اسكريبتات ل سلمى ياسر

اسكريبت 22

- أنا بغير ومش هبطل غيرة عشان انت ليا لوحدي
= ما أنا ليكي لوحدك اهو
- لا مش ليا لوحدي ، لو دورت هتلاقي إن في كتير في حياتك بيشاركوني فيك وأنا مبحبش كده ، يا تكون ليا لوحدي يا خليك معاهم بقى
= طب نتكلم براحة ، اللي في حياتي دول مين ؟
- صحابك
= صحابي بس ومش صحاب كمان هي اسمها زمايل ، في ناس من أيام الدراسة وناس من الشغل ، هم مجرد زمايل وأنتي عارفه إني بحبك أنتي
- لا مبقتنعش أنا بجو الزمايل وبحبك انتي والكلام ده وإلا مكنتش هتخليني متعاملش مع أي رااجل غيرك حتى زمايلي في الشغل !
= ما هما عيال ملزقه
- ما اللي عندك ملزقين بردو وبيحاولوا يبقوا كيوت وبتقلب معاهم ببرود عادي
= انتي غيرانة منهم ولا عليا ؟
- أغير منهم ليه ! أنا مش شايفة إني أقل منهم عشان اغير ، بس انا مش بحبهم
= عشان بكلمهم ؟
- بدأت أعيط  - ايوه وبيفضلوا يهزروا معاك وتضحك معاهم وانت ضحكتك حلوة وانا بحبها وبحبك ومش عايزه حد يكلمك غيري
= طب خلاص متعيطيش وانتي حلوة كده ، مش ههزر معاهم تاني خلااص
- لا أنت بتكدب عليا عشان أبطل عياط
= انا عمري كدبت عليكي
- يااه ده انا مبعدش يا چيمي
= طب عقاباً ليكي هروح اهزر معاهم
- لا لا خلاص
= ممكن نتكلم بهدوء بقى؟
- ماشي
= اولا هزارنا ده جوه مجال شغلنا يعني لو واقف على باب المكتب مش هرد عليهم وحتى لما بنتكلم على النت بيبقى على الشغل ولما بلاقيها هتقلب هزار بقول إني مش فاضي واقفل معاهم كلام ، أنا عارف إنهم ملزقين ومش بكلمهم اصلا عشان الحلوة بتاعتي متزعلش ، وحكاية زمايلك الولاد نفس الكلام بإختلاف إني منعتك تديهم رقمك بس عشان ميفتكروش إنهم عيال روشه ، وكنت بغير عليكي بردو لما بتحكيلي على كلامك معاهم ف خليتك متتكلميش عشان انتي كلك حلوة مش ضحكتك بس وبعدين انا بفكر ألبسك نقاب اصلا عشان محدش يشوفك غيري
- ما هما عارفين شكلي بردو
= ما النقاب هيخليهم ميتكلموش بقى اكتر
- لا والله
= اه والله يا حلووة انتي
- قلب الحلووة من جواا كداا
= ممكن متعيطيش تاني ؟
- متزعلنيش ومش هعيط
= مش هزعلك ، انا آسف
- تقبلته خلاص
= استني انا نسيت أقولك صح
- إيه ؟
= حلو فستانك الجديد ده ولونه حلو زيك ، لا مفيش حاجة حلوة زيك .. أنتي أحلى حاجة في الدنيا أصلاً 💕
- مفيش حلو زيك والله 💕

💕 لولا وجودك ما حييت 💕
#سلمى_ياسر