لعبة الإنتقام

البارت 2

في بلاصة خلاف قصر كبير محاوط بسور عالي وفيه اسلاك مكهربة قاعد على طاولة الفطور بكل هيبة ومعاه عايلتو راجل ميعرفش الرحمة قدر يبرز اسمو فالبلاد الكل ويأسس شركات واراضي وممتلكات الوزير ومعندوش كيفهم عندو ولادو هوما نقطة ضعفو بصح دربهم على يدو ولاو يشكلو قوة بالنسبة ليه  نطق بعدما دارت عينو على ولادو وقال وينو ادم نطق الياس وقلو بابا شفتو الصباح خارج وقالي رايح يشم هواء برك ويرجع نطق جود خليه يتفسح معندوش يومين ملي رجع للبلاد قال سامي وش قررت بابا تعطيه فرصة يثبت قرايتو ولالالا ،نطق باباهم جابر لازم قررت نعينو مدير لشركة الإنشاء والعمران ونشوفوه يقدرلها ولا لا ،قال اياس بصح بابا علابالك بلي ذيك الشركة شبه مفلسة وشكون رح يعاونو بش ينقذها ،قالو هذا هو الإختبار نتاعي ليه اذا نجح مبروك علينا واذا فشل نرجعو وين كان .

ناض يتململ بعد نوم عميق حس روحو رقد اعوام عندو شحال مرقدش رقدة هكذا خزر فالساعة لقاها 11ص ندب وهبط ليماه يشكي وعلاش منوضتينيش يما  نطقت ديما غام روحك بالخدمة حبيت نخليك ترتاح ،قالها وينها ملاك مهيش هنا قاتلو خرجت ياك اليوم واشارت لرزنامة معلقة فالحيط ،ناض مفجوع مبلاصتو وقالها وين راحت علاه مقلتليش وجا خارج وقفو باباه رمزي خلي عليها اليوم تكون وحدها قاتلي منيش حابة حتى واحد يلحقني ،بصح بابا قاطعو باباه خليها جا الوقت اللي تعتمد فيه على روحها وتبرز قدراتها يكفي طول 10سنين واحنا وراها ومنيش حاب نسمع اعتراض من عندك صح رح تساعدها وتوقف معاها بصح كلش من بعيد ،قالو مفهمتش ،نطقت يماه اقعد تفهم .
نولو لملاك كانت تمشي وتايهة حتان خرجت فالطريق وقريب ضربتها طوموبيل لولا يد جبدتها حاوطها بيديه طلعت راسها لقاتو نفسو متاع الجبل جبدت روحها منو وقاتلو وش تحوس من عندي علاه متبعني ولا داروك عساس عني انطق ، قالها ياك قتلك منخليكش تتنتاحري وتقدري تقولي نولي حارسك الشخصي بصح يابن عمي شحال تمشي فشلو رجليا وجعت هيا نروحو ناكلو مالصباح مذقت والو نتي مجعتيش ولامصنوعة مالحديد متحسيش شوف روح اخطيني نكره واحد يتبعني ونكره اللي يهدر بزاف ومنيش رايحة ننتاحر متفهمش حابة نبقى وحدي هذا مكان ،معليش ريحتيني بصح ضرك نروحو ناكلو ومنبعد ...قاطعاتو تاكدت بلي داروك عساس عني روح خليني في حالي لتشوف وجهي الاخر والله ندمك على النهار اللي تبعتني فيه ،انا حاب نكونو صحاب برك علاش زودتيها ،منحبش الاصحاب ،معليش تدخلي معايا نتغداو وكل واحد يروح فطريقو دريه كإعتذار مني برك بليز ههههه.
علاش تضحك فهمني ،لخاطر اول مرة نشوف طفلة برودة اعصابك حتى نأكد بلي وجهي مخزرتيش فيه مليح تخيلي بلي البنات كامل يتمناو خزرة مني وانتي العكس عرضتك على غذاء ومقبلتيش هيا ندخلو ومتحشمينيش  .
قعدت تخزر فيه مليح اول مرة ثبت فيه مسرار بزاف وضحكتو معبية وجهو وعينيه قبلت ودخلت معاه للمطعم دومنداو وتغذاو ومبعدا قالها نتعرفو على بعضانا انا اسمي ادم وانتي ،قاتلو ملاك ،قالها اسم على مسمى زينك زين الماني ولاروسي مين اصلك ،قاتلو نعتبرها مجاملة حسن نيه ولا تلاعب الثعلب وقفت وقاتلو شكرا على كلش وفرصة سعيدة وراحت وخلاتو فهم من كلامها انها عاشرت بزاف رجال وعرفت طبيعتهم ولا تقرأ الافكار وتشوف عيون الناس تعجب كيفاش طفلة تبان 20سنة تحسبها عندها 30ولا40سنة فاق من سهوتو على تلفونو يصوني لقاه الياس هز وقالو هاني جاي نص ساعة نكون ثم وكوبا .

ملاحظة :علابالي بلي مزال مفهمتو والو بصح البارت الجاي رح يكون تعريف بالشخصيات نتمى تدعموني نكملها بليز