باش تصدق انو ايلي نستنو فيه من ايامات ...وصل "
تبسم على جنب وهو يخزرلها بشك " تقليش اوراق جناة !؟ "
حطت ذراعها في ذراعو ودزاتو لتالي "اششش ...ياخا بالساهل هو تحكي بصوت عالي ...الموضوع بيناتنا موش لازم ناز الكل تسمع بيه "
عوج فمو بلامبالاة وخطف من يدها الماصو "ماعنديش الصبر نزيد نستنى باش نعرف راجل جناة ...وبو تولين "
نفخت ريما بعصب " ايلي يشوف ها اللهفة يفهم انو موش جناة ايلي تهمك ..."
خزرلها بشطر عين " تولين ام بنتي ...ماتنساش"
ضيقت عينها" حتى تثبت انها بنتك...وحتى تثبت انو تولين بنت جناة وراجلها"
جاوبها وهو يحل في الماصو" تولين تولدت بعد خمسة شهور من الطلاق ...ظاهرة كي عين الشمس "
غمضت عينها بقلة صبر " فرحان بالحكاية تحسك "
ماكانش هامو نقاشو مع ريما ...على هذاكا ركز بكل حواسو مع الاوراق ايلي بين يديه وطفاها ... الاسم ...كان واضح ...طليق جناة ...كان عبد الجليل بن الرجب ...صوتا راسو وحس بعروقو طول تضرب في نواظرو ...عاود قرى الاسم وثبت فيه ...هاذي لعبة مستحيل تكون حقيقة ،ڨحر لريما " شنوة هذا!؟ "
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Historia Corta★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
