روايه لقاء القلوب
🕋🕋🕋🕋🕋
بقلم بسنت سمير
♥️♥️♥️♥️♥️♥️
يا محمد اسمع كلامي لو سمحت دا في مصلحتك انا مش عارف ازاي انت مستهتر لدرجادي صحتك مش فارقه معاك لازم تسافر تتعالج عنادك دا مش هيوصلك لحاجه انا خايف عليك وعلي صحتك
محمد : انا مقدر خوفك وقلقك عليه بس انا مش قادر اقعد اكتر من كدا في المستشفي بجد تعبت واعصابي تعبت حاسس لو فضلت اكتر من كدا ممكن اموت وكمان انا مش عوز اتعالج بره عوز افضل في بلدي علشان لو حصلي حاجه اكون بين اهلي وناسي
محمود: بعد الشر عليك ارجوك يا محمد متوجعش قلبي عليك اكتر من كدا انت لو حصلك حاجه انا معرفش ممكن ايه اللي يحصلي واوعدك ان شاء الله هتخف وهترجع احسن من الاول كمان
محمد بتعب : الموت علينا حق يا محمود بس علشان خاطري اعمل اللي بقولك عليه اهم شئ اخرج من هنا وحشني بيتي اوي وحشني كل ركن فيه وذكرياتي وريحة هيام وضحكتها في كل مكان يمكن الذكريات ترجع لي حياتي اللي راحت بالله عليك يا محمود خرجني انا بجد تعبت من جو المستشفي دا والادويه انا بموت بالبطئ
محمود: حاضر هعمل اللي انت عوزه بس الاول اشوف حد يكون كويس وامين علشان يكون مسئول عن صحتك ومواعيد ادويتك بإنتظام انا مش هقدر اسافر واسيبك كدا عمري ماهكون مطمن عليك غير كدا مش هتخرج من المستشفي قولت ايه موافق
محمد بيأس: خلاص يا محمود اللي تشوفه اهم حاجه اخرج من هنا
محمود: خلاص اتفقنا انا هظبط كل حاجه وهتصل بالخدم في الفيلا يجهزوا الاوضه اللي تحت علشان تكون مرتاح فيها ايه رايك
محمد : لا انا هروح اوطتي مشتاق لكل ركن فيه حاسس ان هيام هتكون موجوده بروحه الحلوه وضحكتها الصافيه هنسي بيهم فراقها وبعدها عني كل السنين دي من يوم ماسبتني وانا حاسس اني زي الطفل اليتيم اللي فقد ابوه وامه وراح معاهم الأمان و الحنيه كونت لما بكون مضايق بجري علي حضنها وارمي فيه كل همومي وضعفي وقلة حلتي كانت السند والصاحب والحبيبه والزوجه انا من وقت ما راحت وانا جسد من غير روح حياتي ملهاش طعم من غيرها انا تعبان اووي يا محمود ليه هي وانا لا ياريت كنا متنا مع بعض
محمود والدموع مليه عنيه كفياك حزن يا محمد بقلها خمس سنين من يوم ما ماتت وانت علي حالك دا انسي علشان تقدر تعيش وتتخطي المحنه دي انت مفيش عندك اي تعب جسدي عجزك دا انت السبب فيه لأنك عايش مع الذكريات ودا اللي عامل فيك كدا شوف بقيت عاجز مش قادر تقاوم المرض لو اتملك منك هتعيش عمرك كله تعيس ياخويا صدقني هيام اكيد حزينه عليك وعلي حالك عمرها ماكانت تصدق ان هتكون بالضعف دا لازم تقاوم علشان تتغلب علي مرضك ارجوك يا محمد حاول وانا معاك انا مش هكلمك كاطبيب هكلمك كأخ بيتوجع علي حال اخوه اللي كان الكل بيشهد بقوته وصبره وانوا بيتخطي اي مشكله حتي لو كانت كبيره عوز محمد اخويا يرجعلي ارجوك
محمد : هحاول يا محمود بس مش قادر اني اوعدك لان قوتي كلها اخدتها معها ربنا يسهل ياحبيبي ان شاء الله
محمود : ان شاء الله ياحبيبي وانا اوعدك اول ما اخلص المؤتمر هاخد اجازه شهر واقعد معاك ونرجع ايامنا الحلوه تاني
محمد : ربنا ما يحرمني منك ياحبيبي ويباركلي في عمرك
💔💔💔💔💔💔💔💔💔💔💔💔💔💔💔💔💔 اذكروا الله
