🌿الحلقــ37ـة القســ3ـم 🌿
💠✴✴💠
...ثقلت ساقيها ...ومعادش منجمة تهزهم ...عاودت قرت الورقة ...خزرت على اجنابها تتخبط ...موش عارفة شنوة لازم تعمل ...كانت متوقعة في اي لحظة يجيها خبر من اامحامي يقلها لقيتلك امك وبوك...لكن ماتوقعتش الحقيقة تجيها من احمد ...ويطلع عبد الجليل البو ...وجناة ...الام ...
كبست على جوانب راسها ايلي يسطر بكلو و باش يطير وجيعة... غمضت عينها لثواني واحمد يخزرلها بضياع...تولين ماكانتش تعرف بالحق ...وردة فعلها هاكي هي الدليل ...خزرتلو بعين ضيقة مازال فيها لمعة قاسية
" يعني...انا ...من عايلة بالرجب ...انا ...دمي من دمك انت العافن...انا عندي نفس اادم متاع واحد حيوان كيفك ...وجناة ...خديمة زينب ايلي حبت تقتلني وتقتل صغيري ...امي ...وعبد الجليل ايلي نعيطلو عمي ...بابا ..."ضحكت لين طاح راسها لتالي تقول موش في عقلها " انا تولين بالرجب ..."
كل ايلي قالتو كوم وكلمات ' تقتلني و تقتل صغيري' كوم آخر ...صونو في راسو طول ومانجمش يتعداهم و مايثبتش منها ،لعل سمع بالغالط "جناة...حبت تقتلك وتقل صغيرك...جناة هي ايلي خطفت سيلين ؟! "
مخو طول مشى لحكاية الخطف بحكم في مخو مافمة كان المرة هاكي ايلي بنتو شافت فيها الموت ...خزرتلو خزرة ذابلة ...مافيها حتى مشاعر ...خزرة بلا عنوان ...وبلا روح
" زينب...مرت عمي ...امك..."
ظاهر من ملامح وجهو انو مصدوم " اه...صار هي ماحكاتلكش ...ايه شبيه انا نحكيلك..." كتفت ذراعاتها لصدرها " بعد ماانت نهشت لحمي وخذيت بدني بالسيف عليا ...مشيت لامك...نشكيلها ونحكيلها علي في كرشي لعل تعاوني وهي الكبيرة وتفهم ...تعرف اش عملتليى..."
زمت شفايفها بغل مدفون بين ضلوعها مانجمت تخرجو كان وقتها " شربتني خلطة ....خلاتني ننزف بلا رحمة ...قاصدة تقتل الصغير ...قالتلي انا مانليقش بيك ...ولا نليق نكون ام..."
كلمة وحدة ماقالهاش ...الشي وراء بعضو ...ماخلطتش يتنفس بعد الحقيقة الاولى ...وزادتو ضربة جديدة ...
هزت تولين حاجب بحاجب " مصدوم ...يظهرلي ماكنتش تعرف اه ....هوما خلاصات ... انت عطيتني سر وانا عطيتك سر "
🌿✴✴🌿
عندها شوية اكزامانات تصلح فيهم و ساعة ساعة عينيها تتفقد سيلين ايلي تلعب مع فهمية حذاها ...تعدت تولين كيف العجاجة من قدام الصالة ...لاتلفتت لا يمين ولا يسار ...استغربت من حالتها ...ونبها عقلها انوفمة كارثة صارت...تعرف مليح طبيعة بنتها وتعرف وقت تكون مغششة و الدجاج الاكحل داير بيها ...لمدت الامتحانات في كوم وجرات خالطة عليها ...نادتلها باش توقفها وتخليها تستناها "تولييين ... "
على اول صوت وقفت ...تلفتت وراها وعينيها تڨدح غش ...خلطت عليها نزهة وسألتها بلهفة "شصار في ناز باش روحت تطاير كي الريح حتى بنتك ماسألتش عليها "
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Короткий рассказ★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
