حَجي نسوان َ]

قتلتَ بهجتيَ_ 1 الروايه

.. يابه كتلك ازدحامات

رفعت التلفون وشفت الأسم إلي رسم على
وجهي أبتسامه تزول  تعب الدوام
فتحته وكلت

: هلا

: هلا بيج عمي؟ شنو زعلتي مني ترا مكلنا
شي

ضحكت: لا  بس اني أخجل وماعرف ارد ع كلام الحلو

: جعل محد يخجل غيرج ياحلوه

أبتسمت: تريد شيء؟!

: لا بس حبيت أطمئن عليج؟ وصلتي البيت
شوكت طلعتي من الجامعه مشفتج

جاوبت: لا بعدي؟ وطلعت بسرعه لان عندنا
عزيمه بالبيت

رد: من تفضين اخابرج

رديت: تمام باي!

: بايات عيني

أبتسمت لهذا الشعور  وتركت التلفون من أيدي!
وصلت البيت ، هدوء  ونضيف
والمروحه ع خمسه  ، ريحة البخور تفوح بأرجاء البيت وصوت  الجدروه تفور ع طباخ
نزعت حذائي ودخلت

، شفت والدتي كاعده على كراسي ميز الطعام
وتحجي ويه خالتي

: لا لج عيني  من ابو احمد إلي بالسوك شلون
مواعين فرفوري عنده

سلمت: السلام عليكم

انتبهت: هلا ماما هاي شنو تأخرتي

تأففت: ماما والله أزدحامات

: ديلا بدلي وتعالي تغدي

: ماشي

صعدت فوك ، بدلت ملابسي وغسلت ورجعت
جوه ، كعدنا على ميز الطعام ويرأسه
والدي  ناظرني بنظرات
حذره  ، وهو يكول

: ليش تأخرتي

: يابه مو كتلك أزدحامات

: عالعموم أتفقت ويه ابو الخط راح يوصلج

: مثل متريد

: منيلج فلوس واكلتي؟!

: عندي ضامتهم

: ومنو وياج؟

:  بس صديقتي هدى

:  خوما حاجاج ولد ؟

: لا يابه ماكو شيء

: خوش يلا أكلوا

، سحبت نفس بعد جلسة التحقيق المّعتاده
من بداية الدوام الى نهايته
والدي ، انسان عصامي  ، ومتعصب
! وهذا الشيء مأثر ع بيت ومخلي اجوائه
كلها قلقه

، جدآ نظامي ، بحيث مقسم اعمال البيت
ومحدد الجامعات الي ندخلها
وشروط  محد يتزوج اله يكمل الجامعه
ولزوم ان تكون من الأوائل
حتى تكمل دراستك غيرها
تكعد بالبيت

، كملت مواعين الغداء ومسحت الكاونتر
وصعدت شفت مسج من " نور الدين " وهو يكول

: ساره وصلتي البيت؟

جاوبت : اي

شافها وكتب: خوش خلصت عزيمتكم؟!

: بلي خلصت

: عندج شيء نحجي أتصال ؟

: لا ماكدر مو تدري بيه ماحجي بالبيت وياك أتصال

: اوك تمام عادي بس مسجات المهم اتواصل
وياج

: نور الدين ؟

: عيونه

: اني ماكدر استمر هيج احس نفسي
اخون ثقة اهلي

: ياعيني مو كتلج اجي اخطبج وكلتي خلي
نكمل دراسه ؟

: اي صح بس !!

: بس شنو؟!

:  بس مادري احس نفسي داغلط

: ولا يهمج ابتعد حتى ترتاحين وابقى اشوفج
بس بالجامعه

:  اي احسن هيج ،

: المهم راحتج سارونتي ،

أبتسمت: لتكول هيج

: ليش

: أخجل

ضحك: جا شلون شنكول لعد

بقينا نحجي وبعدها أستاذنت منه ، وقريت
واجباتي ، ونهضت سويت إلي كَهوه
وصعدت لغرفتي واخذت كتاب من مكتبتي وكعدت على سريري أقرأ
اسم الكتاب  ' حياة بلا توتر" ل أبراهيم الفقي

وقرأت سطر يكول  " ان لكل انسان مشاعر سلبيه بفتره من اللزوم يمر فيها

، وهذا السطر خلاني أفكر صح! ان كل شخص
نشوفه كئيب ومنعزل يكون مار بهالفتره!
ف ليش نستغرب اذا احنا على فجأه وتغير مزاجنا؟!

هممت بأستغراب وسديت الكتاب
واني اسمع صوت أذان العصر
نهضت توضيت وصليت وكعدت اقرأ قرآن ،

خلصت
وبدلت ملابسي  لملابس رياضه ، وطلعت التمارين
الكارديو وتمرنت
40 دقيقه
سحبت نفس بتعب ، شربت مي
وخلصت
ورحت أسبح ... بعد هذا كله نزلت أساعد والدتي بتحضير العشاء وكعدنا ناكل ونشوف..
"نشرة أخبار الحدث " الي متكمل كعدتنا اذا م والدي
يحظرها

، خلصت شغل المطبخ
وصعدت لغرفتي أراجع  واجباتي بعدها
حجيت ويه " نور الدين "
شويه.. ونمت

مروا الأيام مثل ماهي... وتخرجت من قالجامعه
ونور الدين أيضآ وبعد اسبوع شفت
مسج منه

: الخميس نجي خطابه!!!