🍓الحلقـــ38ــة القســ1ــم 🍓
✴🌹✴
بعد تولين ...قعدو واقفين ...كل حد يخزر قدامو ...تايه ...وسارح مع اللعبة ايلي لعبتها الدنيا معاهم...خبيلة متاع كذب ...خيوط مشربكة في كبة ضاع عليهم راس فتلتها ...ساعات الكلام ...يزيد العذاب ...وساعات السكوت والوحدة ...يداوو جروح ...تنهد بصوت مسموع وخزرلها على جنب ...وهي بدورها خزرتلو ...تأملها لثواني قبل مايودعها"سامحني نزهة...مخنوق والدنيا تضيق بيا...اول ما تهدى تولين وتشوف انها قابلة تسمعني وتشوفني ...كلمني "
حركت راسها باشارة انها موافقة وتبعتو وهو يبعد...شكون قال ...الزمان باش يلعب لعبتو ...وتواجه حبها لقديم .
ماعندوش بلاصة اخرى يمشيلها ...ولا عندو عايلة يشكيلها ويستناهم ياقفو معاه...ولا معاه اصحاب يسندوه و ياقفو عند ظهرو...عندو كان بيت مظلمة ...قعد فيها أيامات ,ياكل دوبلاش ويشرب مايرويه ...تاليفون بجنبو يستنى في تنوقيزة من عند نزهة والا تولين ...لكن اغلبية ايلي طالبينو ...يا اما خدمة ...يا اما مصالح بعيدة ...وايلي حاجتو بيه ماطلبش .
✴🌹🌹✴
حرك اكتافو بوجيعة سطرت عليه وهو يحل عينو ويخزر بجنبو للبلاصة المفروض تولين تكون فيها ...مالقاهاش...من تلاثة ايام وهي مسكرة على روحها معاه فم...ماتحل الباب كان لبنتها اذا جاتها تلعبها شوية وتبعثها لنزهة والا فهمية والا للفطور باش تدخلو ...باقي الوقت ...ياراقدة...ياسارحة ...ياتبكي ..وكيفها بالضبط كانت حالة اركان ...مايكلمها الا ماتكلمو ...والا يبقى قاعد بجنبها وساكت ...
ركز بذراعاتو هز شوية ظهرو ...بعدها مد يدو لكروستو ايلي جنبو سند بيها روحو باش ينجم يقعد عليها ...قبل مايكمل يركح روحو فوقها ..ضربت في خشمو ريحة جال دوش خفيفة وفينو ...بسهولة نجم يعرف صاحبتها...حس بيها تاقف وراه "صباح النور...كفارة "
حرك عجالي الكروسة باش يدورلها ويقابلها " صباح الفل...كفارة على شنوة؟! "
تنهدت وهي ترجع شعرها المبلول وراها "موش انت كنت في السيلون لتلاثة ايام ...كفارة ...ليوم تنجم تخرج "
فرح قلبو...وفهم من كلامها ونبرة صوتها المرتاحة...انها بدات تتقبل في الحكاية...وانو نجمت تتعدى الصدمة ...وايلي زاد فرحو ...انها تعدتها من غير ما يعاونها حد...غمزها "مالا ...تخلص عليا قهوة "
ضحكت و هبطت على ركايبها قدامو باش تنجم تحكي معاه وهوما فرد نيفو "خليها مرة اخرى ...ليوم لازم تمشي معايا لناز ..."
رمشت جفونو متوتر وهرب بعينيه "موش ليوم "
"مالا وقتاش...الناس يسألو عليك ويعاودو ...وقالو طالما خرج من غيبوبتو وصحتو لاباس ...علاش ماتشدش بلاصتك "
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Short Story★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
