ذنوب ليست لنا ..

البارت 5

#ذنوب ليست لنا
#بقلمي park_hiu_je
#البارت الخامس
...
ڪسروا فيني أَلفَّ خاطـر
ثم سأَلوني .. لماذا تغيرتِ ؟!
...

حمزة : إنصب الجادر لفاتحة آخ ابوية
وامي حبسها جدي بغرفتها وما رضى تحضر
الفاتحة يكول هي السبب بموتته أبني اول فرحتي
وهي امي اصلاً مو بوعيها ولآتدري بالدنيا ..

شذى : ملتهين بالفاتحة وخطية علياء حابسينها
بالغرفة محد يباوع عليها بس اني كل شوية
اروح اشوفها وهي جثة بلا بروح ..
جاي اطب للمطبخ وسمعت كوثر
وخولة يتحاجون ..

كـوثر : ولج خويلة رتاحيتي هسة برد گلبج
مآت الرجال بسببج ولج بس كـولي شستفاديتي ؟

خولة : تلصمين حلگج لو اجي الصمه الج
هية مرته البـ***ك روحَته انه شدخلنيي ؟

:- لج كل هالشي السويتي وما مسوية
متخافين باجر الله يطلعها برجلج وجهالج؟

:- رجلي عار لتخافين العار ميصير بي شي
لو العار يصير بي شي جان صار بعلياء السـا**ة

شذى : متحملت وطبيت عليهن ولجن احجن
شمصخمات انتي وياهااا ..
كـوثر كامت تمتمت هاا ممسوين

بس خولة الصلفة ردت : شبيج عيني طبيتي
هدادة تريدلج حجة علينه خلينة لصخام
الجن .. ذيج نومت الرجال جوه التراب
وانتي الله اعلم بيا داهية
راح تهفي ( تبلي بمصيبة)..

فهد : ولجن شبيجن صوتجن طالع
تراا واصلة ويايه حدها هسة اضرب راس براس

خـولة بدموع : ماكو شي يبن عمي بس هاي
شذى مدري شجاها علينه

:- شذى اعتقيني رحمةةةة لموتاج وروحي منااا

شذى : شفته تعبآن ماردت ازودها علي
عفتهن ورحت بس بقه ببالي حجي هل الحياية
شمصخمات ..

بعد مرور 3 ايآم :-

الجد حمزة :  يلا دامها خلصت فاتحة اخوك
ولو متستاهل ينگال عنك اخو .. تاخذ مريتك
وابنك ومتشوفني وجهك ويكون بعلمك انه
لا رآضي عنك لا دنيا ولا اخرى وممنوع
تشيل جنازتي وتوكف بفاتحتي

فهد : يابه شجاك شهالحجيي؟

:- مثل مسمعت يلا لاا عبالك ناسي سالفتك
بس كلت خلي تمضي أيام الفاتحة

:- يابه ابوس رجلك يعني انته صدگت
كلآم هاي السا**ة انه هسة اجيت اكولك
حتى نشوفلها صرفة .. انه مبقيها لخاطر
وليدات اخوية مكافي انحرموا من ابوهم
ماريد احرمهم من امهم

:- كلمتي ما اعيدنها تاخذ عيالك ولا تشوفني
وجهك وهذا البيت يحرم عليك لين ما الله
ياخذ امانته .. وذيج الكـ**ة انه اعرف شتصرف
وياها لا تتدخل انته

ام اسد : دخيلك ابو اسد انه نحرمت من واحد
لا تحرمني من الثاني اقلها اشمن بي ريحة اخيه
ابوسن ايدك لاا تحرمني من بزر گلبي