نور والملازم زين🖤

البارت الاول وتعريف الشخصيات

أذا أحب الرجل امرأه ،، ماتت جميع النساء
في عينيه ،، ليومين او ثلاثه فقط .
.........................................

زينب: ولج نور والله يحبج والقران شبيج
نور: اي وذا يحبني اني مراهقه ويجوز اذا هسه احبه بعد سنه اكوم احب غيره
وبعدين اني ماحب ذني السوالف فدوه احجي ويه زين كوليله خلي يوخر نوبه احد يشوفه وعبالهم عدي شي وياا (زين هوه بطل القصه حتتعرفون  عليه بلبارت الجاي)
زينب: جذابه اصلا اتي تموتين عليه لو متحبي مجان ضجتي من شفتي يضحك ويه لمى(لمى وحده تحب تضحك ع الولد)
نور: اي لان اعزه لزين كولش واخاف لتروح لمى تسويله تهمه
زينب: هااا شفتي؟ اتي كلتي اعزه واعزه يعني احبه تنجبين وتسكتين عبالك ماعرفها اني
نور: دكافي نجبي خلي نكوم نروح للحانوت نزقنب مو متتت جوع

هلاوو حبايب خلي اعرفكم ع نفسي اني نور عمري16سنه رابع عدادي بنسبه لشكلي جسمي عادي بس عدي خصرر يابه منحوت نحت وعيوني كبار رموشي طوال اما بنسبه لطولي فه اني طولي 160يعني زين موالم عمري اما لون بشرتي فه اني حنطاويه ع حمار(حمار يعني مو مطي😂😂لا قصدي احمر وجها وكي😂)
اني من سكنه كربلاء عدي عائلتي متكونه من ابويه رجال فقير كاف خيره شره ماله دخل باحد امي تحب الطبخ كولش يعني اذا ضيعنه امي نلكاهه بلمطبخ😂
عدي اخويه الجبير 1980 واني الثانيه1995 بس احنا الثنين لاهلنا يعني عائلتي هادئه كول واحد كاعد ويه نفسه هسه تكولون شون عائله منعزلين اكولكم لا مو منعزلين بس مو هوسه طبه وطلعه كل واحد لازم شغله وكاعد او تلفون او دراسه وهاي حجيتلكم عني

...................................

هلاوو اني زينب صديقه نور احنا صديقات من الابتدائيه ومدرستنا بيها متوسطه فه ضلينا سوه اني عمري 16 سنه هسه  تكولون  شون صديقه نور من الابتدائيه وتي اكبر منها اني من جنت بلبتدائيه جنت ثاني بتدائي جان ماعدي صديقات فه جنت كاعده بلكاع يم الصف مالتي فه من بعيد شفت بنيه كصيره كولش عبالك عمرها خمس سنوات😂فحطانه من اابجي رحتلها ركضت كتلها اتي شنو شبيج ليش تبجين كامت تمسح دموعها من وجها وتكول امي راحت وعافتني كتلها اي عادي حبيبتي هاي مدرسه ميصير تبقه ماما يمج هسه اني هم ابويه يجيبني هنا ويروح اني مابجي عليه تعاي خلي اغسلج اني طويله يعني جنت ماخذه عمري ليكدام وعقلي هم مال كبار يعني مو مال ثاني بتدائي ولساني طلق اخذتها غسلتها وطيتها كلينس يربي شكدوتها ويدها كولش صغيره😂 كتلها اتي شنو اسمج كالت اسمي ن ن نور بعدها الشهكه مال البجي ماراحت منها😂
بستها وخذتها من ايدها وكتلها وينه صفج اشرت ابصبعها كالت ذاك وديتها للصف وكتلها اسمي وياصف ودليتها صفي خاف تحتاج مني شغله اني جنت احب الجهال لان عدي بس اخو واحد وجبير واني ماعدي احد فه بساع حبيتها وعتبرتها اختي ومن هذاك الليوم هيه كامت تجيني للصف لو اني اروحلها ونضل نضحك ونلعب بساحه وصرنا كولش صديقات روح بروح صرنه وحده تخاف ع الثانيه وهيج اني تعرفت ع نوره👆
خلي اوصفلكم شكلي وشويه عن
عائلتي اني مواليد1994 طويله وضخمه
يعني جنت ماخذه عمري ليكدام محد
يصدك من امي جانت تكولهم هاي زينب بثاني بتدائي عبالك بلخامس
لون بشرتي بيضه اما عائلتي فهيه متكونه من ابويه لواء.....
وامي ربه بيت تحب قرائه القران كولش
ومعليها باحد وعدي اخويه زين مواليد93 طويل ضخم هم مثلي ماخذ عمره ليكدام اسمر عيونه ناعسه عسليات
حلمه يصير ضابط زين يحب نور بس نور دائما ترزله بشارع ويضوج ويعصب ويرجع للبيت يطلع حرگته بيه اوفف يازين ونور
هاي صورتي👇

خلي نعرفكم  ع  زين و وسيف
سيف اخو نور
هلاو اني زين عمري25اني  جان حلمي اكون ضابط والحمدالله درست وتخرجت
ودخلت كليه ضباط والحمدالله صرت ضابط اني من اني وعمري20 او19 ابويه ماكدر يروح يجيب زينب من المدرسه فه خابرني كلي روح اجيب اختك بابه من المدرسه رحتلها واني واكف يم السياره وجان اشوف زينب تطلع وجان تطلع وياهه بنيه ناعمه كولش يربي عيوني لزكن عليها اريد اشيل عيوني ماكدر وجان هذه اول لقاء الي ويه نور طبعا نور كولش حلوه بس اذا بس تفتح حلكها تخرب كول شكلها يربي مو لسان عبالك رشاشه اذا تحجي بعد متسكت
هنا جان عمري 19هستوني مرحله اولى كوليه ضباط وهاي صورتي👇

هلاوو اني سيف اخو نور
اني شاب رياضي وكابت مال قاعه مال حديد ميهمني البنات شكلي طويل جسمي رياضي ابيض وعيوني زرك
ممكمل دراسه ثالث متوسط وبطلت اموت من المدرسه جنت كول يوميه امي جانت تعلسني لان ارسب😂😂 اخير شي كلتلي اذا طلعت من الثالث ابطلك واني كيفت وهمزين نجحت من الثالث ورحت ويه صديقي اتمرن الكابت ماال القاعه شافني نشيط  اختارني اني اسوي الكورسات وصرت هسه كابتن وهاي صورتي👇

يتبع....

حبايبي هذه بارت تعريف للشخصيات
وهسه صرتو تعرفون كول الشخصيات

نلتقي ابارت جديد باي💋