Dil Ke Jazbaat

PEHLA PYAAR..

Pehla pyar..

Dil ke darwaze pe ek dastak hui,
Jb nazar hamari ek tasveer pr gyi,
Na jaane kya hulchul hui,
Vo man mera machal gya,
Jo tehra tha barso se vo samandar baras gya,
Jo uljhi thi paheliyon me,
Baaten sab sulajh gyi,
Ek jhatke me jaise zindagi badal gyi..

Manga tha duaaon me shayad vo lamha tha,
Jb pehli baar kisi ki baaton ne dil ko chua tha,
Ek anjani dastan jo ek raat me apni ban gyi,
Jiske khwabon se  duniya si saj gyi,
Leher udhar bhi itni hi uthi thi,
Dhuaa bhi tha ek sa,
Jb do ajnabiyon ne sunaya tha apna kissa..

Kissey hue, baaten hui, hui kai guftagu,
Ek raat beet gyi or aap ban gye humari justju,
Jo kbhi socha bhi na tha,
Jiska khwaab pura kiya bhi na tha,
Jisey dil me laye bhi na the,
Vo halat kuch apne aap hi ban gye,
Aap humare Or hum aapke ho gye..

Jis rishte se sirf bhaagna seekha tha,
Aaj usi ke beech aa khade hue h,
Aage andhera lg ra tha jis raste pe,
Aapke saath ujala dhoondne lage h,
Jis dil ko samjha ke rkha tha,
Ab usi ko manane lge h,
Haan hum aap pr marne lge h,
Naye aasman me udne lage h,
Hum bhi pyar krne lage hai..

Milkar aapse pehli baar dil itna bechain hua,
Ki judai ka vo lamha humse na sehen hua,
Har pal aapki yaad aayi,
Har pal me aapka khwaab,
Kya bataen kese kat ta h humara waqt,
Rehta h har pal apka armaan..

Aapka gussa, aapki hasi, apki baaten, or aapki zidd sab hume chahiye,
Ya to yun kahe ki aapka har jazbaat sirf hume chahiye,
Aapko baatna ab manzoor na ho payega,
Ki ab to apke saath hi  humara lamha jayega..

Author's note
Just a try I gave to my words.. May you guys like it,, please comment your views and give your votes..

And yeah the next story is ready, soon I'll upload it's first part. So stay tuned for new Mishbir story..
See you soon..