اسكريبتات ل سلمى ياسر

اسكريبت 27

- سلمى انا بحبك
= احنا اخوات
- لا مش اخوات انا اسمي أحمد محمد وانتي سلمى ياسر
= ايه جو 3/4 ده
- لا ما انتي مش هتصيعي يعني
= اتكلم ب اسلوب احسن من كده
- يست امير البحار خلصيني
= انت بتكلمني كدا ليه يا طفل يا سئيل انت
- قلب السئيل
= هنبدأ نرخم
- قلب الرخم
= بطل تناحة
- قلب التناحه
= انت يا زفت اتهبب اتكتم
- قلب الزفت
= انا بقول امشي احسن
- استني بس هقولك
= نعم
- بحبك وعايز اتجوزك فيها ايه دي ؟
= فيهاا اننا اخوات
- بردو هتقولي اخوات
= بقولك ايه انا عايزه انام متوجعش دماغي
- ايه السرسجي ده !
= قلب السرسجي
- ده كلامي خلي بالك
= حبه من غلاستك
- قلب غلاستي
= يختاااي مش هنخلص
- اتجوزيني وهنخلص
= مش هتجوزك وهنخلص
- هتجوزك
= بعينك
- هنشوف

"" طلعتله لساني وطلعت شقتنا احنا اصلا قرايب وساكنين في شارع واحد ومتربيين سوا بس انا بعتبره اخويا الكبير ""

* بردو بحبك *
مسدج منه علي الواتساب .. مش هنخلص انا عارفه
= وبعدين يعني ؟
- اتجوزيني وريحي نفسك
= لا
- اخر كلام ؟
= اه
- طب بقولك
= ايه ؟
- بحبك
= انت غلس ولله
- قلب الغلس
= يوووه سلام ... وقفلت

ما هو مش طبيعي الرخامه دي يعني هو الجواز بالعافيه ايه ده ، تاني يوم لقيت بابا على الفطار بيقولي في عريس جايلي
" لا متقولش أحمد لاا "
= طيب يا بابا اللي حضرتك تشوفه
~ هو جاي بليل
= ايه السرعه دي ؟
~ هو هييجي يقعد معانا بس واللي فيه الخير يقدمه ربنا
= اللي حضرتك تشوفه يا بابا

قومت دخلت اوضتي يارب ميكونش هو ،، كلمت رضوى وسما وقولتلهم ان جايلي عريس وطبعا حكتلهم علي أحمد وتناحته ياربي هو في كداا 😒 وجهزت قبل ما العريس المجهول ييجي ندهولي ف خدت الصينيه ودخلت قعدت جمب بابا وباصه في الارض وساكته وهما بيتكلمو بس صوت أحمد مش وسطيهم الحمدلله مش هو ..

سابونا وطلعو وفضلت انا و هو لوحدينا *

< اسمي إسلام 
= اهلا وسهلا
< سلمى صح ؟
= ( ده جاي يتقدملي بالحب ولا ايه ) ..  ااه سلمى
< اسمك حلو
= شكرا
< انتي عندك كام سنه ؟
= ( يادي القرف ) ،، 20 سنه
< بتدرسي ايه ؟
= كلية خدمة اجتماعيه
< حلوه ومجالاتها كتير ،...
اتكلم كويس على كليتي عكس الناس اللي شيفاها ملهاش لازمه لا خد قلبي مش عيزااه
= شكرا
< مش هتسأليني حاجة ؟
= لا
< تمام هستنى ردك من باباكي
= تمام
قومت دخلت اوضتي وحسيت انه كويس بابا سألني ع رأيي قولتله اللي حضرتك شايفه ف قالي انا موافق ف ضحكت وهو فهم ردي ايه 
كلم إسلام  وبلغو موافقتي وحددوا معاد الخطوبه وكلم قرايبنا عزمهم ولقيت المجنون التاني جاي يتخانق معايا !!

=  نعم يعني اعملك ايه ؟
- تقوليلهم مش موافقه
= بس انا موافقه وإسلام كويس
- متقوليش اسمه
= ده خطيبي
- اه ان شاء الله
= ما هو ان شاء الله فعلا
- سلمى متبقيش مستفزه
= الله يخليك
- طاايب يا انا يا إسلام  دااا