اسكريبتات ل سلمى ياسر

اسكريبت 16

-صالحني
= نعم ؟!
- صالحني يا عبدالرحمن
= هو مش انتي اللي غلطانه باين !
- اه
= وانتي اللي مزعلاني !
- ايوه
= وانا اللي المفروض ازعل !
- م انت زعلت ف انا زعلت إن انت زعلت ف صالحني
= أنتي عبيطة صح ؟
- ااه
= ما انا عارف
- يلا صالحني
= لا إله إلا الله
- محمد رسول الله ، يلا صالحني
* بصلي شويه وهو ساكت وبعدين ضحك *
- بتضحك على إيه شايف أراجوز قدامك !!
= أحلى أراجوز ده ولا إيه
- عبدالرحمن انا مضايقة
= وعبدالرحمن بيحبك
- لا انت مخاصمني
= طب تعالي كده بس  * وقفني قدامه واتكلم * انتي عملتي حاجة غلط ، صح ؟
- ايوه وقولتلك مش قصدي
= طب انا غلطت لما سكت ومكلمتكيش وانتي فكرتيني مخاصمك بس أنتي عارفة إني بغير
- وانت عارف إني بحبك انت
= بس عملتي حاجة مبحبهاش
- على فكرة مش قصدي أحمد كان زميلي في الجامعة وبيسلم عليا عادي
= شوف بردو بتقولي إيه ،، يا حبيبتي مينفعش تكلمي واحد غريب وتسلمي عليه وتهزري معاه كده انتي عارفه إني بغير عليكي ، مش هقبل إن حد يشاركني فيكي .. انتي بنتي لوحدي
- انت عارف إن محدش هيشاركك فيا وإني بتاعتك انت وبس وانا والله مش قصدي ازعلك ، انت عارف إني بحبك ومبيهونش عليا زعلك
= مكنتش عايز اسكت كده بس لو كنت اتكلمت شويه كنا هنتخانق والموضوع يكبر ف كان لازم اسكت لحد ما اهدى
- وسبتني لوحدي
= مقدرش ، مقدرش ابعد عنك ولا اسيبك لوحدك ، انا عايش بيكي
- هو معقول يكون ربنا بيحبني اوي كده ؟
= اشمعنا !
- عشان يرزقني بيك ، انت مالي دنيتي كلها ، مببقاش محتاجة حد وانت معايا ، باخد رأيك في صوري اللي بتخليني انزلها بالعافية ، باخد رأيك في هدومي ، بتجبلي كل اللي نفسي فيه ، ديما مفرحني كده ،  بحبك يا عبدالرحمن .. بحبك جدا
= عبدالرحمن دايب والله
- يلا ننام بقا عشان عندنا شغل
= استني كده
- ايه ؟!
= فين مالك ؟!
- نايم
= طب يلا ننام قبل ما يصحي بالله
* صوت مالك بيعيط *
= يختااااي ، جايب عيل يربيني مش انا اللي اربيه ، سكتيه يا سلمى الله يخليكي
- *بضحك * نفسي أفهم اتحولت ازاي من شخص بيعشق الاطفال لواحد مش طايق صوت ابنه
= بتخنق
- من ابنك ؟
= من عياطه
- يعني انا لو عيطت هتتخنق مني !
= عمري عملتها ؟
- لا .. كنت بتضايق إني بعيط بس عمرك ما زهقت من عياطي
= اهو انتي جاوبتي
- انا بحبك
= وانا بحبك يا ست البنات ، ومش بزهق منك ولا من مالك ده كفايه إنه ابنك ومنك
- كفاية إنك أبوه
= سلمى
- يا قلبها وروحها وحياتها وكل ما ليها
= انا لحد دلوقتي مش مصدق إنك بقيتي مراتي
- بقيت حرم المستشار عبدالرحمن
= من غيرك مكنتش هوصل ، انتي كنتي ديما في ضهري وبتسنديني وتشجعيني ، كنت بقوى بيكي
- انت قوتي ، عمري ما خوفت وانت جمبي ، عمري ما حسيت بالضعف وانت ف ضهري ، انا قوية بيك
= مالك نام ؟
- نام من الحدوتة بتاعتنا
= طب هاتيه
* شال مالك ونيمه في سريره *
= دلوقتي دور ام مالك
- دوري في اي... * شالني * نزلني يا عبدالرحمن
= لا هنيمك في سريرك
- طيب انا هروح انا بعرف امشي مش صغيره
= بس هتفضلي بنتي
* حضنته *
- وانت هتفضل أحلى بابا في الدنيا
= قلب بابا
- احكيلي حدوته
= حدوتنا
- دي حفظاها
= دي احلى حدوتة في الدنيا
- عشان انت البطل بتاعها
= عشان انتي محلياها زي ما محلية كل حاجة حواليا ومحلياني بيكي
- ايه الكلام الكبير ده
= ولا ييجي حاجة في الكلام اللي جوايا
- بحبك 💕
= دايب فيكي 💕
لولا وجودك ما حييت
#سلمى_يا