،،جعلتنى مدمنا،،

البارت التالت

(صالح):... أنا بحبك
(أية) وقد احتل ملامحها الزهول: ... انت بتهزر ها انت واعى للى انت بتقوله
(صالح )وهوا واثق من كلامه: ... لا مش بهزر أنا بقلك أنا بحبك
(أية) وهى بتخرج من الكافتيريا: ..انت اكيد اتجننت
(صالح) وهوا يجرى وراها :... استنى يا أية أنا بقلك أنا بحبك اي الجنان فى كدا أنا مش معجب بيكى لا أنا بحبك يا ايه انتى الوحيده اللى حبيتها فى حياتى اي الجنان فى كدا بس
(أية) وهيا بتتكلم بعصبيه وصوتها بدأ يعلى :... الجنان فى انك ممكن تفكر انى ارتبط بيك الجنان فى انك وسكتت
(صالح) وقد شعر بالألم يكسو قلبه والاحراج لان الكليه كلها بتتفرج عليهم :... أهدى أنا عرضت بس
(أية )وهيا عيونها بتطلع شرار ازاى يفكر أنه ممكن ترتبط بيه
وأنه يعمل الخطوه دي وميبقاش عامل حسابه :..
مفيش بس انت مرفوض ولو عايز تعرف مرفوض ليه تقدر تبص فى المرايا أنا رفضت نص شباب مصر هاجى وارتبط بيك انت يبقى بتحلم ومحتاج حد يضربك على دماغك عشان تفوق
(صالح )والدموع فى عينيه بس بيحاول يداريها:.... أنا لو كنت اعرف انى قلبى فى يوم هيحب واحده زيك كنت خرجته من مكانه ودوست عليه برجلى
ومشى وسابها مزهوله من كلامه وفجاه رجع ليها تانى
وهيا فكرت أنه هيعتذرلها وابتسمت بتكبر
(صالح )وهوا يبتسم نفس ابتسامتها:.... انتى مغروره ومتكبره علفكرا لدرجة تكره كل الناس فيكى وعايزاكى تفضلى فكرانى وفاكره كلامى ده كويس جداا علشان القدر قادر أنه يعكس الأدوار وانا بؤمن بالقدر جداا
وسابها تشيط غضبا بما قاله
(ميار ):... اي اللى انتى هببتيه ده حد يعمل كدا وتكسريه وتحرجيه بالمنظر ده قدام الناس انتى معندكيش قلب ولا ذره رحمه .
(ساره):.. سبيها يا ميار بس كل اللى هقولهولك خليكى فاكره اللى حصل ده كويس اووى علشان الايام دواره
(أية) :... انتوا مغلطتنى أنا بتتكلموا بجد اجي قالى بحبك سبته ومشيت وهوا صمم يستلقى وعده بقى
(ساره) :.. اها انتى غلطانه اووى تقومى تهنيه وتجرحيه على الملأ كدا
وتقول وهيا بتتمسخر على أية: ... لو عايز تعرف برفض ليه بص لنفسك فى المرايا .
انتى بجد وسكتت..
أنا مش عارفه اقولك اي على قسوه قلبك دي هيجي إللى يكسرك وهتقولى ساره قالت
وقبل متمشى كانت رده ميار عليها
(ميار) وهيا تبتسم نص ابتسامه :.. ده لو مكنش هوا اللى هيكسرك 
وسابوها ومشوا عشان زعلوا على صالح وعلى الطريقه القاسيه اللى اتكلمت بيها أيه
أما أية ...
بتقول فى سرها: ..أنا صح وهوا ولا يقدر يعمل اي حاجه أنا حاولت ارفض بأسلوب كويس هوا اللى مصمم يبقى يقابل اللى يحصله
صوت ضميرها... ايوا ايوا انا صح هما كلهم اللى غلط وبكرا يشوفوا
صالح روح البيت مخنوق ومتضايق وحاسس ان كرامته اتهانت وندم أنه سمع كلامهم
Flash back
صالح بعد ما سلم الكشكول لأية قعد على البنچ وفجأة لقى شله الشباب الضايعه وزعيم الشله اسمه احمد وأحمد ده بيكره صالح جداا ونفسه يكسره ويزله وملقاش افضل من أية اللى شايفه نفسها ..
( ‏أحمد): ... صالح عامل اي يبنى انت كويس
( ‏صالح) :.. الحمدلله
( ‏احمد): .. بس اي ده انا شايف انك بتحب أية اووى وهوا لسه فى حب كدا ‏اللى زيك انقرضوا من زمان بس اقولك على حاجه هتفرحك..
( ‏صالح )وقلبه بدأ يدق بحبه لاية:.... اي هيا
( ‏أحمد) :.. أية شكلها بدأه تعجب بيك
‏(صالح) وهوا مبسوط:... بجد يا احمد انت عرفت منين
‏(احمد) بابتسامه شر:... المره اللى فاتت وانت بتاخد الكشكول شفتها كانت بتتكلم معاك باحترام وذوق ازاى دي مبتعملهاش مع. حد
‏ ‏ ‏(صالح) وهوا يبتسم :...فعلا أنا استغربت المره اللى فاتت لما لقيتها بتتكلم معايا بذوق
‏يعنى انت متأكد يا احمد انها معجبه بيا انت عارف انا مليش فى الحاجات دي ومعرفش امتى اعرف انها اعجبت أو بتحب وبعدين انت شايف لبسى وشكلى يعنى مش زيها
( ‏أحمد) وهوا يبتسم ابتسامه نصر: ... روح انت قولها بحبك وشوف هيا هتعمل اي وبعدين ماله شكلك اهم حاجه فى العلاقه الحب لو فيه حب هتكمل حياه اي شخص
‏وعادى لو رفضتك انت مخسرتش بالعكس هتبقى عرفت مشاعرها تجاهك
‏..صالح من طيبه قلبه اقتنع بكلامه وراح واعترفلها بحبه.
‏
Back
دخل اوضته واول مدخل حس كأنه رجع لمكان امانه وراحته وبدون مقدمات ...
صالح وهوا يجلس على السرير ووضع رأسه بين كفيه وبدأ فى البكاء ليس بكاء لفقدان حبيبه ولكن بكى لكسره قلبه لقله حيلته بكى من قسوه الناس وحقدهم وبكى اكتر لما افتكر كل اللى حصله فى الكليه وضحك واستهزاء الناس عليه وعلى شكله ولبسه
وقال :.. يا الله لم يعد فى قلوب الناس رحمه بل امتلأت قسوه وحقد ومع قسوه وجحود قلوب الناس أصبحت الحياه اكثر قسوه على الإنسان ..
ليه يارب بياخدوا بالشكل والبس ليه يجرحوا ويأذوا شعور الناس بحاجه مش بأيديهم حاجه اتولدوا لقوا نفسهم فيها
ليه الاستهزاء بالناس للدرجادى معتش فى رحمه
وفجأة كأنه عاد لرشده: ...بس اقسملك يا أية انى عمرى ما هسيب حقى هاخده ولو بعد عشرين سنه وده وعد منى ليكى انى اجرحك واكسرك ومش بس كدا لا ومش هيبقى فى قلبى ذره شفقه واحده تجاهك بحق كل وجع اتوجعته
..وفجأة شاف مامته واقفه بتبكى.. .
(صالح )وهوا متجه نحيتها فى قلق: .. امى مالك يا حبيبتي انتى كويسه اوديكى المستشفى حاسه بايه
(سعاد):.. أنا كويسه يا حبيبي
(صالح): ..اومال مالك بتعيطى ليه وفجأة سكت انت واقفه من امتى
(سعاد) وقد عادت لبكائها: .. من ساعه ما جيت ودخلت اوضتك سكتت شويه وحطت ايديها على قلبه
شوفت وجع قلبك وانكسارك شوفت اد اي بتحبها شوفت ابنى لاول مره غرقان مش عارف يعمل اي كل اللى أنا اعرفه يا بنى واقدر أقولهولك انك مهما حصل عايزاك ابنى القوى اللى ربيته عايزاك راجل متجيش على الضعيف عايزاك لما تتكسر وتتوجع متقعش وعايزاك يا بنى لما تنكسر متكسرش  انت فى دوامه هتاخدك وتوديك بس خلى بالك يبنى لتخادك فى طريق بلا رجعه ولو حصل اوعدنى انك ترجع تانى بس باقوى من الاول
(صالح) وهوا يستشعر كلامها وحس براحه: ... يااه يا امى ريحتينى بكلامك ده بس في حاجه أنا كرهتها مبقتش بحبها بالعكس عايز اكسرها ويمكن لما اقدر اعمل كدا هرتاح
(سعاد) وهيا تبتسم: ..فكره الانتقام لوحدها حب انك بتفكر لسه فيها يبقى لسه عايز معاتبه
(صالح) وهوا ينظر لها ونزل باس ايديها وقال: .. ربنا يخليكى ليا
عدا فتره طويله خلصوا امتحانات ومنتظرين تخرجهم كان صالح تعبان نفسيا وبدا يبص لزمايله فى الكليه ولبسهم ويقول ليه مبقاش زيهم وبدأ يفكر يعمل اي علشان تندم انها رفضته ملقاش غير احمد رغم أنه السبب فى إهانته بس هوا محتاجه دلوقتى
عايزه يساعده فى اختيار لبسه ازاى يكلم بنات ازاى يجذب اى بنت بس كان كل ميقرر أنه هيكلمه يتراجع
وفى يوم وهوا راجع من الشغل تعبان ومش طايق نفسه
دخل البيت بيدور على أمه لقائها فى سريرها نايمه
...فدخل نام وصحى بعد تلات ساعات ...
صالح وهوا بيخرج من اوضته بينده على مامته ومستغرب لانها عمرها ما نامت الوقت ده كله ومبتنمش غير لما تغديه
صالح ... ماما
مفيش رد دخل اوضتها لاقها نايمه زي ما هيا متحركتش
صالح وهوا بيهز مامته بخفه .. ماما حبيبتى قومى يلا عشان دواكى يلا ربنا يهون معتش غير القليل ونعمل العمليه واريحك بقى من الادويه
مفيش رد
صالح وقد بدأ القلق يكسو ملامحه ..ماما مااااااااماااااااا
صالح وهوا يصرخ من كل قلبه بوجع الفقدان ودموعه نازله: ... امى لا يا أمى متعمليش كدا وتروحى وتسبيينى مش هينفع يااا امى انتى اكيد مغمى عليك لو سبتينى ورحتى من هيقوينى وهيشجعنى ده انتى بالنسبالى السند هفقده هفقده مش هتروحى منى هاجى معاكى لا يأمى
صالح وهوا بيتحسس النبض وبرق عينيه وصرخ فجأة... امى لالا فين نبضك علشان خاطرى يا امى
خلاص هانت العمليه هتعمليها وهتبقى كويسه وترجع ضحكتك تنور حياتى تانى
وفجأة وقف وعمال رايح جاي فى الاوضه ببكاء ... ايوا صح أنا هوديكى المستشفى وهترجعى معايا زي المره اللى فاتت
وشالها صالح وراح بيها على المستشفى
..هناك اخدوها منه وبيكشفوا عليها خرج الدكتور.
(صالح) وهوا يبكى :... أنا خلاص هعمل ليها العمليه ممكن تدخلها دلوقتى عقبال ما أجمع الفلوس ارجوك قولى انها كويسه وبخير وهتروح معايا قول كدا علشان خاطري أنا وحيد مليش حد فى حياتى غيرها هيا كل حاجه ليا في الدنيا
(الدكتور) وعيونه مدمعه على انهيار صالح وقال:... البقاء لله
يتبع.....