သူငယ်ချင်းIdol💚❤️

25

xxxနယ်ကနဲနဲခေါင်တဲ့နေရာဖြစ်လို့ ဟိုတယ်အကောင်းစားကြီးတွေမရှိပဲ guest house သာရှိသည်.... အနုပညာရှင်တွေက ဆယ်လောက်လောက်ရှိပေမဲ့ သူတို့အတွက်သီးသန့်ဘန်ဂလိုတွေပေးထားပြီး ပါလာတဲ့ assistant တွေနဲ့ ဆေးဘက်ဆိုင်ရာဆရာဝန်တွေ နာ့စ်တွေကိုတော့ နှစ်ထပ်ဆောင် သုံးထပ်ဆောင်တွေမှာ နှစ်ယောက်ခန်း သုံးယောက်ခန်းတွေ စီစဉ်ပေးထားသည်...၊

"ရှောင်းကျန့် မင်းငါတို့နဲ့စုနေလို့ရလား မတွေ့တာလဲကြာပြီဆိုတော့ စကားလေးဘာလေးပြောရအောင်လေ ငါနာမည်စာရင်းလဲပေးခဲ့ပြီ"

အားလုံးကလုပ်အားပေးလာကြတာဆိုတော့ ပုဂ္ဂလိကဆေးရုံတွေ အစိုးရဆေးရုံတွေခွဲခြားမနေနဲ့ အဆင်ပြေတဲ့လူနဲ့တွဲနေခွင့်ရှိတာမို့ အဓိကကနာမည်စာရင်းပေးထားရုံပင်။ ရိထျန်ကလဲ ချောင်ကွမ်းကခေါ်ထားတာမို့အတူတူနေရမည်ဟုပြောထားသောကြောင့် တခြားလူတွေထက်စာရင် ကိုယ့်အကြောင်းသိတဲ့ သူငယ်ချင်းတွေနဲ့နေရတာလဲကောင်းတယ်ဟု ရှောင်းကျန့်မှတ်ယူပြီး အတူတူ​နေရန် လက်ခံလိုက်သည်....

"အင်း ရတယ်လေ မင်းတို့နှစ်ယောက်ထဲကငါနဲ့ဘယ်သူနေမှာလဲ ယွီပင်း"
"ကျန်းချန်နဲ့နေလိုက်လေ ငါနဲ့အဲလစ်နဲ့က တစ်ခန်းနေမယ် အခန်းကဘေးချင်းကပ်ပဲ ညဘက်တွေ သောက်ရင်းစကားပြောကြတာပေါ့
"အေး ကောင်းတယ်"

"ဒါဆို ရှောင်းအထုတ်တွေ ကျွန်တော့်ကိုပေးလေ အခန်းထဲဝိုင်းထည့်ပေးမယ်"
"အာ ရပါတယ် အဲလစ်ရဲ့ ကျွန်တော်သယ်နိုင်ပါတယ်"

"ပေးလိုက်ရှောင်းကျန့်ရေ အဲကောင်က သူများဆိုသိပ်ကူညီချင်တာ အချင်းချင်းတွေတော့မပါဘူး"
"ဟိတ်ကောင်ယွီပင်း ရှောင်း တမျိုးထင်သွားပါအုံးမယ်မင်းကလဲ"
"မထင်ပါဘူးအဲလစ်ရယ် အချင်းချင်းစနောက်တာပဲ"

အဲလစ်ကရှောင်းကျန့်အထုတ်တွေဆွဲလို့ အခန်းထဲကိုအရင်ဝင်သွားပြီး နောက်မှာ ရှောင်းကျန့်ကလိုက်ဝင်ရသလို ကျန်းချန်ကတော့ တစ်ဖက်အခန်းကသူ့အထုတ်တွေပြန်ယူသည်...၊

.....

ရိပေါ်ကိုပေးထားတဲ့ဘန်ဂလိုကိုရောက်တာနဲ့ ရေချိုးပြီး ကုတင်ပေါ်မှာခဏနားနေသည်...ဒီရက်ထဲရိုက်ကွင်းတွေဆက်နေလို့ပင်ပန်းနေတာကြောင့် အချိန်လေးရလို့အိပ်မလို့လုပ်နေတုန်း မက်ဆေ့တစ်ခုဝင်လာတာကြောင့် ဘေးကဖုန်းကိုလှမိးယူကာ ကြည့်လိုက်တော့ ဒေါက်တာရိထျန်ဆီမှဖြစ်နေသည်....ဒေါက်တာရိထျန်ကလဲ ရှောင်းကျန့်အကြောင်းပဲပြောမှာဖြစ်တာကြောင့် ရိပေါ်ချက်ချင်းပဲဖွင့်ကြည့်လိုက်သည်...