عندما تعشق الملاك. (بقلم هاله ابراهيم)

الفصل الثاني

عند ملاك

عندما فتحت باب المنزل

فرح : لوكاااااااااا ثم عانقتها وحشتينى

ملاك : وانتى اكتر والله ياحبيبتى عامله اى النهاردة واخبار الجامعه اى

فرح : زى الفل ولا اى كمان المزز هناك اى مقولكيش

ملاك : يابنتى انظبتى بقا وركزى فى دراستك بلا مزز بلا بتاع احنا ناقصين عقد مش كفايه انا بس على العموم ربنا يوفقك ياقلبى اه صحيح أمال بابا فين

فرح : فى اوضته

ملاك : اكل واخد الدوا بتاعه ولا كالعادة

فرح : كالعادة طبعا دة بااباا مع أن انا اتحايلت عليه كتير انا والدادا وبرضوا مرضيش

ملاك بوعيد زائف : طييب هو اللى جابه لنفسه

فرح : ربنا معاكى ياوحش هههههههههههه

ملاك : يادادا يادادا

الدادا روز : أيوة ياملوكه
( الدادا روز بتعتبر ملاك بنتها لأنها هى اللى ربتها من صغرها هى وفرح علشان كدة ملاك بتعتبرها فى مكانه والدتها )

ملاك : معلش يادادا هتعبك معايا لو سمحتى ممكن تحضرى الاكل لبابا وتجيبيه على اوضته ورايا

روز : حاضر ياروحى ولاتعب ولا حاجه

ملاك : ميرسى يادادا ربنا ميحرمنيش منك ابدا
ثم ذهبت لغرفه والدها العنيد كما تسميه

نق نق نق .....

جاسر : ادخل

ملاك : بابا حبيبى اللى مغلبنى وتاعبنى

جاسر : دة انا برضوا يابنتى دة انا مش بشوفك خالص غير على العشا وكمان مش كل يوم يبقى مين إلى تاعب مين

ملاك : يابابا ياحبيبى هو انا ببقى فاضيه اصلا م انت عارف ان كل يوم شغل وصفقات وتعاقدات ومناقصات وبلاوى هو انا برضوا اللى هقولك الشغل ماشى ازاى وانت زين العارفين

جاسر:  ياحبيبتى انتى عارفه ان احنا الحمد لله عندنا فلوس تكفينا وتكفى اجيال من العيله جايه ف يبقى ليه بقا كدة كل دة وبصراحه بقا أنا كنت عايزك فى موضوع

ملاك : مفيش مواضيع ولا كلام قبل الكل والدوا

جاسر : بس ......

ملاك : ولا بس ولا حاجه الاكل والدوا الاول مفهوم

جاسر : مفهوم ياماما ملاك وهشرب اللبن كمان قبل ما انام اى أوامر تانيه

ملاك بضحك : ههههههههه لا لحد كدة وشطور هجيبلك شوكولاته بكرا وانا جايه ابسط ياعم

جاسر بغيظ : لا والله هو مين ابو مين يابنت انتى

ملاك : انت طبعا ياحبيبى ربنا ما يحرمنيش منك ابدا ويطول فى عمرك ياأحلى جسورة فى الدنيا