السلام عليكم ياحلوين واهلا بكم ببارت الجديد من قصتنه الحلوه هل احببتي ؟
👍😏❤️
نور : طلعت من الغرفه شايطة احس بالذلة لان اعتذرت منه وهو ميستاهل عجيب جدي شكد يحبه صح حفيده بس يحبة اكثر واحد لان من احفاد سالم جدي كلش يعز اخوه ويحبه ودوم يحس مقصر وياه جيف نرفضت بنته بسبب ابنه طلعت للصالة والنسوان يسولفن والحجية شايلة خشمه علينه هاي اول مرة يجونه شكد نعزمهم يجون بس الزلم والنسوان متجي واحنه من نروحلهم امي تكلي لاطلعين كدام الحجية وحتى مرات هواي مااروحلهم رحت ساعدت البنات بتحضيرات السفرة واجو الولد مجتبى ومرتضى ومصطفى ومنتهى ينكلون الاكل للديوان واحنه البنات للصالة كملنه نكل اجت بيبتي
الجدة: يمه اخذي اكل الج وصعدي بغرفتج اكلي
نور: ليش بيبي
الجدة: نفذي الكلام ولاتناقشين روحي يلة
نور: صعدت بدون مااخذ اكل وحتى مافهمت تصرفه بس كلت يجوز قصدة عقاب جدي كعدت بالغرفه اكنك بموبايل زينب شوية ونفتحت الباب ودخلت امي بيدة صنية اكل
الام: تعالي يروحي ناكل
نور: ليش تعبتي نفسج اني من يخلصون انزل اكل
الام: لا يعمري شلون اعوفج جوعانه يلة تعاي
نور :اشوف امي كعدت واباوع عالصينية اكل مال نفرين
يمه ليش ماكلتي وياهم
الام: ماحبيت تضلين وحدج
نور :اها بلشنه ناكل وامي بالكوه تبلع اللكمه وعيونه متروسه دمع كبل طخت براسي على الرغم الكل يكلي غبية بس هالمرة كبل لكفته هي وطايرة شمرت الخاشوكه حيل وكتله بغضب - بيبيتي كلتلج صعدي فوك اكلي
امي بهتت وصفنت بوجهي وكبل نزلت دمعته واني شفت دمعته لو تشعوطتت متت قهر وعصبيه -احجي يمه هي كلتلج
الام: يمه مرادت مشاكل عالاكل وكالت صعدي
نور: مشاكل شنو يمه لاتخبليني هذول شو مستكوين علينه وحاسبين البيت بيتهم مستغلين حب جدي موسى لاخوه ويهينونه
الام :يمه صوتج شنسوي ضيوف كم ساعه ويروحون
نور: لا عيني هذول زادو عن حدهم من الصبح لسه متحمله اهانتهن ادور هسه يطردنه من سفرتنه والله لاكلب البيت فوك روسهن
الام: وج يمه تعاي وين رايحه لاتفضحينه متسوه السالفة رجعي اكلي
نور: يمه هديني بس لدقيقه وحده خليج قوية لاتضعفين كبالهن انتي وابوي ماجرمتو حبيتو بعض وتزوجتو وهن بيدهن فضحن بتهن وطلعن عليه الاشاعات
الام: يمه شنسوي والله مابيدي شيء وجدج اذا عرف معاركتهن والله يدميج وحتى يحرمج من الدراسه بس سكتي وعديه
نور: اشوف امي كمشتني يم الباب وتتوسل مااطلع سكتت لخاطره وكعدت حتى نفسيتي انسدت من الاكل عجيب امي ليش هالكد تخاف وضعيفه تختلف عني اني لسان وكحه مو مثله عليمن طالعه اني
يمه نضل هنا لمن يرحون ويولون يالله ننزل وعندي حساب طويل ويه موسى
الام :ولج شهالحجي شنو موسى عيب يمه هذه جدج احترمي
نور ;والله المايحترمنه مااحترمه
الام: نور لسانج صح انتي بنتي وتردين ادافعين عني بس انا مااقبل تقللين ادب ويكولون ماعرفتي تربين وهذه جدج وميصير تصغرينه بكلامج
نور: الله كريم ضلينه للعصر وسمع صوتهم وسوالفهم شوية وختفه الصوت فترة ادور رجع الصوت شوية واجت زينب وسمر
سمر هلا هلا ست الحسن خاتله هنا ويه امه وعايفتنه نكرب بالماعين
نور ;تستاهلن
زينب: ليش مانزلتن جوه تاكلن عمتي سالت عليجن
الام :تسال عنه العافيه يمه راحو؟
زينب: اي عمه راحو
نور :جدي وين
سمر: بالصالة كاعدين يسولفون ويه عمامي
نور: اها يلة يمه ننزل نزلنه جنت شايلة الصنية وديته للمطبخ وحنين بالمطبخ تصب جاي اخذت الجاي اني وزعته عليهم وجدي خزرني واشرلي براسه فوك ميريد يشوف وجهي دتاني الا ازلزل البيت فوك روسكم وزعت الجاي وحطيت الصنية على الطبلة وكلت
نور :جدو اريد احاجيك
الجد: خير (من وره خشمه )
نور: انت اليوم مو جبرتني اعتذر من حفيدك على الي سويته
الجد: اي وشتردين
نور: اريد اعتذار لامي منهم لان هانونه
الجد: انتي شكاعدة تخربطين
نور: اسمعني جدي احنه متحملين هنا حجي نسوان عمي وجورهن على امي وماكلنه ولا حجينه واليوم اجو ضيوفك ويذبون حجي علينه وكدامك صار يصيحولي بنت الغريبه وسوني خدامه الهم وكلت ضيوف وميصير نحجي بس توصل درجه يطردونه من سفرت بيتنه لا هاي واكفه وماينسكت عنه واذا امي سكتت اني مااسكت اني من كلتلي بيبي سكتت احترام اله بس اصعد والكه امي مطروده مثلي ودموعه بعينه لا والله ماحزرتو اسكت وكلب البت عليكم شنو امي زعطوطه كدامكم ماتحترموه هي حاله من حال نسوان عمي تره امي ماجاية من الشارع هم بنت عائله تسوه روس الكل
أنت تقرأ
هل احببتكي ؟
Lãng mạnرومانسي عائلي دراما حزين اعلان مااريده وماانجبر على شيء اني كتلكم ترحون تخطبون الي اريده اني مو الي تردوه - مو بكيفك تاخذه وغصبا عليك متكسر كلمتي جدي لاتظلمنه سوه مانرهم _ ترهم ترهم كومن العصر الكاجن رايحات طالباته من اهله استغفر الله شلون يرد...
