عندما تعشق الملاك. (بقلم هاله ابراهيم)

الفصل التاسع

كان جاسر وملاك يجلسون على العشاء لكى لا يشعرون أحد بشئ

جاسر : ملاك

ملاك : ها يابابا فى حاجه

جاسر : شكلك انتى وحازم مش عاجبني مالكوا وبعدين فين حوريه مجيتش ليكى ليه بقالها يومين

ملاك بتوتر برعت فى اخفائة : لا يابابا مفيش وبالنسبه لحوريه هى تعبانه شويه والدكتور قالها ترتاح

جاسر : علشان كدة انتوا الاتنين زعلانين علشانها بقا

ملاك : أيوة يابابا مش كدة ياحازم

حازم : ايه ا ا اه

جاسر : مالك ياض فى اى

حازم : لاء ولا حاجه

جاسر : مع انى مش مرتاح بس ماشى

&&&&&&&&&&&&&&&&&&&&

عند ادم ..........

مروان : هتعمل اى يا آدم

ادم : مقولتلك يامروان لازم اروح المكان اللى هيقولى عليه انا مش عارف هو أتأخر ليه كدة ومتصلش

مروان : أن شاءالله خير

ادم : يارب يارب يامروان جوريه لو حصلها حاجه انا ممكن اموت وراها

مروان : استهدى بالله ياادم أن شاءالله خير

كان ادم فى تلك اللحظه يفكر فى شخصان هما جوريه أخته وماذا سوف يحدث لها وملاك أجل ياسادة ملاك أصبحت ملاك جزء لا يتجزأ من تفكيرة يوما بل على مدار اليوم

&&&&&&&&&&&&&&&&&&&&

فى اليوم التالى ......

بالطبع كانت ملاك نائمه وكان ذلك غصب عنها لأنها لم تذق للنوم طعم من يومان ولكنها استيقظت على صوت رنين هاتفها فقامت منفزعه

ملاك : الو

المجهول : صحيت الجميل من النوم ولا اى

ملاك باشمئزاز : اخلص وقول اللى كنت متزفت علشان

المجهول : تؤ تؤ تؤ تؤ كدة تزعلينى ياملوكه اخس عليكى😣

ملاك بعصبيتها المفرطه : اخلص وقول عايز اى انت هتصاحبنى لاحسن ودينى وما أعبد اجيبك حتى لو فى بطن الحوت وامحيك من على وش الدنيا انت فااااهم

المجهول : ههههههههه هو مين اللى خاطف علشان يهدد وبعدين ياحلوة لو كنتى تعرفى توصليلى كنتى اخدتى حوريه من غير ما اساومك 😉

ملاك بخبث : لاء لو عايزة اعرف انت مين ومكانك فين هجيبك بس انا حبيت اتسلى شويه 😈

المجهول بخوف : احم طيب انتى وافقتى ولا  اى

ملاك : موافقه

المجهول :  تمام العربيه قدام الباب استلمى حوريه وتركبى مكانها

ملاك : طب متقول من ساعتها ولا هو انت غاوى لوك لوك

ثم أغلقت الخط

&&&&&&&&&&&&&&&&&&&&&&&

عند ادم .........

رن هاتف ادم هو الآخر .......

ادم بلهفه : الو

المجهول : اهلا يابن السويسى

ادم : هاخد اختى امتا

المجهول : متستعجلش هبعتلك العنوان دلوقتى بس بفكرك لو اى حد جه معاك او حد عرف اختك رجالتى هيعملوا  معاها الصح وبعدها هبقى اجى احضر الجنازه

ادم وهو يحاول أن يهدئ من روع نفسه لاجل أخته : لاء لاء مفيش حد عرف غير مروان علشان يستلمها زى ما انت كنت قايل

المجهول : شاطر سلام

ثم أرسل له العنوان .....

ادم : مروان انا رايح دلوقتى وخد دة العنوان اللى هتستلم منه جوريه تمام

مروان  : حاضر يااخويا متقلقش
( ثم تعانقوا عناق اخوى خالص بالطبع لأن ادم هو رفيق دربه  )

ادم : وهبى بالك من جوريه ومن ماما لوحصلى حاجه

مروان وقد ترقرقت الدموع في عيناه: اى الكلام الخايب اللى انت بتقوله دة انت هتكون كويس بإذن الله

ادم : أن شاءالله انا بس بقول لو حصل يعنى

مروان ومازالت دموعه فى عيناه : لاء متقولش كدة لو برضوا انت هترجعلنا كلما كويس ( وبمرح محاولا تخفيف الأجواء ) وبعدين ياعم هو انت رايح الحرب دة يادوب انت رايح تنخطف😅

ادم بضحكه على صديقه : على رايك محسسنى انى رايح دريم بارك دة انا هتخطف.

مروان : اة دة زى اللى فى الافلام كدة

ادم : يلا بقا علشان متتأخرش على جوريه ونبه عليها أن ماما متعرفش حاجه كل الموضوع انى مسافر فى شغل وانت مجيتش علشان تخلى بالك منهم ماشى

مروان: متقلقش يا ادم كله هيبقى تمام أن شاءالله

ادم. : أن شاءالله يلا سلام ياصحبى 🥺

يتبع ...............

&&&&&&&&&&&&&&&&&&&&&

ياترى هيحصل اى مع ادم وملاك ؟!
وياترى اى كانت خطه ملاك وليه كانت بتتكلم بالثقه دى؟!

أن شاءالله هنهرفها فى الفصول اللى جايه
ويارب يكون عجبكوا الفصل

ومتنسوش فوت ⭐ وكومنت 🗯️
دمتم سالمين
بااى 😍

بقلم 🖤 هاله ابراهيم 🖤