Unicode
စတိုခန်းထဲကနေ ဂျီမင်း အိပ်ချင်မူးတူးနှင့်ထွက်လာတာကြောင့် တံခါးကိုမမြင်ဘဲတိုက်မိ၏။
" အော် ... ဒီတံခါး ရှုပ်ရှုပ်ရှပ်ရှပ် လမ်းလယ်ခေါင်မှာ လာနေနေပါလား ''
သူတိုက်မိသည်ကို အပြစ်မဆိုဘဲ သက်မဲ့ဖြစ်သော တံခါးအား အပြစ်တင်နေသည်။
ဆရာ့နားနေခန်း သူ့စားပွဲနားအား ကုန်းရုန်းသွားကာ ဖုန်းနှင့်ပိုက်ဆံအိတ်ယူ၍ အိမ်သို့ပြန်လာခဲ့သည်။
" အို ဖုန်းတွေအများကြီးခေါ်ထားတာပဲ။ ဘယ်သူလဲမသိ? ''
အမည်မသိသော ဖုန်းနံပါတ်အား ကောက်ခေါ်၍ ဂျီမင်းခေါင်းခြောက်အောင် သုတ်နေလိုက်၏။
ခေါ်လိုက်သည်နှင့် ချက်ချင်းတန်းဝင်သွားသော ဖုန်းနှင့် '' ဟယ်လို '' ဟုပြောလာသော အမျိုးသမီးအသံ။
" ဟယ်လို ဖုန်းအများကြီးခေါ်ထားတာတွေ့လို့။ ဘယ်သူလဲမသိ? ''
" တို့ ဘတ်ယောင်းဂျယ်လေ ''
" ဘတ်ယောင်းဂျယ်? "
အချိန်အနည်းငယ်ပေးကာ သူစဥ်းစားနေရ၏။ ဘတ်ယောင်းဂျယ်? ဘတ်ယောင်းဂျယ်? ဘယ်သူလဲ သူမက? ။
" ဂျီမင်းနဲ့ လေးနှစ်တာတွဲခဲ့ဖူးတဲ့ ရည်းစားဟောင်းလေ ''
ဟမ်?။
ဘတ်- ဘတ်ယောင်းဂျယ်! ။
တတီတီ! ကျသွားသောဖုန်းကို သူမတုန်မလှုပ် ဆက်ကိုင်ထားဆဲ... ။
ဘတ်ယောင်းဂျယ်! သူမ ပြန်လာပြီပေါ့။
ဘတ်ယောင်းဂျယ်မှာ သူ၏လေးနှစ်တာတွဲခဲ့ဖူးသော သူ၏ ရည်းစားဟောင်းတစ်ယောက်။
" မင် ... ယောင်းဂျယ်တို့ လမ်းခွဲရအောင် ''
ယောင်းဂျယ်က သူ့အား ကော်ဖီဆိုင်လည်းမဟုတ်ပါဘဲ ပန်းခြံတစ်နေရာတွင် ချိန်းရခြင်းက ထိုစကားပြောဖို့အတွက်တဲ့လား။
ဒီနေ့မှ သူ့ကြိုက်တဲ့ အဝါရောင်ဂါဝန်အရှည်ကို အဝါရောင်ဒေါက်ဖိနပ်ပုလေးနှင့် တွဲဖက်ကာ ဆံပင်အမြင့်စီး၍ သူ့ဆီလျှောက်လှမ်းလာတဲ့ပုံရိပ်ကို ဂျီမင်းငေးကြည့်လို့မှမဆုံးသေး သူမ ထိုစကားပြောလာသည်။
ŞİMDİ OKUDUĞUN
𝗕𝗮𝗱 𝗕𝗼𝘆'𝘀 𝗧𝗲𝗮𝗰𝗵𝗲𝗿 (Complete)
Romantizmအချစ်ဆိုတဲ့အရာက အရာရာတိုင်းကိုလှပအောင် ပုံဖော်ပေးသည်။ အခ်စ္ဆိုတဲ့အရာက အရာရာတိုင္းကိုလွပေအာင္ ပုံေဖာ္ေပးသည္။
