رجوعا الى سفيان .. وين كان مزال راقد .. حل عينيه على صوت التلفون .. حط يدو على راسو وناض .. سرط الريق نتاعو .. بقى يدور بعينيه عليها ورفد على شوقي الى كان يعيط من الصباح .. وكالي الدنيا .. تمشى من بلاصتو هابط لتحت حاسب انو راهي توجد القهوة
سفيان ( هابط فالدروج ) وي
شوقي (يشوف فالساعة ) راك روططار على بالك وشاف ليوم جا رخسنا
سفيان (دخل للكوزينة مكان حد ) ومممبعد وين الجديد
شوقي ( عينيه توسعو ) كي وين الجديد يالزح من نيتك قتلك لشاف لكبير ليوم جا وزيد عندنا خرجة
سفيان ( تقلق وقت مالقاهاش فالكوزينة رجع طالع للدروج .. ) وين رايحين
شوقي ( كان يقرى فالورق ) خارجين لبرج منايل قالك
سفيان ( طل فالدوش واذ بيه فارغ الزبل طلعلو للراس ) هربت الق***
شوقي ( وقف من مكانو )
سفيان ( ضرب الباب بيدو ) القح** تاع مروة شكون ماغيرها
شوقي ( ح روحو راه يحلم ) وش كانت دير عندك
سفيان ( زير على سنانو ) اسمع نحب ندير بلاغ بلي تسرقت ونديرها هي الى سرقتني
شوقي ( حس روحو خلاص ضيع عقلو ) من نيتك .. انت ضربت الطفلة .. و ( توقف شوي ) تسما كانت عندك .. والقش ليها هذاك
سفيان (عيط عليه ) وقت التحقيق ضرك انت تاني
شوقي ( رجع لبلاصتو ومسح على جبهتو ) صاي فهمتك
سفيان ( مسح على رقبتو ) مسافة الطريق ونكون عندك صحا
شوقي ( خذى نفس طويل ) اوكي
في ذاك الوقت سفيان ..كان قالب الدنيااا عليهاا يتهدد عليهااا ..والفهاا وكان يروح للبار باه يشوفهاا ..حتى ولو ماكان معترف لروحو ..عمل هكاكااا وطلب من مروان يطردهاا لانها مش وجه هاذيك البلاصة ...يارب وين راهي ..ويقول واش دخلني في جدهاا الهم راهي قودت علياااا وخلاص لاول مرة مكانش عارف روحو وش حابب صح .. حابب يذلها ولا لقى راحة غريبة في قربها
..فات شهر تبدلو صوالح بزاف فيه مثلا مروة بدات توجد للباك نتعاهااا صحح هي غلطت وقت خرجت من الدار ولكن الحاجة لوحيدة الى حبت تحكم فيها هي القراية هاذي كانت ذكية وهي وقت بدات تخدم عد مروان طلبت منو انو ينقللها الدوسي ولانو معارفو بزاف قد ينقل دوسي تاعها لمكان اخر
ولكان تسالو على والديها هوما اصلا رحلو من الدوار هذاك .. خافو من الهدرة الى رح تاكل وجهم رجوعا ليها الى كانت تراجع صباح وتعمل مجهود كبير وفي اليل تروح ترقص في بار وكيف العادة ترقص سيد سيدهم
ولكن كاين طرف مكانش حابب ينساها ولا يعفها في حياتها هذا الى كان حاطط عليها سفيان داير عليها العسة حط صورهاا في كل بلاصة ومش فاهم روحو علاش يدير هكاااا... بلاك عجباتو لتمضية الوقت فقط برك ولا اش بيه ...
أنت تقرأ
راقصة في عهدة ظابط / الكاتبة منال منولة
Romanceعندما تلقيك الحياة بقوة .. فترتطم على الأرض وفي تلك اللحظة لن تجد الا الذئاب التى لن تقصر في نهش لحمك دون رحمة اما هي كانت صغيرة للغاية عندما حدث ما حدث كانت مراهقة حلمها قطرة حب كانت لا تعرف اي شء وعندما وقعت في الخطيئة خافت وركضت ولكنها أضاعت طري...
