Nang mapasama ako sa barkadang mga gwapo
Di ko namalayan aking pagbabago
Dating malungkutin, ngayo’y masiyahin
Di na rin ako masyadong mahiyain
Barkada nami’y puno ng kalokohan
Na nagiging pundasyon ng matibay naming samahan
Kung gusto mo sumama di ka mahihirapan
Pagkat sa samahan, bawal lang ay plastikan
Dumating ang araw, biglang nagkatampuhan
Labasan ng hinanakit, hampasan ng unan
Di rin naiwasang magkasulutan
Ngunit dahil magkakaibigan, natutong magpatawaran
Problema man sa barkada’y di maiwasan
Kasiyahan naman nami’y walang katapusan
Kaya barkada nami’y wag huhusgahan
Kahit meron ka pang sapat na pinag-aralan
Handa ‘kong utangin ang bawat minuto
Basta’t kapalit nito’y makasama ko kayo
Samahan ng barkada’y wala sanang hangganan
Pagkat tanging kayo lang ang aking kayamanan.
