،،جعلتنى مدمنا،،

البارت الخامس

يوم التخرج اتفاجؤا بشخص داخل بكامل أناقته وداخل بكل ثقه وغرور وكان لابس بدله شيك جدا وفوقها روب التخرج
Flash back
احمد اخد صالح تانى يوم واتقابلوا وراحوا اشتروا هدوم كتير من الفلوس اللى كان محوشها لعمليه والدته وأحمد خلاه شخص تانى بقى مهتم بشكله وبلبسه وعيونه لونها وضحت لما شال النضاره بقى شخص تانى وظبط شعره وحلق دقنه ..
Back
لبس صالح البدله وروب التخرج والساعه وسرح شعره وحط بيرفيوم كان واحد تانى غير صالح القديم اللى نعرفه
وفجأة وهوا ماشى خبط فيها خبط فى اللى وجعت قلبه وكسرته من غير شفقه واهانته ورغم كدا بيبحبها بس الحب مش كل حاجه الكرامه اهم من الحب لازم ينتقم لنفسه ولمامته اللى ماتت من قهرتها على وجع ابنها وقله حيلته
(صالح) اول ما شافها قال فى سره :...اي القمر ده شبه الاميرات
كانت أية لابسه فستان كاشمير وكانت سايبه شعرها الدهبى الطويل الناعم مفرود على ضهرها وكانت حاطه ميك اب زادها حلاوه وعيونها الخضرا اللى سحرته اول مره شافها فى الكليه
وبعدين فاق من شروده وقال بصوت عالى نسبيا قال:... مش تفتحى وانتى ماشيه
(أية) وهيا مصدومه مش مصدقه أن ده صالح اللى رفضته من سنه وشويه مش ممكن يكون هوا بقى حلو اووى خفف دقنه وظبط شعره ولابس بدله تحفه وريحه البيرفيوم بتاعته تحفه والساعه وقلع النضاره اللى كانت على وشه دايما اد أي هوا حلو وفاقت على صوته وقالت: .... انت بتعلى صوتك ليه انا اكيد مكانش قصدى
صالح فجأه مسك دراعها بعنف وغل وقال: ...لما تتكلمى معايا توطى صوتك انتى فاااااهمه لان المره الجايه مش هتبقى تحذير المره الجايه فعل
(أية )وقد وجعتها مسكه أيده وقالت بصوت مهزوز: ... لو سمحت سييب احم سيب ايدى
(صالح) متأثرش من صوتها المهزوز اللى على وشك البكاء وقال :...مسمعتش منك كلمه فاااهمه يعنى أنا كلامى متسمعش ولا أي
(أية) ودموعها نازله وبتشد درعها من أيده :...فاهمه فاهمه ممكن بقى تسيب ايدى
(صالح) ساب ايديها واتكلم وقال:... خليكى فاكره المره الجايه مش هسيبك .
(أية )وهيا بتمسح دموعها :... ازاى بقيت كدا ازاى بقيت قاسى كدا انت كنت طيب وغلب
(صالح) وهوا بيقطع كلامها :...صالح بتاع زمان مات مات بطيبته وشكله وكل حاجه ولا اي
وضحك باستهزاء وقال :...وبعدين هوا أنا كدا بقيت قاسى اومال انتى كنتى اي طيبه ولا اها اها مغروره ومتكبره على اي مش عارف
القسوه جايه قدام متقلقيش كل حاجه هتيجى فى وقتها
(أية) وهيا ندمانه حقيقى: .... صالح صدقنى انا مكنش قصدى اهينك أو اجرحك أنا سبتك ومشيت من الكافتيريا وانت جيت ورايا ومصمم فم
(صالح) وهوا يمشى :... أنا مش عاوز تبرير وفرى على نفسك اللى حصل حصل وكل واحد هياخد نصيبه من الموضوع ده
وانت هتاخدى اكبر نصيب من القسوه وانا اقسمت لنفسى انى اخد حقى منك ومتأثرش بدموعك المزيفه دي
(أية )وهيا بتنده عليه: ... صالح يا صالح
..مشى صالح ومردش عليها ..
صالح قعد على طرابيزه احمد والشباب
(أحمد )بيقول لصالح:... عرفتك
(صالح) وهوا يضحك بسخريه: ... اكيد عرفتنى أنا مكنتش سئ اووى للدرجادى
(احمد) بسرعه قال: ... طبعا طبعا طب وقولتوا اي
(صالح) وهوا ينظر ليه... ملكش دعوه قولنا اي ومقلناش اي
(احمد) والكره والغل بيزيد كل يوم عن اللى قبله قال وقد بدأ خطته الدنيئه التى ستجعل صالح أضعف :... ماشى اجبلك حاجه تشربها معانا
(صالح) وهوا لا ينتبه لكلامه قال: .. هات معاك فنجان قهوه
(احمد) وهوا يبتسم بشر: ...ماشى
..على الجهه التانيه ..
(أية) بتقعد على الطرابيزه وهيا بتعيط ..
(ساره) :... مالك يا أية انتى كويسه
(ميار) بقلق لان أية مبتعيطش غير لما تبقى حاسه بالذنب: ...مالك يا بنتى اخلصى قولى
(أية) حكت ليهم اللى حصل بالظبط وعلى كلام صالح وأنه هيرجع ينتقم منها
(ساره) بقلق: .. اهو ده اللي كنت خايفه منه مهوا مكنش هيفضل صالح الغلبان الطيب لازم من اللى عملتيه فيه يتحول
(ميار) ... وانتى بتعيطى دلوقتي خايفه منه ولا ندمانه على اللى حصل.
(أية) وهيا بتمسح دموعها... أنا والله ندمانه وجيت اعتذرت منكم وقولتلكوا هتغير مش انا اتغيرت للأحسن صح
(ميار ):... انتى اتغيرتى كتيير يا أية بس بعد اي
(أية) :.. ولاهى أنا ندمت على اللى حصل ولما شوفته انهارده ندمت اكترر وقلبى وجعنى وندمت انى في يوم رفضته مش عشان شوفته بعد ما اهتم بشكله ولبسه علشان صالح من انضف الشخصيات اللى شفتها فى حياتى واطيب قلب بجد واحد غيره على اللى عملته معاه كان اقل حاجه يعملها يضربنى بالقلم أو يزعقلى صالح لا صالح كلمينى بصوت واطى حتى وهوا بيدافع عن كرامته
(ساره) وقد شعرت بصدق كلامها لان أيه اتغيرت فعلا من ساعه اللى حصل وكنا هنبعد اتغيرت كتيير: ...طب أهدى كل حاجه هتبقى كويسه
(ميار ):... هوا عمره ما هيأذيكى لسببين اولا هوا مش من أخلاقه أنه يأذى بنت وثانيا علشان هوا بيحبك حتى وهوا بيقولك هنتقم هوا بيحبك فكره الانتقام أو الكره معنى كدا أن لسه فى مشاعر من ناحيتك.
(أية )..يارب يسامحنى يارب .
...نرجع تانى للطرابيزه اللى قاعد عليها صالح ..
احمد رجع ومعاه كوبيتين قهوه
(احمد) :..خد يا صالح القهوه اهي
(صالح) وهوا بياخدها منه ولسه هيشرب
(احمد) قاله.. استنى يا صالح
(صالح) ..عايز اي
(احمد) :..اي رايك تاخد البرشامه دي
(صالح) وهوا مستغرب :... اي دي أنا مش مصدع
(احمد) وهوا بيقول بشر كبير: ...لا دي مش للصداع وبس دي لكل حاجه دي هتخليك تنسى كل اوجاعك والحزن اللى بقى جواك وهتخليك مبسوط ومنعش كدا وهتخليك فاهم البنات وتعرف بيفكروا فى اي جرب كدا وهتدعيلى وهتخلى أية تندم انها رفضتك 
(صالح) وهوا بياخدها منه وبدون تفكير بلعها وشرب بعدها القهوه .
(احمد) وقد وصل لحلمه وهيا تدمير صالح واستخدم أيه علشان عارف ومتأكد أنه لسه بيحبها وبيعمل اي حاجه عشان تندم انها رفضته ..
والحفله خلصت وروح صالح البيت رأسه بدأت توجعه
وهوا داخل قابل الاء جارته
(الاء )وهيا مبسوطه:.. صالح الف مبروك عقبال متبقى مهندس كبير قد الدنيا
(صالح )وهوا بيقاوم وجع رأسه: ...الله يبارك فيكى
(الاء): ..مالك يا صالح انت كويس
(صالح) وهوا بيقفل عينه ويفتحها بصعوبه:...أنا كويس متخفيش أنا مصدع بس
(الاء) :..تلاقيك صدعت من الاغانى اللى كانت فى الحفله
(صالح): ..اها ممكن
..دخل صالح وبدا يغير هدومه واخد مسكن ونام ..
وكان كل يوم احمد وصحابه بيجوا لصالح البيت وبيعرفوه ازاى يتكلم مع البنات ويعرفوه كل خطوات أية وبتروح فين وبتخرج مع مين ومستنين تخرج مع صحابها علشان يروح صالح ويبدأ خطته وطبعا احمد كان كل يوم بيدى لصالح البرشامه اللى ما زال صالح ميعرفش اي اللى بياخده ده وكل اللى يعرفه هي أنها بتريحه وبتخليه مبسوط وبيضحك ويهزر وبدأ يبقى نسخه تبقى الأصل من احمد ..
وفى يوم صالح بيسال احمد وهوا قاعد عنده فى البيت
قولى يا احمد البرشام اللى انت بتدهونى ده اسمه اي عشان اجيب منه لأن معنتش بقدر استغنى عنه
(احمد) وهوا بيضحك وبيشرب السجاره:.. دي حاجه كدا وهم بتخلى الواحد منعش من جواه
(صالح) وهوا بيضحك ايوا اخلص اسمها اي يعنى
(احمد) :...  دي بتتاخد كدا ومش من مصلحتك تعرف اسمها دلوقتى عايز تعرف اي البرشامه اللى انت بتاخدها علشان تخلى ست الحسن والجمال تندم انها رفضتك
صالح وهوا مستنى الرد.
(احمد) وهوا بيضحك بشرر: ..... مخدرااااااااات
وقال وهوا مزال بيضحك:.... أنا خليتك تدمن مخدرات علشان تعجب ست أية طلعت غبى اوووى يا صالح لدرجه ضيعت نفسك من غير تفكير
(صالح )وهوا مصدوم وقال:... مخدرااات
يتبع ...