اسمي عباس المستعجل اني اوسم شخص بالكون👨 واهم شي عندي عضلات والبس قميص اصغر من قياسي بأربع دجات حتى ابرز جسمي والدگمه كل مره نتگطع...
وتجي امي تخيطها الي بخيط ازرگ تكول عن العين حتى ماتنحسد يبعد امك👨...
المهم ماعلينا من العضلات هذي شكليات ..
عيوني دوم حمره وتجدح ورافع حاجبي بس مرات تتعب العضله مالت الحاجب لأن دوم رافعها وماعاجبني العجب...
فأضطر البس نظارات وانزلها حتى تسترخي..
شعري حرير وداىما ينزل على عيوني .من ارفع خصله اذا نزلت على عيوني الحمره اطيح عشر بنات الله.. لايچذبني..
والسبحة ماتفارگ ايدي خاف تلاگيني احتفاليه حتى ارگص چوبي وهنا اذا رگصت چوبي مااضمن كم وحده اطيح بجمالي الأخاذ ..
هااااا ونسيت المحزم الي ماانزعه حتى من انام وطابع ويا جسمي لان متأهب للعركات خاف يجي مزعل الخبل..
عدوي اللدود الي منافسني على حبيبت الگلب خرنابة..👩
اووف ياخرنابه هي الوحيده الي شايفه روحها ومامطيتني مجال..
بس وين تروح مني الزمها الزمها مامعقولها مايسحرها الخيط الازرگ الي امي مخيطة بي دگم القميص اليوم ...
وهاي اني وصلت يم الحلوه الي جسمها فول👩 مواصفات ليش اتعبكم بوصفها انتو تخيلوها احلى منكم اكيد 😏😉
_شلونج يخرنابه يابعد الگلب شلونج بووووويه....😏 اي اهم شي بويه ...
تخلونها بالموضوع لو باباتي..وهو المصرگع لأبو مايسميه يابه وعايش دور الابوه ويا خرنابه ...
اي ماعليج منهم بويه خرنابه يابنت روحي المعنجره...
اليوم راح اجيب امي ونجي نخطبج شتكولين يابعد المعلاك والطحال..والمراره.....❤
_خرنابه....ههههي ياهلا بيك باباتي تعال اوووخطوبني من أبووويه لان من شفت هذا الخيط بالقميص وشفت العضلات الساحره بعد مااگدر اقاوم بس شلون اخاف من مزعل يعارض ويخطبني هو ....
_ولچ مزعل شنو غير انعل اهله انتي الي وماتصيرين لغيري..
اليوم بالليل اخلي باب بيتهم عبوه صوتيه واكتبله تهديد وبعد مايوصل يمج...
شعبالج هو لعب چعاب ..كل انواع السلاح الموجوده بالعراق معبيها بالمحزم مالتي انتي بس اشري واعتبريها منتهيه....
_يابعد غوووحي خلص راح انتظركم تجون والبس برمودا حمره واسبح بشامبو يسطر واسويلك كنافة وزنود الست..وحبشكلات...
لان اعرف اقصر طريق لقلب الرجل كرشة ولو انته ماعندك كرش حوووبيبي لان انتَ مو عراقي الاصل ابو فانيله تعلاگه وسروال ابطال باب الحاره 😉
وفي اليوم الثاني تم تهديد مزيعل من قبل عباس المستعجل...🧑
وتم خطبة خرنابه الي هي على اساس مغروره وبكلمتين انسحلت سحل على ابو محزم وعضلات وتزوجوا 👰🤵
وهو اكيد يغار عليها وميخليها تطلع لباب الشارع...
واذا شافها واكفه بالباب يجيبها سحل من باب الشارع لغرفتها الفوك ويكرسحها بالدرجات ...
وتالي تلبس احمر ملعلط واخضر حشيشي وتصالحة ..🤦🏻♀️
ويعيشون على هذا المنوال بتبات ونبات ويخلفوا صبيان وبنات👧🧒🧒👧.....
تمت.......🌹
اذا تردون الجزء الثاني من يتزوج عباس المستعجل على خرنابه وتظل تغار عليه ...
واكيد تكيدلها العروس الجديده نحتاج الى جزء ثاني وكلكم عيوني وشكرنننن وسهلنن 😊
بقلمي المقطوط✍🏻
( زهراء الزيدي )
