The Sparks of Our Stars (Varsity Boys Series #1)

Chapter 13

Chapter 13

I'm Worried 

Gumawa ng malaking ingay ang Instagram story ni Jasper kagabi sa University. Pag-gising ko ay iyon ang nakita ko sa aking news feed. Kakaunti lamang ang followers ni Jasper sa Instagram kaya alam kong kaunti lamang ang nakakita noon ngunit nakuha pa rin noon na kumalat sa ibat-ibang social media.

"Luh! Kawawa naman si Giselle!" Sabi ni Athena.

Nasa classroom na kami at nagiintay nalang ng professor namin para sa una naming subject. Kanina pa siya nag scroll sa facebook niya at kanina pa rin niya paulit-ulit na sinasabi iyon. Wala naman akong imik at nanatili lamang akong nakikinig sa kaniya.

"Anong kawawa e hindi naman din inamin ni Jasper na sila hindi ba?" Mataray na tugon ni Beatrice sa kaniya, classmate din naming. "Ay true girl! Wala namang confirmation sa 'relasyon' daw nila kaya, walang kasalanan si Jasper." Segunda ni Ferlaine.

Napailing nalang ako sa kanilang pagtatalo. Ano bang mapapala nila kung pagtalunan nila ang tungkol roon? Tsk.

Itinuon ko nalang ang aking atensyon sa pagbabasa ng manga na final season ng Attack on Titan, habang nagiintay sa aming professor.

"E kahit na! Dahil sa hindi niya pag-amin ay umasa si Giselle! Tsk. Mga lalaki nga naman mga paasa!" Hesterya ni Athena na parang siya ang pinaasa. "Ikaw Ryu! Tama naman ako hindi ba? Paasa si Jasper?!" Sumulyap ako sa kaniya nang tawagin niya ang aking pangalan.

"Huh?" Kunwaring hindi ko nadinig ang kaniyang sinabi, "Ang sabi ko ay hindi ba, pagpapa-asa ang ginawa ni Jasper kay Giselle?" Ulit nito.

Sumandal ako sa aking upuan at nagkibit balikat. "Hmm, I don't know. Pero sa tingin ko, hindi naman pagpapa-asa ang hindi pag confirm or pag-deny sa ganong bagay." Sabi ko. "Baka kaya hindi niya dine-ny ay wala lamang iyon sa kaniya at gayun din ang akala ni kay Giselle. Kung umasa si Giselle na wala namang ibinibigay na motibo si Jasper na meron silang, relasyon tingin ko ay kasalanan niya na iyon." Nagkibit balikat ako.

Nakita kong nag-smirk sina Beatrice at Ferlaine kay Athena na ngumuso lamang sa akin. Natawa nalang ako at itinuloy ang pagbabasa.

Hindi ba ay totoo naman iyon? Kung walang sapat na motibong ibinibigay ang isang tao na may gusto ito sa iyo at umasa ka ay ikaw na ang may kasalanan nun. Hindi naman sa ipinagtatanggol ko si Jasper, pero iyon ang aking pananaw.

Hindi rin naman masasabing motibo ang hindi pag-deny roon dahil marami ang ibig sabihin non. Dapat ay tinanong at nilinaw ni Giselle kung may gusto ba si Jasper sa kaniya o wala bago siya mag post ng ganon o umasa.