هل احببتكي ؟

part1

السلام عليكم واهلا بكم بالبارت الاول من قصتنه الحلوه هل احببتكي !

نور :
كعدت الصبح اليوم اول يوم اليه بالدوام خلصت عطلة نصف السنه شكد الدوام مزعج اكره واكره كعدت الصبح بس لخاطر بابا اتحمل كعدت سبحت وكعدت زينب زينب تنام يمي بالغرفه وصديقتي المقربه كلش كلش اعتبره اختي وحتى هي تعتبرني اخته احنه بيت جدي ساكنين كلنه سوه لان جدي ميقبل نطلع وهو بيته جبير البنات كل ثنين بغرفه والولد المامتزوجين كل ثنين بغرفه والي يريد يتجزوج يفتحوله غرفه بعد مايتم سلب احد غرف البنات المهم بدلت ملابس المدرسه ونزلت اركض ميته جوع كعدت اكل وامي تنك فوك راسي
ام نور: يمه سوي رجيم ليش هيج جسمج وبعدج صغيره
نور: مااريد احرم نفسي العزيزه من شيء
ام نور: ولج تعنسين على كلبي
نور: بعد احسن
ام نور :ولا يفيد الحجي
الجده: عوفيه شجاج خلي تاكل البنت حلاته بسمنه اشو تخبل
نور: فديت هالحلك هذه تعلمي يمه تعلمي
ام نور: عابت الج غير لمصلحتج اكلي اكلي وصيري اعرض من الباب شعليه بيج
نور: يله تأخرنه وين البنات
سمر: اني مااروح
نور :يايوم رحتي عاد بطلي وخلصينه
سمر: وشعليج انتي
نور :اليه لان انتي تتهربين من الدوام والي يصادق هدى شيحصل بلة خليج
زينب: يلة كملنه
نور: يلة
طلعنه راح يوصلنه مجتبى دوم الصبح يوصلنه ويطلع لشغلة وبالرجعه لو نرجع مشي لو يمر مصطفى او مرتضى علينه على الرغم المدرسه قريبه
في _المدرسه
وصلنه وجان اصطفاف ماشفت قمر قمر هم صديقتي العزيزه اموت عليه على الرغم من احفاد سالم وهم ميطيقونه بس احبه
قمر :شبيه الحلو صافن
نور: قموره جنت ادور عليج شونج
قمر: الحمد لله انت شلونج شلونه خالي
نور: الحمد لله
قمر :اكول باجر عيد ميلاد اختي وكالتلي عزمي نور وزينب وسمر تجن؟
نور: ماادري اشوف بابا وماما
زينب: مااتصور ابويه يقبل
قمر: وين رايحات تره بيت عمتجن وهم اولا عم
نور: مدري نشوف ونخابرج
قمر: يلة نحضر الدروس حضرنه الدروس وبنين جانت ويانه هم بس هدى مامداومه خلصنه دوام واجه عليهن الخط وراحن واحنه نتاني مرتضى خابرته وكال مااكدر تالي رجعنه نمشي طبعا بيت الجد سالم قبلنه بشارع فنمر عليهم جنه نمشي وزينب كالت
زينب: ولج نويره هذه مو ابن عمتنه مؤمن
نور: وين
زينب: هذاك الي واكف يم السيارة ويه سجاد
نور: اي يمكن هو
زينب: اويلي يخبل شهالجمال
نور: تره شكله عادي
زينب: طيري انتي ام العادي يخبل فدوه
نور: اكول امشي وسكتي كتلني الحر لسبالي الجو بارد ولبست شتوي
زينب: يلة يلة بس خلي احول للجه الثانية حتى اصير من جهته من اتعدى يمهم
نور: وشيفرق خبلة انتي ؟
زينب: اشكتي بلة شتفتهمين انتي
نور: مشينه وصلنه قريب عليهم وعبرناهم صاح سجاد: نور نور
نور: نعم
سجاد: شجاج ماشفتيني شلونج يابة عاد سلمي بس
نور: الحمد لله اسفه منتبهت دايخه
سجاد: شلونج زينب ليش راجعات مشي
نور: مجتبى ومرتضى عدهم شغل وماكدرو يرجعونه
سجاد: لو مخابراتني جنت فارغ ارجعجن
نور: لا تسلم خويه متقصر
وهذا مؤمن لاسلم ولا احنه سلمنه بس زينب فضحتنه صافنه بخلقته واكرص بيه وهي ماكو متحس وهو واكف يباوع لموبايله ومرات لسجاد وشويه علينه بس مغرور بالجذب ماسلم علينه واحنه بنات عمته سجاد احسن منه ماقبل نرجع مشي وسلم الا هو حايط واكف بهالاثناء طلع سامر اكثر شخص اكره بحياتي قليل ادب وعينه زايغه على الرغم متزوج بس عينه زايغه ودوم يذب حجي عليه من شافني فك حلكه بضحكه مقززه مثل شكله
سامر: نويره هنا اكول الشارع منور
نور: مو اني منورته منورته ست الحسن الشمس الي فوك راسك وسامطتنه سمط
سامر :هههههه والله تضحكين شلونج كلبي
نور: مو زينه بشوفتك خويه يلة احنه لازم نروح
سامر:ههه اوكفن اني اوصلجن
نور :لا مشكور
سامر: لا والله اني اوصلجن ميصير هسه اجيب سويج السيارة واجي
نور: كلت منريد
سجاد :لاتلح سامر هن يردن يتمشن
سامر :مالك علاقه سجاد عاجبني اوصلهن
مؤمن: بصفتك شنو ؟
نور: حجه التحفه واخيرا اتصورت ماعنده لسان ههههه
مؤمن: اني اتعقد من سامر لان مامتربي زين وعينه زايغه حته على خواتنه بالبيت وهن هم يكرهن بحيث من يجي يطافرن وفوكاه نظراته لهاي نور اكلته اكل وهي ماشاء الله سمينه ولابسه مخصر كتله _شو سكتت سامر
سامر: غير اني خوش رجال ومااريد حريم تمشي بوحده حتى لو ميرجعلي اشوف الي يقربلهن ماهزته رجولته عليهن
مؤمن: اوزن كلامك سامر محد كلك اطفر بالنص وبنات خوالي مالك علاقه بيهن فتهمت ويه توكل (بالكوه لازم نفسي ماافلش وجه )
سجاد: يلة توكل سامر اني اوصلهن
سامر: وليش بوية شنفرق اني وانت اشو هم ميعودلك مثلي
نور: اهووو عودلك ويعودلي كافي مليت ونفختولي راسي اولي لبيتي احسن اكو احد عتب عليكم توصلونه لاتصيرون محافظين بروسنه يلة زينب ساعة الكشرة مرينه منا
سحلت زينب ومشيت ورحت للبيت وهم يصيحون ورانه وصلنه للبيت ودخلت مشعوطه
شافتني جدتي
الجده :شبيج منفوخه عصبيه
نور: مابيه
جده: لا بيج وجهج احمر ومفولة
نور: اي طبعا افول ليش مترديني افول متشعوطه من احفاد سويلم
جده: شبيج فضحتينه شبيهم
نور: الي بيهم صايرين زلم بروسنه هذه يصيح اوصله وهذه لا وابن عمتي مثل الصنم واكف ويتكافشون المن نعود اكثر والشمس سمطتنه ومن تعاركت وعفتهم ولا واحد لحكنه ووصلنه طبو لبيوتهم هم هم عدهم غيره هذول اني عندي غيرة اكثر منهم
جده: عزه ولج فضحتينه صوتج نصيه
مؤمن: لا جده عوفيه عوفيه منو المو زلم زعطوطه بكدج تحجي حجي اكبر من راسه لازم يتكسر راسج لان مبين مامترباية
نور :جمدت بدمي هذه منين طلع صح دانتكافش بالطرما بس شلون دخل بدون مايدك الباب درت وجهي وشفته قابض ايديه وعيونه تطلع شرار بده يكفشني بس قويت نفسي كلت لازم اصده واحسسه بغلطه كتله _ جنت احجي عليك بدال ما تكعد تعارك سامر وتحاججه منو اقرب النه جان فضيت السالفه وصلتنه اشو سامر كرايبنه من بعيد ماهانت عليه نمشي وانت حضرتك واكف ولا مهتم من كال اوصلكم حسيت اصلا هاي اذا حسيت كل همك ترزل سامر مو بحالنه
مؤمن: انتي ولج شهالسان هذه وشهالصوت احترمي نفسج مو زعطوط كدامج ومعليه صوتج عليه والله اكسرج واعيد تربيتج ومايهمني اي احد
نور: مو تايهتلك اني هههه يكسرني عمي منتهى الي عمرة ١٠ سنوات شايل غيرة اكثر منكم
مؤمن: شططت من كلامه هديت عليه _كلبه حماره بنت القندرة تعالي اعلمج منو ماعنده غيرة ردت اسحله وصارت بالنص الجده
جده: يمه فدوه اروحلك جاهله متفهم وانت عاقل هدي لخاطري وخاطر شيباتي
نور: من هجم عليه واني العلع اي مو هي بالضرب الرجولة كلكم هيج همجين ومتخلفين وزينب تسوحل بيه وطلعت امي هم ونسوان عمي سحلونه وهذاك كامشه بيه بيبيتي متخلي يدخل
مؤمن :عوفيني جده اربيه مامترباية بعدي عني جده
جده :وداعتك بس يجي موسى اكله علية ويربيه بس هدي لخاطري
مؤمن: خلص جده هديت عوفيني اريد اطلع
جده: امسحه بوجهي يمه والله هي مو قاصده طفلة
مؤمن: طفلتيش شكبره شطوله متفهم لا هاي واكفه كولي مامترباية يمرت خالي التربية مو بس تنطون خبز ربوه تحترم الجبير اني مو بكده وتطاول عليه زعطوطه مثله
ام نور: والله اسفه ابني امسحه بوجهي ماادري شبيه تخبلت
مؤمن: عفتهم وطلعت وعصبيتي فول هاي الصلفه تتجاوز عليه رجعت لبيتنه واني شايط ياهو يصير كدامي اتكافش وياه
نور طبيت لغرفتي بدلت بس ميته عصبيه وزينب يمي هي وسحر يهدن بيه واني ادردم _صايرلي بيه حظ وشايل غيره من كله سامر انزعج كون منعودله هو هذا هم محسوب ابن عمه عابت اله ولشكله مغرور غثيث
زينب ولج صوتج فضحتينه راح يصعد يدكج على التلعلع مالتج
نور :والله لو يدنه يمي لامسح الكاع بيه لسه ماشاف نويره شتسوي
سمر: ولج مفضوحه تمسحين الكاع بمنو ولج مؤمن يذبحج ومحد يسأل عليج
نور :طيري انتي ويا
زينب :اذا دره جدي موسى يعصب عليج
نور: ميهمني اني متحملة علية نسيتي من نريد قمر تجينه ميقبل ويمنعه لو مره كايليه لاتصادقين نور وسمر خفيفات اني يكول علية خفيفه والله لاراويه النجوم الظهر
سمر: هاي هيج حاجي عليه عزه بعينه
نور :واكثر واكثثر بس اني اله خنشوف عمتي وياه بهاي السالفة
زينب: شراح تسوين ولج
نور: كولي شنو مااسوي والله كلبي فول منه وهسه طلعن بره اريد ابدل بدلت وتمددت ونمت لحد العصر
زينب: ولج كعدي انحرك فلمج اكعدي ولج
نور :شكو ولي
زينب :ولج اليوم تنذبحين اكعدي
نور فزيت وكتله شكو موتيني احجي
زينب: جديتي كالت الي سويتيه لجدي
نور :شنو صدك عود
زينب :اي والله هسه سمعتهم كاعدين بالديوان
نور: لا يحظي فضحتني سعديه وخانتني
زينب :كومي غسلي ونزلي اكيد هسه يريدج
نور: كايمه كايمه والله موسى شكله ميعديه هالمرة شورط لساني وفلت
زينب: كومي ميفيد ندب الحظ
نور: نزلنه اني وزينب وجان طالع جدي وجديتي ستوهم من الديوان وجدي مفول عصبيه يلهوي يلهوي وين انطي وجهي وين كل من وره لساني شافني وصاح
الجد: نور وراي للديوان بسرعه (بصياح)
نور :حاضر رحت وراه ودخلنه اول مدخلنه ركعني براجدي احس اذني صوفرت وكعت بالكاع راجديات موسى قوية كلش ومحد خبره بيهن غيري بس نقهرت حيل عمود هالمطي مؤمن الحقير والله لنتقم منك نزلت دموعي ونهضت وكفت كبالة
الجد: ولج متوبين من طولت السان هسه ولد عمج وكلنه ميخالف ميانه وياهم تجين تغلطين على مؤمن ابن عمتج وفوكاه شيخ يسوه راسج
شهالتصرفات هاي
نور :جدي انت بس تظلمني وماسامع مني
الجد: شسمع يالعايقه شسمع ليش شمبقيه وكايلته شلون تكوليلة انت مو رجال ولج وين انطي وجهي من سالم ومؤمن اذا شافوني والله حفيدتي تجاوزت وشكللهم طفله اشو بكد البغل شطولج اشسمنج ومخ ماكو
نور: ساكته وماحجيت وهو انهد بيه فرد هده
الجد: سمعي نويره اني منطيج مجال كون ابني ماعنده غيرج ويعزج ولخاطر هادي متحمل بس بعد تصرفج هذه تتحملين عواقبه انتي هسه تصعدين للغرفة وتجيبين موبايلج محرومه منه والحاسبه هم ومااشوفج بالبيت تفترين من المدرسه للغرفة حتى للسفرة متنزلين فتهمتي تنحبسين بغرفتج وطلعه ماكو لمن اقرر اني يله ولي من وجهي