THE STORIES UNTOLD series (YULYEN I)

Chapter 6

Yuri's Pov

Sinampal sampal ko yung sarili ko, napuyat kasi ako nung isang araw at kagabi!! Hindi dahil dun sa solo report ko ahh, nakakainis kasi 'tong isip ko, nakapikit na ako't lahat yung mga eksena parin namin ni Yena nung isang araw yung iniisip. Alas tres na tuloy ng umaga gising parin ako!!

"Babangon ka diyan o bubuhusan kita ng tubig?" napatingin ako kay mom.

"Ito na nga po, maliligo na." tumayo ako bago yumakap sakaniya at pumasok sa banyo, kahit sa pagligo tinatamad ako!

Sabay kaming nag almusal ni mom, pero nauna parin siyang umalis dahil may isa daw sa doktor sa hospital ang wala sa ngayon, kaya kailangan niyang agahan ang pasok niya. 

Wala sa sariling nakarating ako sa school, habang papasok ako sa classroom napayuko nalang ako nang makitang nandun na si Yena. Hindi naman siya nakatingin sakin, pero nahihiya parin ako sa mga pinag-usapan namin nung isang araw. Buti nga hindi siya pumasok kahapon, kaya hindi ako gaanong nagambala lalo na at puyat ako. *Tsaka pumasok ba talaga sa isip ko na papakasalan ko siya? Sobra kasing nakakahiya yun.*

Pagkaupo ko sa upuan talaga ni Yena, agad ako sumobsob sa lamesa. *Inaantok talaga ako.* 

"Pasa niyo na nga yan, akala niyo naman may maisasagot pa kayo. Pinapahirapan niyo lang ako eh, may balak pa akong kumain pwede ba?" nagtaas ako nang ulo *Teka, anong nangyayari?!* napatingin ako sa class monitor namin, nakaupo siya sa teacher's table at may hawak na mga papel.

"Okay ka lang?" napatingala ako sa lalaking nasa gilid ko, medyo pinatagilid ko naman siya dahil nakaharap sakin yung anu niya *Basta yun na yun.*

"Anong meron?"

"May maikling quiz lang naman." umupo siya sa bakanteng upuan na nasa unahan ko, naglalabasan na yung mga estudyante.

"One to?"

"Fifty." hinampas ko siya sa braso.

"Maikli lang sayo yun?" tumango siya.

"Lalo na kung tinitigan ko lang yung test paper, hahahahaha."

"Ahn Yujin?" di makapaniwalang sabi ko. "Hindi niyo man lang ako nagawang gisingin?"

"Sabi ni Yena sa mga teacher nilalagnat ka daw, kaya walang nagtangkang gisingin ka. Baka mapatay sila ni Yena." hindi ko narinig yung huling sinabi niya, basta may Yena sa dulo.

"Hindi ba ako magkuquiz?" umiling siya.

"Nagawan na ni Yena ng paraan yun, tara? Nasa cafeteria na si Minjoo." tumayo na ako at sumunod sakaniya.

"Okay ka na?" salubong sakin nung tatlo.

"Okay naman talaga ako." nilapag ko muna yung gamit ko sa lamesa, bago bumili ng pagkain ko.

"Sigurado ka, sabi ni Yena nilalagnat ka daw." tanong ni Minjoo pagkabalik ko sa pwesto namin, umupo ako sa tabi ni Nako.

"Ayos nga lang ako, medyo napuyat lang ako kagabi." nagsimula na akong kumain. "Bakit pala hindi kayo sumama sa table nila? Hindi ba masaya yung lakad niyo nung isang araw at kagabi?" *Hindi rin ako nakasama kahapon dahil nga puyat ako.*

"Hindi naman sa ganun, nakakahiya lang kasi baka isipin nila feeling close na kagad kami." si Hitomi.

"Oo nga, kahit naman nag-enjoy kami kasama sila hindi ibig sabihin nun magkakaibigan na kami." dagdag ni Nako, napatango naman ako.

"Sabagay." 

"So may lakad ba kayo mamaya?" napatingin kami kay Chaewon.

"Saan?" si Minjoo.