اسكريبتات ل سلمى ياسر

اسكريبت 19

- عبرحمااان
= عايزه ايه هاا انجزي ؟
- عايزه اخرج
= مش فاضي
- طب هخرج مع صحابي
= اللي هم مين ؟
- م انت عارفهم
= ردي ع السؤال
- رضوى وسما ونعمة ونورا
= ومين ؟
-اكيد عمر جاي ومش هيسيب نورا كالعاده وممكن عمرو ييجي
= ومين ؟
- معرفش مين تاني هييجي
= هتروحو فين ؟
- هو محضر !
= اه محضر
- هنروح زاكس
= وبعدين ؟
- معرفش
= انتي مش ملاحظه انك بترخمي
- وانت مش ملاحظ ان اسئلتك كترت
= ايوه بطمن عليكي
- طب ما انت ممكن تيجي معايا ونريح دماغنا من كل ده
= مش فاضي
- ما هو مبيطلبش
= ما انا عارف
- مستفز
= قلبي يارب
- هتبطل تناحه امتا بس فهمني
= قلب التناحة
- يووه
= هنخرج خلاص
- قربت منه وضحكت .. بجد ولله
= بس بشرط
- ايه ؟
= عمر ونورا ميتخانقوش ويفرجوا علينا الناس
- و دي اعملها ازاي !
= معرفش
- ما انت عارف انهم زي القط والفار مبيبطلوش خناق
= ما انا بزهق بصراحة وبيقرفونا
- اتكلم عن صحابي كويس يعم
= قلب العم
- يابني
= يا قلبه
- نتكلم جد شويه بقا
= قلبي بقا
- اقتلك طيب ؟
= لا انتي بتحبيني مش هتعملي كدا
- واثق اوي
= طبعا يا بنتي هو انا اي حد
- لا انت بابا
= قلب بابا ولا ايه
- طب يلا ننام عشان نبقى فايقين لخناقه عمر ونور قصدي للخروجه😹💔
= سلمى
- ايي
= اصحي يا سلمى الخناقه هتفوتنا كداا
- لا تفوتنا ايه لاا ده انا بحب اتفرج على جنانهم يلاا وقمت جري من علي السرير وهو قعد يضحك علياا
نزلنا وكلمناهم واتقابلنا في زاكس طلبنا الاكل وبناكل هوب دبل كيك بدأت المعركة
نورا : عجباك اوي ؟
عمر : هي مين !
نورا : اللي بتبصلها
عمر : بصيت لمين يبنت الحلال اهدي
نورا : قصدك ايه اني مجنونة يعني ؟!
عمر : لا ده انتي ست العاقلين
نورا : اتريق اتريق
مقدرتش امسك نفسي وضحكت نورا لدغة في حرف ال *ر* وانا بحب لدغتها دي 😹
نورا : قولت نكته !
- لا الدبش ده ميطلعش عليا
عمر : ايوه اشبطي في اي حد
نورا : اه مجنونه انا معلش
رضوى : صلوا ع النبي يجماعه في ايه احنا جعانين
كلنا .. عليه افضل الصلاه والسلام
سكتوا الحمدلله وكالنا وخلصنا
- ها هنروح فين ؟
نورا : ملاهي
- بطلي تفاهه
نورا : اسم الله عليكي
- قلبي يارب
نعمة : انا هروح
سما : وانا كمان كفايه عليا كدا
- حلوه اوي الخروجه يجماعه وياريت منكررهاش تاني
قومنا نمشي وانا مش طيقاهم انا كنت عايزه اتفسح كتير
- عبدالرحمن
= يقلبه
- انا مش عايزه اروح
= عيوني
- هنروح فين !
= مش عارف تيجي نروح على النيل ؟
= انت عارف اني هوافق على طول
=بس يلا بينا نروح
روحنا وكالعاده التفاهة خدت دورها وعملنا فيها علي سفينه تيتانك😹 بحبه وهو تافه كده يخربيت حلاوتو
= مبسوطة ؟
- طول ما انا معاك مبسوطة
= طبعا هو انا اي حد
- بلاش رخامه
= قلب الرخامه
- عبدالرحمن
= قلبه وعقله
- هتخرجني كل يوم ؟
= عنيا يست البنات
- خد قلبي يعبدالرحمن
= معايا يا قلب عبدالرحمن
- غلس اووي
= قلب الغلس اووي

* لولا وجودك ما حييت *
#سلمى_ياسر